logo

энергетика

НБО-и Қайроққум ба бозсозӣ ниёз дорад

Соли   2010   барои   кормандони  Нерӯгоҳи  барқи обии Қайроққум фаро-мӯшнашаванда аст, зеро бори аввал дар таърихи 55- солаи мавҷудияташ он қариб 900 миллион киловатт-соат қувваи барқ истеҳсол кард. Бо назардошти вазъи иқтисодиву иҷтимоии вилоят ва монеаҳо дар интиқоли барқ аз кишвари Ӯзбекистон мутахассисон кӯшиш доштанд, ки нерӯгоҳро бо  иқтидори лоиҳавиаш мавриди истифода қарор диҳанд, то ки сокинон ва  корхонаю муассисаҳо аз барқ танқисӣ накашанд.
- Имрӯз ҳиссаи мо дар таъмини барқи вилоят аз 25 то 30 фоизро ташкил медиҳад, -мегӯяд Файзулло Авезов, директори НБО-и Қайроққум , -аммо ин маънои онро надорад, ки минбаъд низ мо ҳамин миқдор қувваи барқ истеҳсол хоҳем кард. Зеро нерӯгоҳ таъмири асосӣ ва ё бо ифодаи дигар пурра бозсозӣ нашудааст ва аз ин лиҳоз ба таъмиру тармими ҷиддӣ ниёз дорад. Хушбахтона, ин масъала феълан дар мадди назари Сарвари давлат қарор дошта, масъалаи ҷудо кардани маблағ баррасӣ шудааст. 
Бояд гуфт, НБО-и Қайроққум нодир буда, махсусиятҳои худро дорад. Дар он агрегатҳои чархзананда на дар бинои иловагӣ, балки бевосита дар сарбанд (дарғот)  насб шуда, баъдан ҷои обпартояш аз болои агрегатҳо мегузарад.
 Бунёди нерӯгоҳи мазкур ҳанӯз ба солҳои баъди Ҷанги бузурги ватанӣ, аниқтараш ба солҳои 1947-1948 рост меояд. Бо афзоиш ёфтани иқтидори истеҳсоли комбинати шашуми шаҳри Чкалов (ҳоло "Востокредмет")  зарурати сохтани нерӯгоҳ дар мавзеи Қайроққум пеш омадааст. Инак, беш аз панҷоҳ сол ин нерӯгоҳ фаъолият дошта, дар рушди иқтисодиёти ҷумҳурӣ нақши бузург мебозад. Бояд зикр кард, ки аз фаъолияти нерӯгоҳ беш аз ҳама Ӯзбекистон ва Қазоқистон  манфитаи хуби иқтисодӣ мегиранд, зеро бо шарофати обанбори "Баҳри тоҷик" ҳамасола 400 ҳазор гектар замини ин кишварҳо обёрӣ мешавад. Аз ин рӯ, доимо аз мо хоҳиш  мекунанд, ки  дар фасли баҳору тобистон захираи обро таъмин намоем. Пас боиси тааҷҷуб аст, ки манфиати бардоштаи худро нодида мегиранд ва муқобили сохтмони нерӯгоҳҳои барқи обӣ дар Тоҷикистонанд. Ҳол он ки ба сохтмони нерӯгоҳи барқи обӣ набояд бо назари танг нигоҳ кард, зеро дар он танҳо қувваи барқ тавлид намеёбад, балки тавассути обанбор метавон миқдори зиёди обро захира кард ва ҳам ба рушди соҳаҳои ҷаҳонгардӣ, варзиш ва моҳипарварӣ такон бахшид.
-Ҳоло вақти он расидааст, ки  нерӯгоҳ бозсозӣ шавад, -иброз медорад директор Файзуллоҷон Авезов. - Бо ибтикори Сарвари давлат  мутахассисон аз бонкҳои аврупоӣ омада, вазъи иншоотро омӯхтанд ва ҷиҳати сармоягузорӣ мувофиқа ҳосил шудааст. Вазифаи аввалиндараҷаи мо, мутахассисон аст, ки то оғози таҷдид кори мӯътадили нерӯгоҳро таъмин намоем. Зикр бояд кард, ки имрӯз идоракунии нерӯгоҳ асосан ба дӯши мутахассисони ҷавони маҳаллӣ - хатмкардагони факултаи энергетикии Донишгоҳи техникии Тоҷикистон гузошта шуда, онҳо рисолати худро сарбаландона ба ҷо меоранд. Натиҷаи рекордӣ- истеҳсоли 900 миллион киловатт-соат маҳз бо кӯшиши онҳо ҳосил гашт. Ҳол он ки дар замони шӯравӣ авҷи истеҳсоли он 780 миллион киловатт-соатро ташкил дода буд.

Ҷовиди Аштӣ,
 "Ҷумҳурият"


Баёни ақида (0)    Санаи нашр:    №:    Мутолиа карданд: 1565
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед