СУҒД. РОҲБАРИИ ХИРАДМАНДОНАИ ПЕШВОИ МИЛЛАТ МУҲИМТАРИН ОМИЛИ ПЕШРАФТ ВА ДАСТУ ДИЛИ ГАРМИ МАРДУМИ САРБАЛАНДИ ВИЛОЯТ АСТ

(Аз табрикоти раиси вилоят Раҷаб Аҳмадзода бахшида ба 35-солагии Рӯзи Истиқлоли давлатии Ҷумҳурии Тоҷикистон дар раҳпаймоии меҳнаткашон)
Истиқлоли давлатӣ барои мардуми тоҷик аз ҷумлаи рӯйдодҳои бузургтарини таърихӣ мебошад, ки дар тақдири халқи куҳанбунёди мо гардиши куллӣ ба вуҷуд овард. Ин санаи муқаддас барои мардуми шарафманди тоҷик имконият фароҳам овард, ки ихтиёри давлатдориро ба дасти худ гирифта, ба сӯйи зиндагии осуда, эъмори давлати демократӣ ва ҳуқуқбунёду дунявӣ роҳи васеъ кушоянд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: “Истиқлолу озодӣ олитарин ва бузургтарин дастоварди мардуми тамаддунсозу фарҳангии мо буда, ҳамчун машъали фурӯзон роҳи моро ба сӯйи фардои ободи Тоҷикистони азизамон равшану пурнур месозад”. Воқеан, истиқлолу соҳибихтиёрӣ ба мардуми шарифу заҳматқарини Тоҷикистон руҳи нав бахшида, имконият фароҳам овард, ки таърих, забон ва фарҳанги қадимаи худро шиносем, анъана ва оинҳои неки миллиамонро аз нав эҳё кунем ва кишвари азизамонро дар арсаи байналмилалӣ, ҳамчун давлати ободу озоди дорои фарҳангу тамаддуни бостонӣ муаррифӣ намоем.
Сокинони сарбаланду заҳматқарини вилояти Суғд имрӯз аз он шукргузоранд, ки ин ҳама ободию бунёдкорӣ ва муваффақиятҳои Тоҷикистони соҳибистиқлол, ки дар муддати 35 соли соҳибихтиёрӣ ба даст омад, маҳз дар натиҷаи заҳмати суботкоронаи мардуми кишвар ва роҳбарии хирадмандонаи Пешвои муаззами миллат муҳтарам Эмомалӣ Раҳмон муяссар гардидааст.
Ба шарофати истиқлоли давлатӣ, роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар натиҷаи заҳмати ватандӯстонаи мардум дар вилоят ҳазорҳо иншоот бунёд гардида, ба хизмати сокинон гузошта шуданд, ки сохтмони баъзеи онҳо дар даврони гузашта ғайриимкон буд.
Дар натиҷаи заҳмати шабонарӯзии сокинони вилоят дар соли таърихии таҷлили 35-солагии Истиқлоли давлатии Ҷумҳурии Тоҷикистон ҷиҳати иҷрои фармони Президенти Ҷумҳурии Тоҷикистон аз 7-уми январи соли 2022 “Дар бораи ҷашн гирифтани 35-солагии Истиқлоли давлатии Ҷумҳурии Тоҷикистон” дар шаҳру ноҳияҳои вилоят сохтмон, азнавбарқароркунӣ ва таъмиру тармими 12000 иншооти таъиноташ гуногун ба нақша гирифта шуда, нақшаи мазкур дар соли 2025 пурра иҷро гардид. Мақомоти иҷроияи ҳокимияти давлатии вилоят ва шаҳру ноҳияҳо сохтмон, азнавбарқароркунӣ ва таъмиру тармими 3000 иншооти иловагиро ба нақша гирифтанд ва дар натиҷа, то 1-уми сентябри соли 2026 дар вилоят сохтмон, азнавбарқароркунӣ ва таъмиру тармими 15 ҳазору 225 иншооти таъиноти гуногун ба иҷро расонда шуда, имрӯзҳо низ корҳои ободонию бунёдкорӣ бомаром идома доранд.
Ин ҳама натиҷаи заҳмати шабонарӯзии сокинони ватандӯсту заҳматқарини вилоят дар соли таърихии таҷлили 35-солагии Истиқлоли давлатии Ҷумҳурии Тоҷикистон буда, маҳз дар заминаи раҳнамоиҳои хирадмандонаи Пешвои муаззами миллат муҳтарам Эмомалӣ Раҳмон амалӣ гардид ва заминаи устувори рушди иқтисодиву иҷтимоӣ, таҳкими давлатдорӣ ва болоравии сатҳи зиндагии мардумро таъмин намуд.
Дар панҷ соли ахир ва дар доираи омодагиҳо ба таҷлили 35-солагии Истиқлоли давлатии Ҷумҳурии Тоҷикистон дар вилояти Суғд ба рушди соҳаи тандурустӣ таваҷҷуҳи махсус зоҳир гардида, беш аз 510 иншооти соҳаи тандурустӣ бунёд, навсозӣ, таҷдид ва бозсозӣ карда шуд.
Тадбирҳои созанда дар ин самт ба беҳтар намудани инфрасохтори соҳаи тандурустӣ, фароҳам овардани шароити мусоид барои фаъолияти табибону кормандони тиб ва баланд бардоштани сатҳу сифати хизматрасонии тиббӣ ба аҳолӣ равона гардидааст.
Дар шаҳру ноҳияҳои вилоят бо ҷалби маблағҳои буҷетӣ, соҳибкорони маҳаллӣ ва шахсони саховатпеша марказҳои саломатӣ, бунгоҳҳои тиббӣ, беморхонаҳо ва дигар муассисаҳои тандурустӣ сохтаву мавриди истифода қарор гирифта, як қатор иншооти мавҷуда аз таъмири асосӣ бароварда шуданд. Ҳамзамон, муассисаҳои тиббӣ бо таҷҳизоти муосири тиббӣ таъмин гардида, барои ташхису табобати беморон имкониятҳои бештар фароҳам оварда шуданд.
Бо мавриди истифода қарор гирифтани иншооти нави соҳаи тандурустӣ, пеш аз ҳама, имкониятҳои хизматрасонии тиббӣ дар маҳалҳо васеъ гардида, дастрасии сокинон ба ёрии аввалияи тиббию санитарӣ ва дигар намудҳои хизматрасонии тиббӣ беҳтар мегардад.
Бо назардошти аҳамияти соҳаи тандурустӣ дар таъмини солимии ҷомеа, корҳои бунёдкориву созанда дар шаҳру ноҳияҳои вилояти Суғд минбаъд низ идома ёфта, барои рушди инфрасохтори тиббӣ ва беҳтар намудани сатҳу сифати хидматрасонии тиббӣ тадбирҳои зарурӣ амалӣ карда мешаванд.
Дар панҷ соли ахир ва дар доираи омодагиҳо ба таҷлили 35-солагии Истиқлоли давлатии Ҷумҳурии Тоҷикистон дар вилояти Суғд ба рушди соҳаи маориф ва таҳкими заминаи моддию техникии муассисаҳои таълимӣ таваҷҷуҳи хосса зоҳир гардида, беш аз 1200 иншооти соҳаи маориф бунёд, таҷдид, бозсозӣ ва таъмир карда шуд.
Корҳои созанда дар ин самт дар шаҳру ноҳияҳои вилоят бо мақсади фароҳам овардани шароити мусоиди таълиму тарбия, баланд бардоштани сифати таҳсилот ва мутобиқ намудани муҳити таълимӣ ба талаботи замони муосир амалӣ гардиданд.
Таваҷҷуҳи пайваста ба соҳаи маориф дар вилояти Суғд дар заминаи сиёсати маорифпарваронаи Ҳукумати Ҷумҳурии Тоҷикистон амалӣ шуда, ҳадафи он фароҳам овардани шароити арзандаи таълиму тарбия, баланд бардоштани сатҳи донишу ҷаҳонбинии насли наврас ва омода намудани кадрҳои соҳибмаърифат мебошад.
Ҷараёни бунёдкориву созандагӣ дар соҳаи маориф яке аз самтҳои муҳими омодагӣ ба таҷлили 35-солагии Истиқлоли давлатии Ҷумҳурии Тоҷикистон ба ҳисоб рафта, ба беҳтар намудани инфрасохтори соҳа ва таҳкими заминаи моддию техникии муассисаҳои таълимӣ мусоидат намуд.
Дар панҷ соли ахир ва дар доираи омодагиҳо ба таҷлили 35-солагии Истиқлоли давлатии Ҷумҳурии Тоҷикистон дар вилояти Суғд ба рушди соҳаи варзиш ва таҳкими инфрасохтори соҳа таваҷҷуҳи хосса зоҳир гардида, беш аз 450 иншооти варзишӣ бунёд, таҷдид, бозсозӣ ва азнавсозӣ карда шуд.
Корҳои созанда дар ин самт дар шаҳру ноҳияҳои вилоят бо мақсади фароҳам овардани шароити мусоид барои машқу тамрин, рушди намудҳои гуногуни варзиш, ҷалби бештари аҳолӣ, бахусус ҷавонону наврасон, ба тарзи ҳаёти солим ва омода намудани варзишгарони баландмаҳорат амалӣ гардиданд.
Дар ин давра дар маҳалҳо майдончаҳои варзишӣ, толорҳои варзишӣ, маҷмааҳои варзишӣ ва дигар иншооти соҳавӣ сохта, мавриди истифода қарор гирифта, як қатор иншооти амалкунанда аз таъмири асосӣ бароварда шуданд. Иншооти нав бо назардошти талаботи муосир бунёд гардида, барои машқу тамрини варзишгарон ва баргузории чорабиниҳои гуногуни варзишӣ имкониятҳои бештар фароҳам овардаанд.
Рушди соҳаи варзиш яке аз самтҳои муҳими сиёсати иҷтимоии Ҳукумати Ҷумҳурии Тоҷикистон ба ҳисоб рафта, барои тарбияи ҷисмонии насли наврас, таҳкими ҳисси ватандӯстӣ ва омода намудани варзишгарони тоҷик барои иштирок дар мусобиқаҳои минтақавию байналмилалӣ заминаи мусоид фароҳам меорад.
Дар панҷ соли ахир ва дар доираи омодагиҳо ба таҷлили 35-солагии Истиқлоли давлатии Ҷумҳурии Тоҷикистон дар вилояти Суғд ба рушди соҳаи сайёҳӣ ва таҳкими инфрасохтори туристӣ таваҷҷуҳи хосса зоҳир гардида, беш аз 380 иншооти соҳаи сайёҳӣ ва меҳмонхонаҳо бунёд, таҷдид, бозсозӣ ва азнавсозӣ карда шуданд.
Тадбирҳои созанда дар ин самт ба рушди инфрасохтори сайёҳӣ, беҳтар намудани сатҳу сифати хизматрасонӣ, фароҳам овардани шароити мусоид барои сайёҳони дохилию хориҷӣ ва муаррифии имкониятҳои сайёҳии вилояти Суғд равона гардиданд.
Дар ин давра дар шаҳру ноҳияҳои вилоят меҳмонхонаҳо, осоишгоҳҳо, марказҳои хизматрасонии сайёҳӣ, тарабхонаҳо, мавзеъҳои истироҳатӣ ва дигар иншооти марбут ба соҳаи сайёҳӣ бунёд ва навсозӣ карда шуданд. Бунёди иншооти муосир дар минтақаҳои дорои имкониятҳои сайёҳӣ барои ҷалби сайёҳон ва рушди хизматрасониҳои туристӣ заминаи мусоид фароҳам овард.
Вилояти Суғд бо мавзеъҳои таърихию фарҳангӣ, табиати нотакрор, кӯҳҳои сарбафалак, кӯлу дарёҳо ва ёдгориҳои нодири таърихию меъморӣ аз минтақаҳои дорои имкониятҳои васеи сайёҳии мамлакат ба ҳисоб меравад. Дар солҳои охир бо мақсади истифодаи самараноки ин имкониятҳо инфрасохтори сайёҳӣ дар шаҳру ноҳияҳо тадриҷан рушд дода мешавад.
Таваҷҷуҳи пайваста ба рушди сайёҳӣ дар доираи сиёсати созандаи Ҳукумати Ҷумҳурии Тоҷикистон амалӣ гардида, ҳадафи он истифодаи имкониятҳои табиӣ, таърихӣ ва фарҳангии кишвар, ҷалби бештари сайёҳон ва саҳм гузоштан дар рушди иқтисоди миллӣ мебошад.
Дар вилояти Суғд корҳои ободониву созандагӣ бахшида ба 35-солагии Истиқлоли давлатӣ ба рушди инфрасохтори сайёҳӣ такони ҷиддӣ бахшида, дар баробари бунёди иншооти нав, сифати хизматрасонӣ ва намуди зоҳирии мавзеъҳои сайёҳӣ низ беҳтар карда шуд.
Бунёд ва таҷдиди беш аз 380 иншооти соҳаи сайёҳӣ ва меҳмонхонаҳо дар панҷ соли ахир қадами муҳим дар самти рушди инфрасохтори туристӣ, баланд бардоштани сатҳи хизматрасонӣ ва муаррифии шоистаи имкониятҳои сайёҳии вилояти Суғд мебошад.
Дар панҷ соли ахир ва дар доираи омодагиҳо ба таҷлили 35-солагии Истиқлоли давлатии Ҷумҳурии Тоҷикистон дар вилояти Суғд ба рушди соҳаи фарҳанг, фароҳам овардани шароити мусоид барои истироҳату фароғати аҳолӣ ва таҳкими инфрасохтори фарҳангиву иҷтимоӣ таваҷҷуҳи хосса зоҳир гардида, беш аз 164 иншооти фарҳангиву истироҳатӣ бунёд, таҷдид ва бозсозӣ карда шуд.
Корҳои ободониву созанда дар ин самт дар шаҳру ноҳияҳои вилоят бо мақсади беҳтар намудани муҳити фарҳангӣ, фароҳам овардани шароити муносиб барои баргузории чорабиниҳои фарҳангӣ ва истироҳати сокинон, бахусус ҷавонону наврасон, амалӣ гардиданд.
Таваҷҷуҳ ба рушди соҳаи фарҳанг ва фароҳам овардани шароити муносиб барои истироҳату фароғати аҳолӣ яке аз самтҳои муҳими сиёсати иҷтимоии Ҳукумати Ҷумҳурии Тоҷикистон ба ҳисоб меравад. Дар ин замина, бунёди иншооти нави фарҳангӣ ва навсозии муассисаҳои мавҷуда барои рушди фарҳанги миллӣ, ҳифзи арзишҳои маънавӣ ва тарбияи насли наврас дар руҳияи худшиносии миллӣ аҳамияти муҳим дорад.
Дар панҷ соли ахир ва дар доираи омодагиҳо ба таҷлили 35-солагии Истиқлоли давлатии Ҷумҳурии Тоҷикистон дар вилояти Суғд ба рушди соҳаи савдо ва хизматрасонӣ, ташкили инфрасохтори муосир ва фароҳам овардани шароити мусоид барои аҳолӣ таваҷҷуҳи хосса зоҳир гардида, беш аз 2200 иншооти соҳаи савдо ва хизматрасонӣ бунёд, таҷдид ва бозсозӣ карда шуд.
Корҳои ободониву созанда дар ин самт дар шаҳру ноҳияҳои вилоят бо мақсади беҳтар намудани сатҳу сифати хизматрасонӣ, рушди соҳибкорӣ, таъсиси ҷойҳои нави корӣ ва фароҳам овардани шароити муносиб барои сокинон амалӣ гардиданд.
Дар доираи тадбирҳои мазкур садҳо мағозаву марказҳои савдо, нуқтаҳои хизматрасонӣ, тарабхонаву ошхонаҳо, сартарошхонаҳо, марказҳои хизматрасонии маишӣ ва дигар иншооти соҳавӣ бунёд гардида, як қатор иншооти амалкунанда таҷдиду азнавсозӣ карда шуданд. Ин раванд ба беҳтар гардидани намуди зоҳирии маҳалҳо ва ташаккули муҳити муосири хизматрасонӣ мусоидат намуд.
Дар шаҳру ноҳияҳои вилоят бо ҷалби соҳибкорон ва шахсони саховатманд корҳои созандагӣ дар самти бунёди марказҳои хизматрасонӣ ва дигар иншооти тиҷоратӣ вусъат гирифта, дар натиҷа инфрасохтори хизматрасонӣ дар маҳалҳо тадриҷан рушд ёфта истодааст.
Таваҷҷуҳ ба рушди соҳибкорӣ ва бахши хизматрасонӣ дар доираи сиёсати иқтисодиву иҷтимоии Ҳукумати Ҷумҳурии Тоҷикистон амалӣ гардида, барои рушди бахши хусусӣ, беҳтар намудани фазои соҳибкорӣ ва баланд бардоштани сатҳи зиндагии мардум замина фароҳам меорад.
Дар вилояти Суғд низ соҳибкорони маҳаллӣ дар корҳои ободониву созандагӣ саҳми назаррас гузошта, бо бунёди марказҳои нави савдо ва хизматрасонӣ ба рушди иқтисодии маҳалҳо ва беҳтар гардидани сатҳи хизматрасонӣ мусоидат менамоянд.
Дар баробари бунёди иншооти нав, ба ободонӣ ва зебоии атрофи марказҳои савдо ва хизматрасонӣ низ таваҷҷуҳ зоҳир гардида, кӯчаву хиёбонҳо ва маҳаллаҳои аҳолинишин симои нав касб мекунанд.
Бунёд ва навсозии беш аз 2200 иншооти соҳаи савдо ва хизматрасонӣ дар панҷ соли ахир яке аз натиҷаҳои муҳими корҳои ободониву созандагӣ ба муносибати 35-солагии Истиқлоли давлатии Ҷумҳурии Тоҷикистон мебошад.
Ин раванд на танҳо ба рушди инфрасохтори савдо ва хизматрасонӣ, балки ба тавсеаи соҳибкорӣ, таъсиси ҷойҳои нави корӣ, беҳтар гардидани муҳити иқтисодии маҳалҳо ва баланд бардоштани сатҳу сифати хизматрасонӣ ба аҳолӣ мусоидат намудааст.
Дар шароити ҷаҳонишавӣ ва рушди технологияҳои иттилоотӣ, ки воридшавии унсурҳои бегонаро ба фарҳанги миллӣ осон гардондааст, рӯ овардан ба таърих ва огоҳ будан аз аслу насаби хеш барои ҳар як фарди миллат, хусусан насли наврасу ҷавон, зарур ва ҳатмӣ мебошад.
Дар робита ба ин, ба шарофати 35-солагии Истиқлоли давлатӣ бо мақсади омӯзиши амиқи таърихи пурифтихори халқи тоҷик аз номи Роҳбари давлат ба ҳар як оилаи кишвар туҳфа намудани шоҳасари Бобоҷон Ғафуров – китоби “Тоҷикон” ва “Шоҳнома”-и безаволи ҳаким Фирдавсӣ иқдомест, ки ба густариши эҳсоси ватандӯстиву ифтихори миллӣ ва болоравии сатҳи маърифатнокии ҷомеаи мо ҳамаҷониба мусоидат хоҳад кард.
Мо аз он ифтихор мекунем, ки бо пешниҳоди бевоситаи Асосгузори сулҳу ваҳдати миллӣ – Пешвои муаззами миллат муҳтарам Эмомалӣ Раҳмон аз ҷониби Маҷмаи умумии Созмони Милали Муттаҳид Қатънома дар бораи “Даҳсолаи байналмилалӣ оид ба таҳкими сулҳ барои наслҳои оянда, 2027–2036” қабул гардид, ки аз бузургӣ, фарҳанги воло, сулҳу ваҳдатофарии миллати тоҷик ва сиёсати дурандешонаву хирадмандонаи Пешвои муаззами миллат башорат медиҳад.
Ҳисси баланди масъулият дар назди таърихи миллати тоҷик ва тақдири имрӯзу ояндаи халқи Тоҷикистон ҳар яки моро водор месозад, ки истиқлолу озодии давлатамон, яъне муқаддастарин ва бузургтарин неъмати зиндагиамонро бо тамоми ҳастӣ ҳифз кунем, ҳушёру зирак бошем ва қарзи фарзандии худро дар назди Ватани азизамон ба ҷой орем. Вазифадорем, ки ба наврасону ҷавонон – насли ояндасози халқамон таърихи пурифтихори миллат ва таҷрибаи душвори бунёд кардани давлати миллиро омӯзонем ва дар зеҳну шуури онҳо ҳисси баланди миллӣ, ифтихори ватандорӣ, муҳаббат ба Ватан ва садоқат ба давлатро таҳкиму тақвият бахшем.