ШИНОСОИИ ҲАЙАТИ КОТИБОТИ НОМИНАТСИЯИ ФАРОМИЛЛИИ РОҲИ АБРЕШИМ БО ЁДГОРИҲОИ ТАЪРИХӢ, ФАРҲАНГӢ ВА МЕЪМОРИИ СУҒД

Масоили марбут ба муаррифии ёдгориҳои таърихии вилояти Суғд ва шомилсозии онҳо ба Феҳристи ҷаҳонии ЮНЕСКО дар мулоқоти раиси вилоят Раҷаббой Аҳмадзода бо ҳайати котиботи номинатсияи фаромиллии Роҳи абрешим: Долони Фарғона – Сирдарё таҳти роҳбарии Жанат Сеидалиева баррасӣ гардид.

Тавре хадамоти матбуоти раиси вилояти Суғд иттилоъ додааст, Раҷаббой Аҳмадзода зимни суҳбат ёдовар шуд, ки айни замон дар вилояти Суғд зиёда аз 1190 ёдгории таърихӣ, фарҳангӣ ва меъморӣ ба қайд гирифта шудааст. 

Давоми солҳои 2019-2021 ҷиҳати шомилсозии шаш ёдгории таърихӣ, фарҳангӣ ва меъмории вилояти Суғд ба Феҳристи ҷаҳонии ЮНЕСКО корҳои назаррас анҷом дода шуда, ҳадафи ташрифи меҳмонон омӯзиши дақиқи ин иншоот мебошад.