ҲАДАФ - ТАЪМИНИ ЗИНДАГИИ ШОИСТА. АЗ ТАВСЕАИ ҲАМКОРИИ «АМОНАТБОНК» БО АГЕНТИИ СУҒУРТАИ ИҶТИМОӢ ВА НАФАҚА

Санадро директори Агентӣ Абдураҳмон Ҳалимзод ва роҳбари «Амонатбонк» Алиҷон Салимзода ба имзо расонданд.
Дар доираи ҳамкорӣ «Амонатбонк» ба нафақагирон оид ба гузарондани амалиёти бонкӣ бо истифода аз кортҳои бонкии нафақавӣ барои ройгон истифода намудан имкониятҳо, аз ҷумла ройгон пайваст намудани кортҳои бонкӣ ба SMS-паёмак, огоҳиномаҳо дар мавриди амалиёт ва қабули маблағҳо барои таъмини шаффофият ва назорати шахсӣ, ройгон пайваст намудани барномаи «Амонатмобайл» – дастрасии зуд ва осон ба пардохтҳо, таърихи амалиёт ва хизматрасонии дурдаст, хизматрасонии ройгон дар нуқтаҳои хизматрасонӣ ва савдо (POS-терминалҳо) – истифодаи корт дар дорухонаҳо, марказҳои савдо, муассисаҳои давлатӣ, нуқтаҳои фурӯши сӯзишворӣ ва ғайра, бидуни пардохти комиссия, ройгон пардохт намудани хизматрасониҳои коммуналӣ ва давлатӣ тавассути «Амонатмобайл» ва POS-терминалҳо (андозҳо, пардохтҳои давлатӣ, маблағи таваққуфгоҳ, телефони мобилӣ, интернет ва хизматрасониҳои давлатӣ ва ғайра)-ро фароҳам меорад.

Кароматулло АТО,
“Ҷумҳурият”