МУЛОҚОТИ ДАВЛАТАЛӢ САИД БО АННА КУЗНЕТСОВА
Раиси вилояти Хатлон Давлаталӣ Саид бо хонум Анна Кузнетсова, вазири кишоварзӣ ва бозори истеъмолии вилояти Свердловски Федератсияи Россия, мулоқот анҷом дод.
Зимни мулоқот Давлаталӣ Саид зикр намуд, ки вилояти Хатлон дорои иқлими мусоид барои рушди соҳаи кишоварзӣ буда, деҳқонони асилу соҳибтаҷрибааш тавассути омӯзиши роҳу усулҳои муосири соҳа ва меҳнати содиқонаву ҳавасмандона сол ба сол ба натиҷаҳои дилхоҳ ноил гардида, дар баробари таъмини талаботи бозори истеъмолии мамлакат, ҳамзамон, ҳазорҳо тонна маҳсулоти гуногунро ба дигар давлатҳо низ содирот менамоянд.
– Ҳадафи мулоқоти мо низ суҳбат бо соҳибкорону деҳқонон ва содироти маҳсулоти кишоварзӣ ба вилояти Свердловск мебошад, – гуфт Анна Кузнетсова.
Мавриди зикр аст, ки ҳамасола дар вилояти Хатлон зиёда аз 300 ҳазор тонна пахта, 2,5 миллион тонна меваю сабзавот, аз ҷумла 500 ҳазор тонна пиёзи барвақтӣ, ангур ва зироатҳои полизӣ истеҳсол мешаванд, ки як қисмати он ба хориҷи кишвар содирот мегардад.
Пас аз мулоқот барои огоҳии бештар оид ба вазъи соҳаи кишоварзӣ меҳмонон аз корхонаҳои саноатӣ ва заминҳои кишоварзии шаҳри Бохтар, хоҷагиҳои деҳқонӣ, заминҳои полизӣ, киштзорҳои сабзавот ва гармхонаҳои лимӯпарварии ноҳияи Кӯшониён дидан намуданд.
Муҳаммадзоиршо ШАРИФЗОДА,
Зокир ҲАСАН, "Ҷумҳурият"
Санаи нашр: 03.06.2024 №: 104
Муҳокима кунед
Ҳамчунин хонед:
09 январ 2024, Сешанбе
ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ҲИФЗИ ҲУҚУҚҲОИ КӮДАК»
17 ноябр 2023, Ҷумъа
КОДЕКСИ ФАЗОИ ҲАВОИИ ҶУМҲУРИИ ТОҶИКИСТОН
06 апрел 2023, Панҷшанбе
ҚОНУНИ ҶУМҲУРИИ ТОҶИКИСТОН ДАР БОРАИ ХАРИДИ ДАВЛАТӢ
Шарҳҳо (0)
