ПАНҶАКЕНТ. ТАНТАНАИ ИСТИҚЛОЛУ АВҶИ ОБОДКОРИҲО

Чойхона дар хатсайри сайёҳии Ҳафткӯл ҷойгир буда, бо услуби меъмории миллӣ бунёд ёфтааст. Бо оғози фаъолияти он 10 нафар соҳиби ҷойи кор гардид. Инчунин, дар хиёбони ба номи Абуабдуллоҳи Рӯдакии шаҳр коргоҳи дӯзандагии ҶДММ "Маҳсул" ба фаъолият оғоз кард, ки, асосан, ба дӯхти либосҳои мактабӣ машғул аст. Бо мавриди баҳрабардорӣ қарор гирифтани коргоҳ 15 бонуи хонашин бо ҷойи кор таъмин шуд.

Аз Хадамоти матбуоти раиси вилояти Суғд иттилоъ доданд, ки пул дар болои дарёи Зарафшон сохта шуда, 51 метр дарозӣ ва 4,5 метр паҳноӣ дорад. Иқтидори борбардории иншооти ҷашнӣ 60 тонна буда, барои ҳаракати бемамониати нақлиёт дар ҳамаи фаслҳои сол шароит фароҳам меорад. Қаблан, сокинони деҳоти Ёрӣ барои расидан ба роҳи асосӣ маҷбур буданд, ки 10 километрро тай намоянд. Акнун, бо истифода аз ин пул, фосилаи роҳ 2 километр кӯтоҳ шуд. Пул бо маблағгузории Вазорати нақлиёти Ҷумҳурии Тоҷикистон бунёд гардида, барои беҳтар шудани шароити зиндагии аҳолӣ ва рушди иқтисодию иҷтимоии минтақа хизмат хоҳад кард.

Ҳамчунин, дар деҳоти Косатарош сокини маҳаллӣ Нарзулло Раҷабов бо бародаронаш бунёди кӯдакистонро барои 300 кас дар нақша дорад. Бинои муассисаи томактабӣ сеошёна буда, бо беҳтарин шароити таълиму тарбия таъмин хоҳад шуд.

Дар деҳаи Боғчаи деҳоти Шинг сохтмони бинои МТМУ №115 идома дошта, пас аз мавриди истифода қарор гирифтан, 1000 хонанда дар ду баст ба таълиму тарбия фаро гирифта мешавад.