Дузде, ки ислоҳ нагардид, боз ба ҷавобгарӣ кашида шуд Як сокини ноҳияи Ҷаббор Расулов, ки маркази матбуоти Вазорати корҳои дохилӣ аз ӯ марди 36-сола ном мебарад, ба гумони содир намудани ҷинояти дуздӣ дастгир шуд. Гумонбар дар ҳоле ба дасти милитсия

Дузде, ки ислоҳ нагардид, боз ба ҷавобгарӣ кашида шуд

Як сокини ноҳияи Ҷаббор Расулов, ки маркази матбуоти Вазорати корҳои дохилӣ аз ӯ марди 36-сола ном мебарад, ба гумони содир намудани ҷинояти дуздӣ дастгир шуд. Гумонбар дар ҳоле ба дасти милитсия афтод, ки қаблан бар асоси моддаи 244 қисми 2 (дуздӣ) Кодекси ҷиноятӣ суд шудааст.

Тибқи иттилои ВКД, ин мард 15-уми ноябри соли 2025 бо роҳи пинҳонӣ вориди манзили истиқоматии зани 44-солаи сокини ноҳияи Ҷаббор Расулов шуда, аз он ҷо ҷавоҳироти гуногуни тиллоӣ ва 50 сомониро дуздида, аз ҷойи ҳодиса ғайб задааст.

Ҳоло алайҳи гумонбаршаванда бо моддаи 244 қисми 3 Кодекси ҷиноятӣ парвандаи ҷиноятӣ оғоз гардида, тафтишот идома дорад.

Шуъбаи ҳуқуқи рӯзномаи “Ҷумҳурият”

Санаи нашр: 31.12.2025 №: 251-252