ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ҲУДУДҲОИ ТАБИИИ МАХСУС МУҲОФИЗАТШАВАНДА»

30 июн 2023, Ҷумъа

Моддаи 1. Ба Қонуни Ҷумҳурии Тоҷикистон «Дар бораи ҳудудҳои табиии махсус муҳофизатшаванда» аз 26 декабри соли 2011 (Ахбори Маҷлиси Олии Ҷумҳурии Тоҷикистон, с. 2011, №12, мод. 852; с. 2014, №11, мод. 668) тағйиру иловаҳои зерин ворид карда шаванд:

1. Дар моддаи 1:

- сархати ёздаҳум дар таҳрири зерин ифода карда шавад:

«- сайёҳии экологӣ – намуди сайёҳие, ки дар муҳити табиат сурат гирифта, мақсади он тамошои манзараҳои табиӣ, дастгирии ҳифзи муҳити зист ва халалдор насохтани ягонагии системаҳои экологӣ мебошад;»;

- дар сархати дувоздаҳум калимаҳои «бо мақсадҳои» ба калимаҳои «амалӣ намудани фаъолияти» ва аломати нуқта ба аломати нуқтавергул «;» иваз карда шаванд;

- сархати сездаҳум бо мазмуни зерин илова карда шавад:

«- ҳифзи ҳудудҳои табиии махсус муҳофизатшаванда - фаъолияте, ки барои нигоҳдорӣ ва барқарорсозии комплексҳо ва объектҳои пурарзиши табиӣ, пешгирии ифлосшавӣ, таназзул, вайроншавӣ, харобшавӣ, барҳамхӯрӣ ва таъсири дигари манфии фаъолияти хоҷагидорӣ ба онҳо, таъмини риояи қоидаҳои ҳифз ва истифодаи ҳудудҳои табиии махсус муҳофизатшаванда амалӣ карда мешавад.».

2. Аз матни моддаи 2 калимаи «(Сарқонуни)» хориҷ карда шавад.

3. Аз сархати ҳаштуми қисми 1 моддаи 3 калимаҳои «осоишӣ, табобатию» хориҷ карда шаванд.

4. Дар номи моддаи 4 калимаҳои «Моликияти давлатӣ будани» ба калимаҳои «Ҳуқуқи моликият ба» иваз карда шаванд.

5. Дар сархати панҷуми моддаи 6 калимаи «мақомоти» ба калимаи «мақоми» иваз карда шавад.

6. Ба қисми 1 моддаи 10 пас аз калимаи «фонди» калимаи «мамнӯъгоҳҳои» илова карда шавад.

7. Дар қисми 1 моддаи 15 калимаҳои «шабакаи» ва «давлатии мамнӯию» мувофиқан ба калимаҳои «системаҳои» ва «мамнӯъгоҳҳои» иваз карда шаванд.

8. Дар моддаи 17:

- дар номи модда калимаҳои «захираи заминҳо» ба калимаҳои «муқаррар намудани минтақаҳо» иваз карда шаванд;

- қисми 1 дар таҳрири зерин ифода карда шавад:

«1. Минтақаҳои ҳудудҳои табиии махсус муҳофизатшаванда бо пешниҳоди мақоми ваколатдори давлатӣ ва дар мувофиқа бо мақомоти дахлдори ҳокимияти иҷроия дар маҳалҳо аз тарафи Ҳукумати Ҷумҳурии Тоҷикистон муқаррар карда мешаванд.»;

- дар қисми 2 калимаҳои «захира кардани заминҳо» ба калимаҳои «муқаррар намудани минтақаҳо» иваз карда шаванд.

9. Дар қисмҳои 1, 3, 4 ва 5 моддаи 18, сархати панҷуми қисми 2 моддаи 26, сархати дуюми қисми 3 моддаи 45 калимаи «туризми» ва «Туризми» ба калимаҳои «сайёҳии» ва «Сайёҳии» иваз карда шаванд.

10. Дар сархати сеюми қисми 3 моддаи 19 калимаи «мақсадҳои» ба калимаи «эҳтиёҷоти» иваз карда шавад.

11. Қисми муқаддимавии моддаи 20 дар таҳрири зерин ифода карда шавад:

«Мамнӯъгоҳҳои табиии давлатӣ иҷрои вазифаҳои зеринро таъмин менамоянд:».

12. Дар моддаи 23:

- дар қисми муқаддимавии қисми 3 калимаҳои «мумкин аст» ба калимаҳои «иҷозат дода мешавад» иваз карда шаванд;

- дар қисми 4 калимаҳои «бо иҷозати маъмурияти мамнӯъгоҳҳо мумкин аст» ба калимаҳои «аз тарафи маъмурияти мамнӯъгоҳҳо иҷозат дода мешавад» иваз карда шаванд.

13. Дар қисми 1 моддаи 24 калимаи «биосфера» ба калимаҳои «биологӣ ва ландшафтӣ» иваз карда шавад.

14. Ба матни моддаи 25 пас аз калимаи «додани» калимаи «қитъаҳои» илова карда шавад.

15. Дар моддаи 26:

- дар номи модда калимаи «Мавқеи» ба калимаи «Ҳудуди» иваз карда шавад;

- қисми 1 дар таҳрири зерин ифода карда шавад:

«1. Паркҳои табиии давлатӣ дар ҳудуди заминҳои барои ин мақсадҳо ҷудокардашуда, инчунин қитъаҳои замини истифодабарандагони дигар ҷойгир карда мешаванд.»;

- қисми муқаддимавии қисми 2 дар таҳрири зерин ифода карда шавад:

«2. Паркҳои табиии давлатӣ иҷрои вазифаҳои зеринро таъмин менамоянд:».

16. Дар қисми 5 моддаи 35 калимаи «тамошогоҳ» ба калимаҳои «минтақаи намоишӣ» иваз карда шавад.

17. Дар моддаи 36:

- дар қисми 2 калимаҳои «тибқи тартиби муқарраршуда анҷом дода мешавад» ба калимаҳои «бо тартиби муқаррарнамудаи санадҳои меъёрии ҳуқуқии Ҷумҳурии Тоҷикистон амалӣ карда мешаванд» иваз карда шаванд;

- дар қисми 3 калимаҳои «хадамоти» ва «нодир ва зери таҳдиди» мувофиқан ба калимаҳои «нуқтаҳои назорати» ва «нодир, нобудшаванда ё зери хатари» иваз карда шаванд.

18. Дар ҷумлаи якуми қисми 2 моддаи 39 калимаи «заминҳои» ба калимаҳои «қитъаҳои замини» иваз карда шавад.

19. Дар қисми 2 моддаи 40 калимаҳои «аҳолӣ» ва «аҳолии таҳҷоии» мувофиқан ба калимаҳои «сокинони маҳал» ва «сокинони маҳаллии» иваз карда шаванд.

20. Дар қисми 1 моддаи 41 калимаҳои «буҷети давлатӣ таъмин» ба калимаҳои «ҳисоби буҷети давлатӣ маблағгузорӣ» иваз карда шаванд.

21. Аз номи боби 10 калимаҳои «ОСОИШӢ, ТАБОБАТИЮ» ҳориҷ карда шаванд.

22. Дар моддаи 43:

- аз номи модда калимаҳои «осоишӣ ва табобатию» хориҷ карда шаванд;

- дар қисми 1 калимаҳои «осоишӣ ва табобатию солимгардонии табиӣ» ба калимаҳои «табиии солимгардонӣ» иваз карда шаванд;

- аз қисми 2 калимаи «табобатию» хориҷ карда шавад.

23. Дар моддаи 44:

- дар қисми 2 калимаҳои «манзараҳои табиатро» ба калимаҳои «ландшафтҳои табииро» иваз карда шаванд;

- дар қисми 3 калимаи «туризм» ба калимаи «сайёҳӣ» иваз карда шавад.

24. Дар қисми 3 моддаи 47 калимаҳои «ё ин ки низоми фаъолияти хоҷагидории танзимшаванда» ба калимаҳои «ва ё низоми ба мақсадҳои ҳифзи табиат танзимшавандаи истифодаи замин» иваз карда шаванд.

25. Дар қисми 2 моддаи 48 калимаҳои «аз ҷумлаи» ва «мебошанд» мувофиқан ба калимаҳои «ба воҳидҳои кории» ва «дохил мешаванд» иваз карда шаванд.

26. Дар моддаи 49:

- дар қисми 2 калимаҳои «нисбати онҳо ба суд шикоят кардан мумкин аст» ба калимаҳои «дар ҳолати норозӣ будан, онҳо ҳуқуқ доранд ба суд муроҷиат намоянд» иваз карда шаванд;

- дар қисми 3 калимаҳои «тибқи тартиби муқарраргардида» ба калимаҳои «бо тартиби муқаррарнамудаи қонунгузории Ҷумҳурии Тоҷикистон» иваз карда шаванд;

- ба қисми 4 пас аз калимаи «зарар» калимаҳои «бо тартиби муқаррарнамудаи қонунгузории Ҷумҳурии Тоҷикистон» илова карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

Президенти

Ҷумҳурии Тоҷикистон Эмомалӣ РАҲМОН

ш. Душанбе, 22 июни соли 2023, № 1975

Қарори Маҷлиси намояндагони

Маҷлиси Олии Ҷумҳурии Тоҷикистон

Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳудудҳои табиии махсус муҳофизатшаванда»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳудудҳои табиии махсус муҳофизатшаванда» қабул карда шавад.

Раиси Маҷлиси намояндагони Маҷлиси

Олии Ҷумҳурии Тоҷикистон М. ЗОКИРЗОДА

ш. Душанбе, 19 апрели соли 2023, № 1000

Қарори Маҷлиси миллии

Маҷлиси Олии Ҷумҳурии Тоҷикистон

Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳудудҳои табиии махсус муҳофизатшаванда»

Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳудудҳои табиии махсус муҳофизатшаванда» ҷонибдорӣ карда шавад.

Раиси Маҷлиси миллии Маҷлиси

Олии Ҷумҳурии Тоҷикистон Рустами ЭМОМАЛӢ

ш. Душанбе, 16 июни соли 2023, № 392

Санаи нашр: 29.06.2023 №: 131 - 132

Муҳокима кунед