САРВАРИ ДАВЛАТ  БА ПОЙТАХТ БАРГАШТАНД

14-уми  октябр Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон, пас аз анҷоми боздиди корӣ аз шаҳру ноҳияҳои Вилояти Мухтори Кӯҳистони Бадахшон  ва мулоқот бо фаъолони вилоят, ба шаҳри Душанбе баргаштанд.
Маросими гусели Сарвари давлат муҳтарам Эмомалӣ Раҳмон аз тарафи сокинони вилоят чун расми истиқболи меҳмони олиқадр дар фурудгоҳи марказии шаҳри Хоруғ  бо шукӯҳу шаҳомат ва сипосгузории мардум аз Сарвару раҳнамои хеш сурат гирифт. Аҳли фарҳанг ва сокинони сипосгузори вилоят бо самимияти хосса меҳмони олимақомро бо суруру шодӣ ва базми зебои бадахшӣ гусел намуданд.