БАРҚИЯИ ИЗҲОРИ ТАСАЛЛӢ БА МИН АУНГ ХЛАЙН

29-уми март Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Сарвазири Ҷумҳурии Иттиҳоди Мянма муҳтарам Мин Аунг Хлайн барқияи изҳори тасаллӣ ирсол намуданд, ки дар он гуфта мешавад:
«Муҳтарам ҷаноби Сарвазир,
Хабари заминларзаи шадид дар кишвари ба мо дӯсти Мянма, ки бар асари он шумораи зиёди одамон ҷон бохтаву осеб дидаанд ва ба бинову иншооти сершумор хисорот ворид гардидааст, боиси андуҳи амиқи мо гардид. 
Вобаста ба пайомадҳои фоҷиабори ин офати табиӣ, ҳамдардиву таслияти самимии инҷонибро ба Шумо, наздикону пайвандони фавтидагон ва тамоми мардуми кишваратон изҳор намуда, ба ҳамаи осебдидагон шифои комил хоҳонам».

Санаи нашр: 01.04.2025 №: 63