ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ХОҶАГИИ ДЕҲҚОНӢ (ФЕРМЕРӢ)»

Моддаи 1. Ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)» аз 15 марти соли 2016 (Ахбори Маҷлиси Олии Ҷумҳурии Тоҷикистон, с. 2016, № 3, мод. 142) тағйиру иловаҳои зерин ворид карда шаванд:

1. Ба сархати якуми моддаи 1 пас аз калимаҳои «дар он» калимаи «парвариш,» илова карда шавад.

2. Аз матни моддаи 2 калимаи «(Сарқонуни)» хориҷ карда шавад.

3. Дар қисми 3 моддаи 5 ва тамоми матни Қонун калимаҳои «граждании» ва «гражданӣ» мувофиқан ба калимаҳои «мадании» ва «маданӣ» иваз карда шаванд.

4. Дар сархати даҳуми қисми 1 моддаи 7 калимаи «шартнома» ба калимаҳои «шартномаи фаъолияти якҷоя» иваз карда шавад.

5. Ба матни моддаи 12 пас аз калимаи «деҳқонӣ» калимаи «парвариш,» илова карда шавад.

6. Дар сархати якуми моддаи 21 калимаҳои «истифоданашаванда» ва «нобоб» мувофиқан ба калимаҳои «қаблан дар истеҳсолоти кишоварзӣ истифоданашуда» ва «номувофиқ» иваз карда шаванд.

7. Ба сархати дуюми қисми 1 моддаи 22 пас аз калимаи «гардидааст» калимаҳои «ва ба фонди махсуси заминҳои ноҳия (шаҳр) дохил карда шудаанд» илова карда шаванд.

8. Ба қисми 2 моддаи 23 пас аз калимаи «масоҳат» калимаҳои «, самти фаъолият» илова карда шаванд.

9. Дар қисми 1 моддаи 24 калимаи «тадқиқотӣ» ба калимаҳои «илмию таҳқиқотӣ» иваз карда шавад.

10. Сархати дуюми моддаи 26 дар таҳрири зерин ифода карда шавад:

«- шаҳрвандоне, ки ҳуқуқи истифодабарии қитъаи заминро бо ҳуқуқи бегона намудани он доранд;».

11. Дар моддаи 27:

- дар сархати даҳум калимаи «чорво» ба калимаҳои «ҳайвоноти кишоварзӣ» иваз карда шавад;

- ба сархати ёздаҳум пас аз калимаҳои «эҳтиёҷоти давлатӣ» калимаҳои «, парвариш ва» илова карда шаванд.

12. Дар моддаи 29:

- ба сархати чоруми қисми 1 пас аз калимаи «ҳангоми» калимаҳои «парвариш ва» илова карда шаванд;

- ба сархати дуюми қисми 2 пас аз калимаи «пардохтҳоро» калимаҳои «тариқи ғайринақдӣ» илова карда шаванд.

13. Ба қисми 1 моддаи 30 пас аз калимаи «хоҷагидорӣ» калимаҳои «, бо назардошти самти фаъолият,» илова карда шаванд.

14. Ба қисми 3 моддаи 34 пас аз калимаҳои «фармоиши давлатии» калимаҳои «парвариш ва» илова карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

Президенти

Ҷумҳурии Тоҷикистон Эмомалӣ РАҲМОН

ш. Душанбе, 1 октябри соли 2025, №2191

Қарори Маҷлиси намояндагони

Маҷлиси Олии Ҷумҳурии Тоҷикистон

Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)» қабул карда шавад.

Раиси Маҷлиси намояндагони

Маҷлиси Олии Ҷумҳурии Тоҷикистон Ф. ИДИЗОДА

ш. Душанбе, 28 майи соли 2025, №120

Қарори Маҷлиси миллии

Маҷлиси Олии Ҷумҳурии Тоҷикистон

Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)»

Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)» ҷонибдорӣ карда шавад.

Раиси Маҷлиси миллии

Маҷлиси Олии Ҷумҳурии Тоҷикистон Рустами ЭМОМАЛӢ

ш. Душанбе, 1 октябри соли 2025, №63

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН

«ДАР БОРАИ ХОҶАГИИ ДЕҲҚОНӢ (ФЕРМЕРӢ)»

Моддаи 1. Ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)» аз 15 марти соли 2016 (Ахбори Маҷлиси Олии Ҷумҳурии Тоҷикистон, с. 2016, № 3, мод. 142) тағйиру иловаҳои зерин ворид карда шаванд:

1. Ба сархати шашуми қисми 1 моддаи 9 пас аз калимаҳои «ва ҳуқуқи истифодаи қитъаи замин» калимаҳои «бо ҳуқуқи бегона намудан» илова карда шаванд.

2. Аз ҷумлаи дуюми қисми 2 моддаи 16 калимаи «мазкури» хориҷ карда шавад.

3. Дар сархати дуюми қисми 1 моддаи 22 калимаи «замине» ба калимаҳои «замини таъиноти кишоварзӣ» иваз карда шавад.

4. Дар ҷумлаҳои дуюм ва сеюми қисми 2 моддаи 25 калимаҳои «ҳолатҳои дигари» ва «нав ва аз узвият баромадаи» мувофиқан ба калимаҳои «ҳангоми» ва «нави» иваз карда шавад.

5. Ба сархати чоруми моддаи 27 пас аз калимаҳои «даст кашад ва» калимаи «ё» илова карда шавад.

6. Ба моддаи 28 сархати чорум бо мазмуни зерин илова карда шавад:

«- саҳми замини худро бо розигии маҷлиси аъзои хоҷагии деҳқонӣ ба аъзои қобили меҳнати оила диҳанд;».

7. Қисмҳои 2 ва 3 моддаи 30 дар таҳрири зерин ифода карда шаванд:

«2. Сохтмони бошишгоҳи саҳроӣ дар сурати зиёда аз 3 гектар будани қитъаи замини хоҷагии деҳқонӣ дар ҳудуди то 0,01 гектар қитъаи замин амалӣ карда мешавад.

3. Бошишгоҳи саҳроӣ дар қитъаи замин бо риояи талаботи Кодекси замини Ҷумҳурии Тоҷикистон, қоидаҳои зиддисӯхторӣ, талаботи санитарӣ ва экологӣ тибқи тартиби муқаррарнамудаи мақоми ваколатдори давлатии батанзимдарории муносибатҳои вобаста ба замин ва мақоми ваколатдори давлатӣ дар соҳаи меъморӣ ва шаҳрсозӣ ҷойгир карда мешавад.».

Моддаи 2. Қонуни мазкур пас аз интишори расмӣ мавриди амал қарор дода шавад.

Президенти

Ҷумҳурии Тоҷикистон Эмомалӣ РАҲМОН

ш. Душанбе, 1 октябри соли 2025, №2192

Қарори Маҷлиси намояндагони

Маҷлиси Олии Ҷумҳурии Тоҷикистон

Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)» қабул карда шавад.

Раиси Маҷлиси намояндагони

Маҷлиси Олии Ҷумҳурии Тоҷикистон Ф. ИДИЗОДА

ш. Душанбе, 11 июни соли 2025, №136

Қарори Маҷлиси миллии

Маҷлиси Олии Ҷумҳурии Тоҷикистон

Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)»

Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хоҷагии деҳқонӣ (фермерӣ)» ҷонибдорӣ карда шавад.

Раиси Маҷлиси миллии Маҷлиси

Олии Ҷумҳурии Тоҷикистон Рустами ЭМОМАЛӢ

ш. Душанбе, 1 октябри соли 2025, №64