ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ МАЪРИФАТИ ЭКОЛОГИИ АҲОЛӢ»
Моддаи 1. Ба Қонуни Ҷумҳурии Тоҷикистон «Дар бораи маърифати экологии аҳолӣ» аз 29 декабри соли 2010 (Ахбори Маҷлиси Олии Ҷумҳурии Тоҷикистон, с. 2010, № 12, қ. 1, мод. 832) тағйиру иловаҳои зерин ворид карда шаванд:
1. Дар муқаддимаи Қонун калимаи «принсипҳои» ба калимаи «асосҳои» иваз карда шавад.
2. Сархатҳои дуюм ва сеюми моддаи 1 дар таҳрири зерин ифода карда шаванд:
«- маърифати экологӣ – раванди доимии таълиму тарбия, ки барои аз худ кардан ва инкишофи донишу малакаҳои илмию амалӣ, таҳким ва рушди муносибати эҳтиёткоронаи инсон ба табиат ва равандҳои табиии муҳити зист равона карда шудааст;
- фарҳанги экологӣ – низоми муносибатҳои иҷтимоӣ, меъёрҳои ҷамъиятию инфиродӣ, ки ба таъмини мавҷудияти мутавозини инсон ва муҳити зист равона шудаанд;».
3. Дар сархати ҳафтуми моддаи 2 ва матни моддаи 6 калимаи «ташкилотҳои» ба калимаи «иттиҳодияҳои» иваз карда шавад.
4. Аз матни моддаи 4 калимаи «(Сарқонуни)» хориҷ карда шавад.
5. Дар матни моддаи 5 калимаи «туризм» ба калимаи «сайёҳӣ» иваз карда шавад.
6. Дар матни моддаи 7 калимаҳои «системаи ягонаи таҳсилоти» ба калимаҳои «низоми маорифи» иваз карда шаванд.
7. Дар моддаи 8:
- ба сархати дуюми қисми 1 пас аз калимаи «умумӣ» калимаҳои «(ибтидоӣ, умумии асосӣ, миёнаи умумӣ)» илова карда шаванд;
- дар қисми 2 калимаи «системаи» ба калимаи «низоми» иваз карда шавад.
8. Дар қисми 2 моддаи 9 калимаҳои «ташкилотҳои» ва «Салоҳияти ташкилотҳои» мувофиқан ба калимаҳои «иттиҳодияҳои» ва «Ҳуқуқ ва вазифаҳои иттиҳодияҳои» иваз карда шаванд.
9. Дар номи боби 3 калимаи «ИДОРАИ» ба калимаи «ИДОРАКУНИИ» иваз карда шавад.
10. Дар моддаи 11:
- дар сархати дуюм калимаҳои «таҳия ва амалӣ» ба калимаи «тасдиқ» иваз карда шаванд;
- дар сархати ҳафтум аломати нуқта ба нуқтавергул «;» иваз карда шуда, сархати ҳаштум бо мазмуни зерин илова карда шавад:
«- амалӣ намудани ваколатҳои дигаре, ки қонунгузории Ҷумҳурии Тоҷикистон пешбинӣ намудааст.».
11. Дар моддаи 12:
- дар ном ва муқаддимаи қисм калимаҳои «Салоҳияти» ва «салоҳияти» мувофиқан ба калимаҳои «Ваколатҳои» ва «ваколатҳои» иваз карда шаванд;
- дар сархати ҳаштум аломати нуқта ба аломати нуқтавергул «;» иваз карда шавад;
- сархати нуҳум бо мазмуни зерин илова карда шавад:
«- амалӣ намудани ваколатҳои дигаре, ки қонунгузории Ҷумҳурии Тоҷикистон пешбинӣ намудааст.».
12. Дар ном, муқаддимаи қисми 1, қисмҳои 2 ва 3 моддаи 13 калимаҳои «ташкилотҳои», «ташкилотҳои», «Ташкилотҳои» ва «Ташкилотҳо» мувофиқан ба калимаҳои «иттиҳодияҳои», «иттиҳодияҳои», «Иттиҳодияҳои» ва «Иттиҳодияҳои ҷамъиятӣ» иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 1 октябри соли 2025, №2194
Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологии аҳолӣ»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологии аҳолӣ» қабул карда шавад.
Раиси Маҷлиси намояндагони
Маҷлиси Олии Ҷумҳурии Тоҷикистон Ф. ИДИЗОДА
ш. Душанбе, 28 майи соли 2025, №124
Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологии аҳолӣ»
Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологии аҳолӣ» ҷонибдорӣ карда шавад.
Раиси Маҷлиси миллии
Маҷлиси Олии Ҷумҳурии Тоҷикистон Рустами ЭМОМАЛӢ
ш. Душанбе, 1 октябри соли 2025, №66
ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРОТУ ИЛОВА БА ҚОНУНИ ҶУМҲУРИИ ТОҶИКИСТОН «ДАР БОРАИ ҶАВОБГАРӢ БАРОИ ПОЙМОЛ НАМУДАНИ КИШТЗОР, ЗАРАР РАСОНИДАН БА ЗИРОАТҲОИ КИШОВАРЗӢ, ТУТЗОР ВА ДИГАР ДАРАХТУ БУТТАЗОР»
Моддаи 1. Ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор» аз 5 марти соли 2007 (Ахбори Маҷлиси Олии Ҷумҳурии Тоҷикистон, с. 2007, № 3, мод. 173) тағйироту иловаи зерин ворид карда шаванд:
1. Ба муқаддимаи Қонун пас аз калимаи «кишоварзӣ» аломати вергул илова ва калимаи «буттазори» ба калимаҳои «буттазор дар ҳудуди» иваз карда шавад.
2. Аз матни моддаи 2 калимаи «(Сарқонуни)» хориҷ карда шавад.
3. Дар моддаи 3:
- дар номи модда калимаҳои «Товони зараре, ки» ба калимаҳои «Ҷуброни зиён» иваз ва калимаҳои «рӯёнида мешавад» хориҷ карда шаванд;
- матни модда дар таҳрири зерин ифода карда шавад:
«Зиёне, ки дар натиҷаи поймол намудани киштзор, зарар расонидан ба зироатҳои кишоварзӣ, тутзор, дигар дарахту буттазор ва ҳосили ғундоштаи дарсаҳромонда аз тарафи шахсони воқеӣ бевосита ё тавассути воситаҳои техникӣ ва чорво ба ташкилоту корхонаҳои кишоварзӣ, хоҷагиҳои деҳқонӣ (фермерӣ), кооперативҳои истеҳсолӣ, ташкилотҳои давлатию ҷамъиятӣ ва ба шахсони дигар расонида шудааст, аз ҳисоби шахсони гунаҳкор ҷуброн карда мешавад.».
4. Дар матни моддаи 4 калимаҳои «риояи меъёрҳои» ва «шаҳрвандон то ёфтани соҳибонашон» мувофиқан ба калимаҳои «тартиби муқаррарнамудаи» ва «шахсони воқеӣ то муайян кардани моликони он» иваз карда шаванд.
5. Дар моддаи 5:
- дар номи модда калимаҳои «Маблағи товони зарар» ба калимаҳои «Тартиби пардохти ҷуброни зиён» иваз карда шаванд;
- дар қисми якум калимаҳои «Маблағи товони зарар», «ҳисоби» ва «шаҳрвандон аз ҷониби зараррасон гузаронда» мувофиқан ба калимаҳои «Маблағи ҷуброни зиён», «суратҳисоби» ва «шахсони воқеӣ аз ҷониби шахсони гунаҳкор тариқи ғайринақдӣ пардохт карда» иваз карда шаванд;
- дар қисми дуюм калимаи «супорида» ба калимаи «гузаронда» иваз карда шавад.
6. Дар моддаи 6:
- дар номи модда калимаҳои «Рӯёнидани товони зараре» ба калимаҳои «Андозаи ҷуброни зиён» иваз карда шаванд;
- дар матни модда калимаҳои «товони зарар» ва «бо нархҳои харид ва шартномавӣ» мувофиқан ба калимаҳои «ҷуброни зиён» ва «бо назардошти нархҳои бозорӣ» иваз карда шаванд.
7. Моддаи 7:
- номи модда дар таҳрири зерин ифода карда шавад:
«Моддаи 7. Ҷуброни зиёни расонидашуда ҳангоми риоя накардани қонунгузории Ҷумҳурии Тоҷикистон»;
- дар матни модда калимаҳои «вазифадоранд товони зарареро,» ва «супоранд» мувофиқан ба калимаҳои «уҳдадоранд зиёнеро,» ва «ҷуброн намоянд» иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 1 октябри соли 2025, №2193
Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор» қабул карда шавад.
Раиси Маҷлиси намояндагони
Маҷлиси Олии Ҷумҳурии Тоҷикистон Ф. ИДИЗОДА
ш. Душанбе, 28 майи соли 2025, №122
Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор»
Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи ҷавобгарӣ барои поймол намудани киштзор, зарар расонидан ба зироатҳои кишоварзӣ, тутзор ва дигар дарахту буттазор» ҷонибдорӣ карда шавад.
Раиси Маҷлиси миллии
Маҷлиси Олии Ҷумҳурии Тоҷикистон Рустами ЭМОМАЛӢ
ш. Душанбе, 1 октябри соли 2025, №65
ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ҶАМЪОВАРӢ, НИГОҲДОРӢ ВА ИСТИФОДАБАРИИ ОҚИЛОНАИ ЗАХИРАҲОИ ГЕНЕТИКИИ НАБОТОТИ КОРАМ»
Моддаи 1. Ба Қонуни Ҷумҳурии Тоҷикистон «Дар бораи ҷамъоварӣ, нигоҳдорӣ ва истифодабарии оқилонаи захираҳои генетикии набототи корам» аз 1 августи соли 2012 (Ахбори Маҷлиси Олии Ҷумҳурии Тоҷикистон, с. 2012, № 8, мод. 829) тағйиру иловаҳои зерин ворид карда шаванд:
1. Дар моддаи 1:
- сархати якум бо мазмуни зерин илова карда шавад:
«- набототи корам – намуд, шакл ва навъи растанӣ, ки инсон барои истеҳсоли озуқаворӣ, ашёи хоми саноатӣ, хӯроки чорво, инчунин бо мақсадҳои ороишӣ парвариш менамояд;»;
- сархати бисту панҷум бо мазмуни зерин илова карда шавад:
«- корҳои ҷустуҷӯии биологӣ – маҷмуи чораҳо оид ба омӯзиш ва таҳлили шароиту хусусиятҳои захираҳои генетикӣ дар маҳалли сабзиши табиии онҳо бо мақсадҳои ҷамъоварӣ ва мукаммалгардонии коллексияҳои онҳо, нигоҳдории минбаъда дар шароити назоратшаванда ва истифодабарӣ дар корҳои илмию тадқиқотӣ, селексионӣ, таълимӣ ва фаъолияти дигари илмӣ.».
2. Аз матни моддаи 2 калимаи «(Сарқонуни)» хориҷ карда шавад.
3. Ба сархати дуюми моддаи 4 пас аз калимаи «таъмини» калимаҳои «ҷамъоварӣ ва» илова карда шаванд.
4. Дар моддаи 8:
- дар сархати дуюм калимаи «нобудшавандаи» ба калимаҳои «зери хатари нестшавӣ қарордоштаи» иваз карда шавад;
- дар сархати ҳаштум аломати нуқта ба аломати нуқтавергул «;» иваз карда шавад;
- сархати нуҳум бо мазмуни зерин илова карда шавад:
«- амалӣ намудани ваколатҳои дигари пешбининамудаи қонунгузории Ҷумҳурии Тоҷикистон.».
5. Ба сархати якуми қисми 2 моддаи 9 пас аз калимаи «гиранд» калимаҳои «, дар мониторинги давлатии ҳолати гуногунии агробиологии маҳал ва баҳисобгирии ҷузъҳои онҳо иштирок намоянд» илова карда шаванд.
6. Дар қисми 2 моддаи 16 калимаҳои «фоидаи баробар дидан аз тиҷорати» ба калимаҳои «тақсимоти фоида аз фурӯши» иваз карда шаванд.
7. Дар қисми 1 моддаи 17 калимаи «ё» ба калимаҳои «гардидан ё ба амал омадани хатари» иваз карда шавад.
8. Дар ном ва матни моддаи 18 калимаи «нобудшавандаи» ба калимаҳои «зери хатари нестшавӣ қарордоштаи» иваз карда шавад.
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 1 октябри соли 2025, №2195
Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷамъоварӣ, нигоҳдорӣ ва истифодабарии оқилонаи захираҳои генетикии набототи корам»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷамъоварӣ, нигоҳдорӣ ва истифодабарии оқилонаи захираҳои генетикии набототи корам» қабул карда шавад.
Раиси Маҷлиси намояндагони
Маҷлиси Олии Ҷумҳурии Тоҷикистон Ф. ИДИЗОДА
ш. Душанбе, 25 июни соли 2025, №149
Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷамъоварӣ, нигоҳдорӣ ва истифодабарии оқилонаи захираҳои генетикии набототи корам»
Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷамъоварӣ, нигоҳдорӣ ва истифодабарии оқилонаи захираҳои генетикии набототи корам» ҷонибдорӣ карда шавад.
Раиси Маҷлиси миллии Маҷлиси
Олии Ҷумҳурии Тоҷикистон Рустами ЭМОМАЛӢ
ш. Душанбе, 1 октябри соли 2025, №67
