ФУТБОЛ “Ҳулбук” ба лигаи олӣ роҳхат гирифт

Дар мавсими имсола дастаи “Ҳулбук”-и ноҳияи Восеъ ғолиби Чемпионати Тоҷикистон оид ба футбол байни дастаҳои лигаи якум гардид. 

Он дар 24 бозӣ 62 хол ба даст оварда, мақоми аввалро касб намуд. Дар сурати гузаштан аз марҳалаи литсензиякунонии дастаҳо, “Ҳулбук” дар мавсими оянда дар лигаи олӣ ҳунарнамоӣ хоҳад кард. 

Ҳамчунин, Лигаи футболи Тоҷикистон рӯзҳои баргузории бозиҳои гузариши­ро миёни дастаи зинаи 11-уми лигаи олӣ “Панҷшер” ва мақоми дуюми ли­гаи якум “Парвоз” муайян кард. Бозии аввал 3-юми декабр дар варзишгоҳи “Фурудгоҳ”-и Хуҷанд, бозии ҷавобӣ 7-уми декабр доир мешавад. Дастаи ғолиб дар мавсими оянда дар лигаи олӣ бозӣ хоҳад кард.

Умаралӣ САФАРАЛӢ,

“Ҷумҳурият”