“ХОҶА ОБИ ГАРМ” Аз осоишгоҳ хотираи нек дорам

Аввали ноябр реза-реза борон меборид. Азбаски китфи ростам лат хӯрда буд, барои дармон ба Осоишгоҳи “Хоҷа Оби Гарм” рафтам. Аз мошин фаромадаму анбуҳи зиёди мушта­риёнро мушоҳида кардам. Онҳо аз шаҳру ноҳияҳои кишвара­мон ва хориҷ низ омада буданд. Фикр доштам, ки дар тирамоҳ муштариён кам меоянд, аммо нисбат ба тобистон зиёд буданд. Дар қабати ҳафтум ҷой гирифтам. Ҳуҷра ҳамаи шароитро дошт. Пешхизмат Мунира Мавлонова, ки 17 сол собиқаи корӣ дорад, меҳмоннавозона қабул кард. Муовини якуми Ҷамъияти саҳомии кушодаи “Хоҷа Оби Гарм” Моҳсанам Раҷабова соли 7-ум аст, ки дар хизматрасонии истироҳаткунандагон қарор дораду бо онҳо муомилаи хуш карда баҳри шифои комила­шон маслиҳатҳо медиҳад, “Тани гарм бе дард намешавад”, мегӯяд Моҳсанам Раҷабова. То имрӯз ба Осоишгоҳ 21 ҳазору 100 нафар омадааст, ки нисбат ба соли рафта 1200 нафар зиёд мебошад. Аз ҷумла, аз Фаронса, Қирғизистон, Беларус 570 нафар барои табобату истироҳат омадааст, ки барои онҳо шароитҳо муҳайё карда шуданд. Ҳамчунон, баҳри хотири бо­лидаи истироҳаткунандагон Хонаи фарҳанги Осоишгоҳ бо роҳбарии Зайниддин Зиёев хизмат мерасонад.

Ҳоким САФАР, ноҳияи Файзобад