СУҒД. БЕШ АЗ 1600 ХОҶАГӢ НАҚШАИ ИСТЕҲСОЛИ ПАХТАРО ИҶРО КАРД

10 октябр 2024, Панҷшанбе

Имрӯзҳо ҷамъоварии ҳосили пахта дар хоҷагиҳои кишоварзии вилояти Суғд бомаром идома дорад. То 8-уми октябри соли равон 35 429 тонна пахта истеҳсол шудааст, ки 26,3 дарсади нақшаи пешбинишударо ташкил медиҳад.

Тибқи маълумоти сарраёсати кишоварзии вилояти Суғд, то имрӯз зиёда аз 1600 хоҷагии пахтакор аз иҷрои нақшаи ҷамъоварии пахта гузориш додааст.
Пахтакорони вилоят ният доранд, ки соли равон бо истифода аз имкониятҳои мавҷуда 134 ҳазору 530 тонна пахта ба даст оранд.
Ҳамарӯза беш аз 50 ҳазор саҳмдорону ёрдамчиён ба пахтачинӣ баромада, қариб 3,5 ҳазор тонна пахта ҷамъоварӣ мекунанд.
Дар ин бора ба хабарнигори «Ҷумҳурият» Музаффар Юнусов, сардори шуъбаи иттилоотию таҳлилии дастгоҳи раиси вилоят, хабар дод.

Кароматулло АТО,
«Ҷумҳурият»

Санаи нашр: 10.10.2024 №: 198

Муҳокима кунед