ҶУДО Медали биринҷии Обид Ҷебов дар Гранд-слами Токио

Паҳлавони кишвар Обид Ҷебов дар мусобиқаи байналмилалии ҷудо – “Tokyo Grand Slam 2024”, ки 7-8-уми декабр баргузор шуд, ҷойи сеюмро гирифт. 

Обид дар вазни -66 кг гӯштин гириф­та, дар даври дуюм Маттиа Миселии итолиёвӣ, дар чорякфинал Роналд Ли­маи бразилиро шикаст дод, дар даври нимниҳоӣ аз Таикоҳ Фуҷисакаи ҷопонӣ мағлуб гашт. Ӯ дар мубориза барои ме­дали биринҷӣ ба Ҳината Онои ҷопонӣ ғолиб шуд.

Паҳлавони дигари мо Абубакр Шеров дар вазни -73 кг мақоми панҷумро сазо­вор гардид.

Баъд аз натиҷагирии мусобиқа, дар ҳисоби медалҳо мунтахаби Ҷопон бо 38 медал (13 тилло, 9 нуқра ва 16 биринҷӣ) ҷойи аввалро гирифт. Тоҷикистон бо як медали биринҷӣ ва як ҷойи панҷум миёни 44 кишвари иштирокчӣ дар зинаи ҳафтум мавқеъ ёфт.

Умаралӣ САФАРАЛӢ,

“Ҷумҳурият”