МАШВАРАТИ КОРӢ

21 май 2024, Сешанбе

20-уми май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо иштироки Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ, роҳбарони як қатор сохторҳои марказии кишвар ва вазорату идораҳои ҷумҳуриявӣ машварати корӣ доир намуданд.

Дар машварат, нахуст, масоили вобаста ба бартараф намудани оқибатҳои офатҳои табиӣ дар минтақаҳои гуногуни кишвар, таъмиру боз намудани роҳҳои осебдида ва расондани кумакҳои зарурӣ ба мардуми зарардида баррасӣ шуданд.

Сарвари давлат муҳтарам Эмомалӣ Раҳмон доир ба ин масоил ва, ҳамчунин, барои иҷрои супоришҳои рӯзи 9-уми март дар мулоқот бо намояндагони фаъоли аҳли ҷомеа ва ходимони дин додашуда, аз ҷумла барои таъмини волоияти қонун ва амну суботи устувор дар ҷомеа, ба масъулин супоришҳои мушаххас доданд.

Санаи нашр: 21.05.2024 №: 94-95

Муҳокима кунед