ҶУМҲУРИЯТ » ҶАЛАСАҲО » ҚОНУНИ ҶУМҲУРИИ ТОҶИКИСТОН «ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ЗАБОНИ ДАВЛАТИИ ҶУМҲУРИИ ТОҶИКИСТОН»

ҚОНУНИ ҶУМҲУРИИ ТОҶИКИСТОН «ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ЗАБОНИ ДАВЛАТИИ ҶУМҲУРИИ ТОҶИКИСТОН»

16 ноябр 2023, Панҷшанбе
155
0


Моддаи 1. Ба Қонуни Ҷумҳурии Тоҷикистон «Дар бораи забони  давлатии Ҷумҳурии Тоҷикистон» аз 5 октябри соли 2009, (Ахбори Маҷлиси Олии Ҷумҳурии Тоҷикистон, с.2009,  № 9-10, мод. 546) тағйиру иловаҳои зерин ворид карда шаванд:
1. Аз қисми 1 моддаи 1, қисми 4 моддаи 3, номи боби 2 ва қисми 1 моддаи 17 калимаҳои «ҳокимияти» ва «ҲОКИМИЯТИ» хориҷ карда шаванд.
2. Аз матни моддаи 2 калимаи «(Сарқонуни)» хориҷ карда шавад.
3. Дар қисми 6 моддаи 3 калимаи «адабӣ» ба калимаҳои «тоҷикӣ ва аломатҳои китобати он» иваз карда шавад. 
4. Ба қисми 2 моддаи 8 пас аз калимаи «Муассисаҳои» калимаи «таълимии» илова карда шавад.
5. Дар моддаи 9:
- дар қисми 1 калимаҳои «муассисаҳои томактабӣ» ба калимаҳои «муассисаҳои таълимии томактабӣ» иваз карда шаванд;
- ба қисми 2 пас аз калимаи «муассисаҳои» калимаи «таълимии» илова карда шавад.
6. Дар моддаи 18.
- номи модда дар таҳрири зерин ифода карда шавад:
«Моддаи 18. Номгузории мақомоти давлатӣ, мақомоти худидоракунии шаҳрак ва деҳот ва ташкилотҳо»;
- қисми 1 дар таҳрири зерин ифода карда шавад:
«1. Номгузории мақомоти давлатӣ, мақомоти худидоракунии шаҳрак ва деҳот ва ташкилотҳо, новобаста аз  шакли ташкилию ҳуқуқӣ, ба забони давлатӣ сурат мегирад.». 
7. Дар моддаи 19;
- номи модда дар таҳрири зерин ифода карда шавад:
«Моддаи 19. Номгузорӣ ва номивазкунии воҳидҳои маъмурию ҳудудӣ, маҳалҳои аҳолинишин, қисмҳои таркибии онҳо ва объектҳои ҷуғрофӣ»;
- қисми 1 дар таҳрири зерин ифода карда шавад:
«1. Номгузорӣ ва номивазкунии вилоятҳо, шаҳрҳо, ноҳияҳо, шаҳракҳо, деҳот, деҳа, маҳаллаҳо, кӯчаҳо, майдонҳо, хиёбонҳо, боғҳо, пулҳо ва дигар қисмҳои таркибии маҳалҳои аҳолинишин, инчунин кӯҳҳо, қаторкӯҳҳо, қуллаҳо, дарёҳо, кӯлҳо, обанборҳо, пиряхҳо, биёбонҳо ва дигар  объектҳо тибқи қонунгузории Ҷумҳурии Тоҷикистон ба забони давлатӣ сурат мегиранд.». 
8.  Дар моддаи 20: 
- дар қисми 1 калимаҳои «мақомоти ҳокимияти давлатӣ» ба калимаҳои «мақомоти давлатӣ, мақомоти ҳудидоракунии шаҳрак ва деҳот» иваз карда шаванд;
- ба қисми 2 пас аз калимаи «тамғаҳои» калимаҳои «корхона, муассиса ва» илова карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти 
Ҷумҳурии Тоҷикистон      Эмомалӣ РАҲМОН
ш. Душанбе, 13 ноябри соли 2023, № 1994

Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» қабул карда шавад.

Раиси Маҷлиси намояндагони
Маҷлиси Олии Ҷумҳурии Тоҷикистон               М. ЗОКИРЗОДА
ш. Душанбе, 21 июни соли 2023, № 1047
Қарори Маҷлиси миллии 
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон»
Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад: 
 Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ҷонибдорӣ карда шавад.

Раиси Маҷлиси миллии 
Маҷлиси Олии Ҷумҳурии Тоҷикистон           Рустами ЭМОМАЛӢ
ш. Душанбе, 3 ноябри соли 2023, № 416

Санаи нашр: 16.11.2023 №: 227-228
Муҳокима кунед
Эзоҳ илова кунед
Шарҳҳо (0)
Шарҳ
Кликните на изображение чтобы обновить код, если он неразборчив