БЕХАТАРИИ САНОАТӢ ВА ҶАВОБГАРИИ 166 ШАХСИ МАСЪУЛ
Дар корхонаву иншооти таҳти назорати Хадамоти назорати давлатии бехатарии корҳо дар саноат ва соҳаи кӯҳкорӣ тайи шаш моҳи соли равон 30 ҳодисаи нохуш рух дода, 26 кас ҳалок ва 21 нафар ҷароҳати ҷисмонӣ бардошт, ки нисбат ба нимсолаи аввали соли гузашта 13 воқеа зиёд мебошад. Дар ин бора зимни нишасти хабарӣ сардори Хадамот Раҳим Санъат Асо маълумот дод.
Сабабҳои асосии ҳодисаҳои нохуш бемасъулиятии муҳандисони техникии корхонаҳо дар ҷойи ҳодиса, беаҳамиятии ҷабрдидагон ҳангоми кор бо иншооти хатарнок, риоя нагардидани қоидаҳои бехатарии саноатӣ дар рафти кор бо иншооти истеҳсолии хатарнок, сарфи назар шудани технологияи коркарди кон, ҳамчунин, норасоии мутахассисони соҳавӣ мебошанд.
Дар давраи ҳисоботӣ 2 827 корхона ва 12 127 иншоот сабти ном шудааст. Аз ҷониби ҳашт нозироти давлатӣ ва се нозироти комплексии бехатарии саноатӣ дар ВМКБ, вилоятҳои Суғду Хатлон дар корхона ва иншооти бақайдгирифташуда, 117 назорати техникӣ, 100 нақшавӣ ва 17 назорати ғайринақшавӣ гузаронда шуда, 902 банди қоидавайронсозии санадҳои меъёрии ҳуқуқӣ ошкор гашт. Барои риоя накардани қоидаҳои бехатарии саноатӣ 166 шахси ҳуқуқӣ, мансабдор ва воқеии корхонаҳои сабтшуда, ба маблағи 890 204 сомонӣ ҷарима шуд, – гуфт Раҳим Санъат Асо.
Кароматулло АТО
Санаи нашр: 31.07.2023 №: 154
Муҳокима кунед
Ҳамчунин хонед:
06 апрел 2023, Панҷшанбе
ҚОНУНИ ҶУМҲУРИИ ТОҶИКИСТОН ДАР БОРАИ ХАРИДИ ДАВЛАТӢ
27 март 2023, Душанбе
ҚОНУНИ ҶУМҲУРИИ ТОҶИКИСТОН ДАР БОРАИ МУҚОВИМАТ БА ҚОНУНИГАРДОНӢ (РАСМИКУНОНӢ)-И ДАРОМАДҲОИ БО РОҲИ ҶИНОЯТ БАДАСТОВАРДА, МАБЛАҒГУЗОРИИ ТЕРРОРИЗМ ВА МАБЛАҒГУЗОРИИ ПАҲНКУНИИ СИЛОҲИ ҚАТЛИ ОМ
30 июн 2023, Ҷумъа
ҚОНУНИ ҶУМҲУРИИ ТОҶИКИСТОН ДАР БОРАИ НИЗОМИ ИҶОЗАТДИҲӢ
30 июн 2023, Ҷумъа
ҚОНУНИ ҶУМҲУРИИ ТОҶИКИСТОН ДАР БОРАИ ПАЛАТАИ ҲИСОБИ ҶУМҲУРИИ ТОҶИКИСТОН
Шарҳҳо (0)
