HUNGARY MASTERS 2023
Беҳрӯз ва Темур – барандаи медалҳои нуқра
Паҳлавонони тоҷик Беҳрӯз Хоҷазода (-73 кг) ва Темур Раҳимов (+100 кг) дар мусобиқаи “Ситораҳои ҷудо” (Hungary Masters 2023, 4-6 август, Будапешт) мақомҳои дуюмро касб карданд.
Тибқи иттилои Федератсияи ҷудои кишвар, Беҳрӯз то роҳ ёфтан ба финал бар Мануэл Ломбрадо (Италия), Нилс Стамп (Швейтсария), Даниэл Жегедӣ (Маҷористон), ва Георгий Терашвилӣ (Гурҷистон) зафар ёфт. Вале дар вохӯрии ҳалкунанда бо се “шидо” аз гӯштигири ҷопонӣ Соичи Ҳашимото шикаст хӯрд.
Ҷудочии сангинвазни тоҷик дар зӯрозмоии ниҳоӣ аз Мартти Пуумалайнен (Финландия) дучори бохт шуд. Темур то ин марҳила Ҷелле Сниппе (Нидерланд), Ҷегу Юн (Корея) ва Кокоро Кагеура (Ҷопон)-ро мағлуб намуд.
Тоҷикистон бо ду нишони нуқра миёни 59 давлат ҷойи 11-умро гирифт.
СУПЕРЛИГАИ ТОҶИКИСТОН-2023
“Истиқлол” ба садри ҷадвал баромад
Баъд аз танаффуси якмоҳа марҳилаи дуюми Суперлигаи Тоҷикистон- 2023 оид ба футзал шуруъ гашт.
Дастаи навкори Суперлига – «Амонатбонк» дар бозии марказии даври шашум қаҳрамони феълии кишвар – «Соро компания»-ро бо ҳисоби 6:3 шикаст дод.
Дар вохӯрии дигар «Истиқлол» ба дарвозаи «Истаравшан» ҳафт тӯби беҷавоб зад. Бошгоҳи «Пойтахт» бар «Самандар» (4:2) ғолиб омад.
Ҳамин тавр, пас аз даври 6-ум “Истиқлол” бо 16 хол ба садри ҷадвал баромад. Дастаҳои «Соро компания» (13 хол) ва «Амонатбонк» (9 хол) дар мақомҳои дуюму сеюманд. «Истаравшан» (7 хол), «Пойтахт» (4 хол) ва «Самандар» (3 хол) дар зинаҳои баъдӣ қарор доранд.
II БОЗИҲОИ ИДМ
То имрӯз варзишгарони мо се нишон гирифтанд
Варзишгарони кишвар дар II Бозиҳои ИДМ, ки дар Беларус ҷараён дорад, 3 медал (нуқра ва 2 биринҷӣ) ба даст оварданд.
Нишони нуқраро дар риштаи ҷудо Лоиқ Қутбиддинов (-55 кг) гирифт.
Мадина Қурбонзода (ҷудо, -48 кг) ва Асламҷон Азизов (гӯштии юнонӣ-римӣ, -60кг) ҷойҳои сеюмро ишғол карданд.
Маҳмуд БАҲРОМ, шореҳи варзиш
Санаи нашр: 08.08.2023 №: 159
Муҳокима кунед
Ҳамчунин хонед:
05 июн 2023, Душанбе
DUSHANBE GRAND PRIX 2023. ТОҶИКИСТОН БО МИЗБОНИИ САТҲИ БАЛАНД ШИРКАТДОРОНРО МУТАҲАЙЙИР КАРД
06 апрел 2023, Панҷшанбе
ҚОНУНИ ҶУМҲУРИИ ТОҶИКИСТОН ДАР БОРАИ ХАРИДИ ДАВЛАТӢ
30 июн 2023, Ҷумъа
ҚОНУНИ ҶУМҲУРИИ ТОҶИКИСТОН ДАР БОРАИ НИЗОМИ ИҶОЗАТДИҲӢ
27 март 2023, Душанбе
ҚОНУНИ ҶУМҲУРИИ ТОҶИКИСТОН ДАР БОРАИ МУҚОВИМАТ БА ҚОНУНИГАРДОНӢ (РАСМИКУНОНӢ)-И ДАРОМАДҲОИ БО РОҲИ ҶИНОЯТ БАДАСТОВАРДА, МАБЛАҒГУЗОРИИ ТЕРРОРИЗМ ВА МАБЛАҒГУЗОРИИ ПАҲНКУНИИ СИЛОҲИ ҚАТЛИ ОМ
30 июн 2023, Ҷумъа
ҚОНУНИ ҶУМҲУРИИ ТОҶИКИСТОН ДАР БОРАИ ПАЛАТАИ ҲИСОБИ ҶУМҲУРИИ ТОҶИКИСТОН
Шарҳҳо (0)