ҶУМҲУРИЯТ » БАХШҲО » ТАҶЛИЛИ РӮЗИ КИТОБ  ДАР КИТОБХОНАИ МИЛЛӢ

ТАҶЛИЛИ РӮЗИ КИТОБ  ДАР КИТОБХОНАИ МИЛЛӢ

06 сентябр 2023, Чоршанбе
48
0
Дар Китобхонаи миллӣ бахшида ба 32- солагии Ҷашни Истиқлоли давлатии Ҷумҳурии Тоҷикистон ва Рӯзи китоб чорабинии Рӯзи дарҳои кушода баргузор гардид.
 
Масрур Абдуллозода,  ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа,  Давлат Сафар, муовини вазири фарҳанг,  Иброҳим Мирзозода,  раиси Кумитаи иҷроияи ҲХДТ дар шаҳри Душанбе ва Ҷумъахон Файзализода, директори Китобхонаи миллӣ дар маросими ифтитоҳии чорабинӣ сухан гуфтанд.
Дар рафти чорабинӣ аз ҷониби КВД ТС “Китоб” намоиш-фурӯши китобҳои тозанашри нашриётҳои Вазорати фарҳанг,  “Адиб”, “Энсиклопедияи миллии тоҷик”, “Ирфон”, “Адабиёти бачагона” баргузор шуд. Дар намоиш-фурӯши китобҳо осори адибони классику муосири тоҷик ва ҷаҳон ба ҳаводорон пешниҳод гардид. Ҳамзамон, намоиш ва фурӯши ҳунарҳои мардумӣ аз ҷониби як қатор ширкат ва муассисаҳои таҳсилоти умумӣ ва литсейҳои пойтахт пешниҳоди ҳозирон гардонда шуд. 
Дар чорабинии мазкур рӯзи дарҳои бози Китобхонаи миллӣ эълон гашт, ки он ду рӯз идома хоҳад ёфт. Ҳунарнамоии ансамбли бачагонаи Филармонияи давлатии Тоҷикистон аз дигар бахши Рӯзи китоб буд.
Ҳамзамон, аз ҷониби Вазорати меҳнат, муҳоҷират ва шуғли аҳолӣ аксияи ҷойҳои кори холӣ ва аз ҷониби ширкатҳои мобилӣ фурӯши симкортҳо ба роҳ монда шуд. 
Дар ин рӯз, намояндагони мақомоту идора ва муассисаҳои давлатӣ, ҳамзамон, донишҷӯёни донишгоҳу донишкадаҳо,  толибилмони макотиби ҳудуди шаҳри Душанбе иштирокчӣ ва шоҳиди шароиту имкониятҳои Китобхонаи миллӣ гардиданд.
 
Меҳрона ЗУВАЙДОВА, 
«Ҷумҳурият»
Санаи нашр: 06.09.2023 №: 179
Муҳокима кунед
Эзоҳ илова кунед
Шарҳҳо (0)
Шарҳ
Кликните на изображение чтобы обновить код, если он неразборчив