ВАТАНДОРӢ
Илҳом аз таъкиди Эмомалӣ Раҳмон:“Тоҷикистон, ба пеш!”
То дар ин хоки муқаддас зиндагонӣ мекунем,
Пой то сар, сар ба гардун, шодмонӣ мекунем.
Хуни мо одат ба нону оби покаш кардааст,
Бар Ватан хидмат забонӣ чист? Ҷонӣ мекунем.
Нотавонӣ айб бошад, чун равад ҳарф аз Ватан,
Мо тавонро сарбасар бо нотавонӣ мекунем.
Гар сафе некӯҳадаф ояд, ба роҳаш каф занем,
Фавҷи бадхоҳони худро сафдаронӣ мекунем.
Дар ҳама амри Ватан ҳарфи «Итоат!» бар забон,
Пайравӣ аз гурдҳои ориёнӣ мекунем.
Бо матонат, бо шуҷоат, бо далериҳои хеш
Рустамиҳоро дубора достонӣ мекунем.
Селро оби равону гирдбодонро насим,
Душман оташ гар шавад, оташнишонӣ мекунем.
Водии фарҳанги мо таълимгоҳи шафқат аст,
Посбонӣ боғу роғи меҳрубонӣ мекунем.
Дар масоҳат кӯчаку дар сатҳи таърихаш бузург,
Бо дифои ин Ватан таърихбонӣ мекунем.
Одати тирутуфангӣ нест моро аз азал,
То қиёмат ҷилваи тирукамонӣ мекунем.
Заъфаронӣ нест то рӯйи талоши хайри мо,
Чеҳраи иқболи худро арғувонӣ мекунем.
Меваҳои ишқро парварда дар боғи вуҷуд,
Ташнагони ишқро шарбатчашонӣ мекунем.
Остонӣ то нагардад қадри Меҳан дар ҷаҳон,
Остониҳои ӯро осмонӣ мекунем.
Файзи АШӮР
Санаи нашр: 09.09.2023 №: 182-183
Муҳокима кунед
Ҳамчунин хонед:
06 апрел 2023, Панҷшанбе
ҚОНУНИ ҶУМҲУРИИ ТОҶИКИСТОН ДАР БОРАИ ХАРИДИ ДАВЛАТӢ
30 июн 2023, Ҷумъа
ҚОНУНИ ҶУМҲУРИИ ТОҶИКИСТОН ДАР БОРАИ НИЗОМИ ИҶОЗАТДИҲӢ
27 март 2023, Душанбе
ҚОНУНИ ҶУМҲУРИИ ТОҶИКИСТОН ДАР БОРАИ МУҚОВИМАТ БА ҚОНУНИГАРДОНӢ (РАСМИКУНОНӢ)-И ДАРОМАДҲОИ БО РОҲИ ҶИНОЯТ БАДАСТОВАРДА, МАБЛАҒГУЗОРИИ ТЕРРОРИЗМ ВА МАБЛАҒГУЗОРИИ ПАҲНКУНИИ СИЛОҲИ ҚАТЛИ ОМ
23 июн 2023, Ҷумъа
ТОҶИК. ГУСТАРИШИ ФАРҲАНГИ ФОРСӢ/ТОҶИКӢ/ДАРӢ БА УНВОНИ ФАРҲАНГИ ФОРСӢ
Шарҳҳо (0)