АБУАЛӢ СИНОЗОД. ВОРИСИ ИБНИ СИНО ҒОЛИБИ ОЗМУН
Хонандаи МТМУ № 122 шаҳри Душанбе Абуалӣ Синозод ғолиби даври ниҳоии Озмуни байналмилалии 16-уми “Пули забони чинӣ” дар байни хонандагони муассисаҳои таҳсилоти миёнаи умумии Тоҷикистон гардид. Ӯ соли гузашта ҳам иштирок дошт, вале муваффақ нашуда буд. Имсол дар баробари ислоҳи камбудиҳо, ҳамзамон, бо омодагии пухта сари минбар шуд ва ниҳоят пирӯз омад.
Абуалӣ Синозод бо эҳтиром мегӯяд: «Забони чинӣ зиндагиамро дигар кард. Машъали раҳнамои ман гардид. Шавқи ман ба омӯзиш тавассути санъати ҷангии чинӣ пайдо шуд ва ҳамин тавр, дар Донишкадаи Конфутсий ба омӯзиши «нунчаку», як санъати ҷангии чинӣ шуруъ намудам».
Мавсуф орзуи таҳсил дар Чинро дорад ва умедвор аст, ки шахсан бо ин кишвари зебо шинос шавад ва фарҳангу таърихи Чинро амиқтар дарк кунад. Вай умедвор аст, ки пас аз ворид шудан ба Чин метавонад дар чорабиниҳои гуногуни фарҳангӣ ширкат варзад. Дар баробари ин, мехоҳад бо муаррифии фарҳанг ва таърихи Тоҷикистон ба мардуми Чин дар табодули фарҳангии ду кишвар саҳм гузорад, то мардуми бештар ин кишвари зеборо дарк кунанд.
Ӯ ҳоло дар Донишкадаи Конфутсийи Донишгоҳи миллии Тоҷикистон дараҷаи 5-и HSK-ро меомӯзад, имсол аз имтиҳони квотаи Ҳукумати ҶМЧ гузашт ва барои таҳсил ба ин кишвар хоҳад рафт.
Вай бо рафтору кирдори худ исбот кард, ки агар ту орзу дорӣ ва барои расидан ба он омода ҳастӣ, сахт ранҷ бурда, таслим намешавӣ ва, албатта, ба мақсади худ мерасӣ.
Донишкадаи Конфутсийи назди Донишгоҳи миллии Тоҷикистон
Санаи нашр: 25.05.2023 №: 110
Муҳокима кунед
Ҳамчунин хонед:
06 апрел 2023, Панҷшанбе
ҚОНУНИ ҶУМҲУРИИ ТОҶИКИСТОН ДАР БОРАИ ХАРИДИ ДАВЛАТӢ
27 март 2023, Душанбе
ҚОНУНИ ҶУМҲУРИИ ТОҶИКИСТОН ДАР БОРАИ МУҚОВИМАТ БА ҚОНУНИГАРДОНӢ (РАСМИКУНОНӢ)-И ДАРОМАДҲОИ БО РОҲИ ҶИНОЯТ БАДАСТОВАРДА, МАБЛАҒГУЗОРИИ ТЕРРОРИЗМ ВА МАБЛАҒГУЗОРИИ ПАҲНКУНИИ СИЛОҲИ ҚАТЛИ ОМ
07 феврал 2023, Сешанбе
Низомномаи Озмуни ҷумҳуриявии «Фурӯғи субҳи доноӣ китоб аст»
03 феврал 2023, Ҷумъа
АМРИ ПРЕЗИДЕНТИ ҶУМҲУРИИ ТОҶИКИСТОН
Шарҳҳо (0)
