ҲАМКОРИИ ТОҶИКИСТОН БО АМОРАТИ РАС-АЛ-ХАЙМА ДАР ТАҲИЯИ БАРНОМАҲОИ ЗЕҲНИ СУНЪӢ 

Дар доираи сафари раиси департаменти аморати Рас-ал-Хаймаи Амороти Муттаҳидаи Араб оид ба савдо ва саноат Муҳаммад ал-Мусаббеҳ ал-Наимӣ ба Тоҷикистон бо Вазорати саноат ва технологияҳои нав Ёддошти тафоҳум ба имзо расид.

АМИТ «Ховар» иттилоъ додааст, ки санадро вазири саноат ва технологияҳои нав Шералӣ Кабир ва раиси департаменти аморати Рас-ал-Хайма оид ба савдо ва саноат Муҳаммад ал-Мусаббеҳ ал-Наимӣ имзо намуданд.

Дар доираи Ёддошти тафоҳум, раванди таҳияи барномаҳои зеҳни сунъии Аморот дар асоси Стратегияи миллии рушди зеҳни сунъӣ то соли 2040 оғоз гардид.