НАМОЯНДАИ ДОИМИИ ТОҶИКИСТОН ДАР ҶАЛАСАИ ШУРОИ АМНИЯТИ СММ

Намояндаи доимии Тоҷикистон дар СММ Ҷонибек Ҳикмат дар мубоҳисаҳои Шурои амнияти Созмон оид ба мавзуи «Ҳамкории СММ ва созмонҳои минтақавӣ ва зерминтақавӣ бо мақсади ҳифзи сулҳу амнияти байналмилалӣ» иштирок ва суханронӣ намуд. 

Тавре дар хабари пахшнамудаи АМИТ «Ховар» омадааст, Ҷонибек Ҳикмат изҳор дошт, ки равобити СММ бо СҲШ, ИДМ ва САҲА бояд намунаи ҳамкории муассир байни сохторҳои глобалӣ ва минтақавӣ бошад ва ба ин созмонҳои минтақавӣ имкон диҳад, ки кӯшишҳои СММ ва Шурои амнияти онро барои нигоҳ доштани сулҳ ва амнияти байналмилалӣ мукаммал созанд.