logo

ҳуқуқ

ТОҶИКИСТОН ВА НИЗОМИ ҲУҚУҚИИ ҶАҲОНИ МУОСИР

27 май дар Маркази миллии қонунгузории назди Президенти Ҷумҳурии Тоҷикистон намояндагони ҳокимияти давлатии иҷроия, қонунгузор, судӣ, мақомоти ҳифзи ҳуқуқ, муассисаҳои илмӣ ва олимони соҳаи ҳуқуқ зимни як конфронси илмӣ – амалии ҷумҳуриявӣ таҳти унвони «Ҷойгоҳи ҳуқуқии Ҷумҳурии Тоҷикистон дар низоми ҳуқуқии ҷаҳони муосир» масоили гуногуни ҳуқуқиро ба риштаи баҳс кашиданд.

Маҳмад Раҳимзода, директори Маркази миллии қонунгузории назди Президенти Ҷумҳурии Тоҷикистон, дар сухани муқаддимавии худ ҳадафи аслии баргузории нишаст ва зарурати баррасии мавзӯоти матраҳшударо шарҳ дод.
Сипас дар ҷараёни нишаст, масоили қаробат, аз ҷумла ҳамоҳангсозӣ ва якҷояшавӣ, таъсиррасонӣ ва таҷассуми меъёрҳои ҳуқуқ дар қонунгузорӣ, таҳлили муқоисавӣ - ҳуқуқии низомҳои соҳаҳои алоҳидаи ҳуқуқ, назири ҳуқуқи конститутсионӣ, ҷиноятӣ, маъмурӣ, оилавӣ, андоз, гумрукӣ, соҳибкорӣ дар муқоиса ба таҷрибаи кишварҳои пешрафтаи ҷаҳон мавриди таҳлилу баррасӣ қарор гирифтанд. Зимнан, табиати ҳуқуқӣ ва моҳияти низоми он, низоми ҳуқуқии романию олмонӣ, умумӣ, исломӣ, одатӣ, тавсифи умумии дигар низомҳои муосири ҳуқуқ, тафовути ҳуқуқи байналмилалии оммавӣ ва хусусӣ низ дар меҳвари баҳси коршиносони соҳа қарор гирифт.
Зариф Ализода, Ваколатдор оид ба ҳуқуқи инсон дар Ҷумҳурии Тоҷикистон, изҳор дошт, ки баъд аз Ҷанги ҷаҳонии дувум ҳуқуқу озодиҳои инсон дар конститутсияҳои бисёр кишварҳои ҷаҳон афзалияти хос касб кард. Ин амри тасодуфӣ набуд, зеро инсон ва ҳуқуқу озодиҳои ӯ муайянкунандаи тамоми самтҳои ҷомеа ва давлат мебошад. Номбурда Конститутсияи (Сарқонуни) Ҷумҳурии Тоҷикистонро дар радифи қонунҳои асосие қарор дод, ки ҳуқуқу озодиҳои инсон ва шаҳрвандро арзиши олии ҳуқуқӣ эътироф карда, боби дуюми он ба ин масъала бахшида шудааст.
Ба андешаи Зариф Ализода, ҳуқуқу озодиҳои инсонро эътироф, риоя ва ҳифз намудани давлат арзишест, ки ба низоми ҳуқуқии Ҷумҳурии Тоҷикистон таъсири бевосита дорад. Дахлнопазирии ҳаёт, қадр, номус ва дигар ҳуқуқҳои фитрии инсон аз муқаррароти дигари констиутсионие мебошад, ки аз тамоми соҳаҳои ҳуқуқ тақозо мекунад, то дахлнопазирии ҳуқуқҳои табиии инсонро таъмин созанд. Дар ҳамин ҳол, маҳдуд намудани ҳуқуқу озодиҳои инсон аз тарафи соҳаҳои алоҳидаи ҳуқуқ пешбинӣ гардида, ин амр дар ҳуқуқи конститутсиониву байналмилалӣ низ нишон дода шудааст. Аммо маҳдуд кардани ҳуқуқу озодиҳои инсон танҳо ба мақсади таъмини ҳуқуқу озодиҳои дигарон сурат хоҳад гирифт, - афзуд Зариф Ализода.
- Дар замони истиқлолияти давлатии Ҷумҳурии Тоҷикистон аз ҷониби Президенти мамлакат беш аз 350 қонун ба тасвиб расид, ки дар меҳвари онҳо ҳифзи ҳуқуқу манфиатҳои шаҳрвандон қарор гирифта, ба рушди ҷомеа нигаронда шудааст. Дар ҳамин давра зиёда аз 30 кодекс қабул гардид, ки дар миёни онҳо «Кодекси ҷиноятии Ҷумҳурии Тоҷикистон» мавқеи чашмрас дорад. Ин матлабро Барно Саивализода, муовини сардори Раёсати ҳуқуқи Дастгоҳи иҷроияи Президенти Ҷумҳурии Тоҷикистон, баён намуда, қонунгузорӣ дар бахши ҳуқуқи ҷиноятиро сипари давлату давлатдорӣ, осудагии шаҳрвандон, ҳимояи ҳуқуқу озодиҳои инсон ва шаҳрванд унвон кард.
Дар конфронс ҳамчунин оид ба мавзӯъҳои «Низомҳои ҳуқуқӣ: наздикшавӣ, таъсиррасонӣ ва таҷассуми меъёрҳои онҳо дар қонунгузории Ҷумҳурии Тоҷикистон», «Мавқеи криминалогия дар низоми илми ҳуқуқии Тоҷикистон», «Мавқеъ ва фаъолияти мақомоти прокуратура дар арсаи байналмилалӣ», «Роҳҳои такмили муносибатҳои ҳуқуқи байналмилалии гумрукии Ҷумҳурии Тоҷикистон дар замони муосир», «Ҷойгоҳи ҳуқуқи комплексӣ дар низоми ҳуқуқи Ҷумҳурии Тоҷикистон» маърӯзаҳо пешниҳод гардиданд.

Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 2.06.2015    №: 113    Мутолиа карданд: 782

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед