logo

ҳуқуқ

СТРАТЕГИЯИ НАВ. БОЗ ЯК ИҚДОМ ОИД БА ҲИФЗИ ҲУҚУҚУ ОЗОДИҲОИ КӮДАК

Давлат ва Ҳукумати мамлакат кӯдакони маъюбро мавриди ғамхории доимӣ қарор дода, барои таҳсил, тайёрии касбӣ, интихоби шуғли муносиб ва бо кор таъмин намудани онҳо, бо назардошти вазъи саломатӣ, талабот ва имкониятҳояшон шароити мусоид фароҳам овардааст. Ин қишри ҷомеа аз ҷиҳати моддӣ, маишӣ, иҷтимоӣ ҳамаҷониба дастгирӣ ёфта, таъминоти онҳо бо доруворӣ ва воситаҳои тавонбахшӣ ба таври ройгон кафолат дода мешавад.
Ин матлабро Раҷабмо Ҳабибуллозода, муовини Ваколатдор оид ба ҳуқуқи инсон дар Ҷумҳурии Тоҷикистон-Ваколатдор оид ба ҳуқуқи кӯдак, зимни муаррифии лоиҳаи Стратегияи фаъолияти Ваколатдор оид ба ҳуқуқи кӯдак дар Ҷумҳурии Тоҷикистон барои солҳои 2018-2020 баён намуд. Мавсуф дар ҳузури намояндагони мақомоти давлатӣ, созмонҳои байналмилалӣ, ташкилотҳои ҷамъиятӣ ва воситаҳои ахбори омма зикр кард, ки татбиқи стратегия дар таҳкими ҳуқуқу озодиҳои кӯдак дар ҷумҳурӣ ва иҷрои уҳдадориҳои байналмилалии Тоҷикистон дар самти ҳуқуқи кӯдак мусоидат хоҳад кард. Лоиҳаи ин санади муҳим пас аз таҳлили ҳамаҷонибаи қонунгузории милливу байналмилалӣ дар самти ҳуқуқи кӯдак, маърӯзаҳои Ҷумҳурии Тоҷикистон оид ба ҳуқуқу озодиҳои кӯдак ба кумитаҳои дахлдори СММ, тавсияҳои пешниҳоднамудаи кумитаҳои мазкур ва рафти иҷрои онҳо, маърӯзаҳои солонаи  Ваколатдор оид ба ҳуқуқи инсон дар Ҷумҳурии Тоҷикистон оид ба вазъи ҳуқуқу озодиҳои инсон дар мамлакат, вохӯриву мулоқотҳои машваратӣ бо сохторҳои ҷомеаи шаҳрвандӣ, ки дар самти ҳифзи ҳуқуқҳои кӯдак фаъолият доранд, инчунин, машваратҳо бо намояндагиҳо ва қабулгоҳҳои ҷамъиятии Ваколатдор оид ба ҳуқуқи инсон таҳия шудааст.
Сардори шуъбаи ҳифзи давлатии ҳуқуқҳои кӯдаки дастгоҳи Ваколатдор оид ба ҳуқуқи кӯдак Аҳад Содиқов  лоиҳаи Стратегияи фаъолияти Ваколатдор оид ба ҳуқуқи кӯдак дар Ҷумҳурии Тоҷикистон барои солҳои 2018-2020-ро муаррифӣ намуда, зимнан тазаккур дод, ки дар сиёсати давлат дар соҳаи маориф таъмини ҳуқуқи баробар ба таҳсил яке аз самтҳои афзалиятнок мебошад. Аз ин рӯ, вобаста ба ислоҳоти низоми маориф ва ба талаботи кӯдакони имконияташон маҳдуд мутобиқ намудани он кӯшишҳои зиёд ба харҷ дода мешавад.
Дар мизи мудаввар гуфта шуд, ки ҳоло дар муассисаҳои таҳсилоти миёнаи умумии мамлакат 6139 кӯдак, дар муассисаҳои махсусгардондашудаи намуди интернат 2219 кӯдак, дар таҳсилоти хонагӣ 1040 кӯдаки имконияташ маҳдуд таҳсил менамояд. Дар сенздаҳ муассисаи махсусгардондашуда барои кӯдакони нобино, қувваи босираашон  суст, гунг ва ноқисии рӯҳидошта 3463 кӯдак ба таҳсил фаро гирифта шудааст. Бо вуҷуди ин, дар самти дастрасии кӯдакони имконияташон маҳдуд ба таҳсил ҳамоно мушкилиҳо боқӣ мемонанд. Раҷабмо Ҳабибуллозода иброз дошт, ки бо назардошти тавсияҳои Кумитаи СММ оид ба ҳуқуқи кӯдак дар лоиҳаи Стратегияи фаъолияти Ваколатдор оид ба ҳуқуқи кӯдак мусоидат ба таъмини  ҳуқуқи дастрасии  кӯдакони маъюб ба таҳсили босифат дар се соли минбаъда ҳамчун самти афзалиятнок муайян гардид. Дар ин раванд таҳлили қонунгузорӣ бо мақсади ба он пешниҳод намудани тағйиру иловаҳо вобаста ба таҳсилоти фарогири ба ҳуқуқи инсон асосёфта, таҳлили механизмҳои мавҷудаи амалишавии ҳуқуқи кӯдакони маъюб, ба роҳ мондани низоми санҷиши доимии дастрасии кӯдакони маъюб ба таҳсил ва баланд бардоштани маърифати ҳуқуқии аҳолӣ дар робита ба ҳуқуқи кӯдакони маъюбиятдошта мақсади асосии Ваколатдор оид ба ҳуқуқи кӯдак дар Ҷумҳурии Тоҷикистон мебошад.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 12.07.2017    №: 145    Мутолиа карданд: 270

22.01.2018


Мулоқоти Сироҷиддин Аслов ва Владимир Воронков

Баргузории ҷаласаи Комиссия оид ба масъалаҳои иқтисодии ИДМ

Боздиди ҳайати кормандони Сафорати Тоҷикистон аз шаҳраки саноатӣ

Ҳамлаи хунин ба меҳмонхонаи Intercontinental дар Кобул

Хазинаи байналмилалии асъор: «Иқтисоди Русия рӯ ба болоравист»

«Ҷабҳат ан – Нусра» дар Идлиб ба муҳосира гирифта шуд

Ба ҳадди рекордӣ расидани пасандози русиягиҳо

Дар Шведсия бокси ҳирфаиро эҳтимол манъ созанд

18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ


Дар сомонаҳои дигари Тоҷикистон хонед