logo

номаҳо

ЗАМИНҲОИ ПРЕЗИДЕНТИАМОНРО ҒАСБ КАРДАНД

Мувофиқи фармонҳои Президенти Ҷумҳурии Тоҷикистон барои ба эътидол овардани вазъи зиндагии халқ  аввал 50 ҳазор гектар, сипас 25  ҳазор гектар заминро ба мардуми деҳот тақсим карданд. Ин амали ҷавонмардона ҳазорҳо нафарро аз гуруснагӣ наҷот бахшид. Мо, Ибодулло Ҷӯраев, Додохон Муродов, Қаюм Умаров, ҷамъ 15 нафар сокини деҳаи Янгитурмуши Ҷамоати деҳоти «Меҳнатобод» дар қатори 107 оила аз 19 январи соли 1996 ва 30 майи соли 1998 дар асоси қарори мақомоти иҷроияи маҳаллии ҳокимияти давлатии ноҳияи Бохтар қонунӣ соҳиби қитъаҳои замини президентӣ гардидем. Вақте ки колхози «Коммунизм» - и ноҳия таҷдид шуда, ба якчанд хоҷагиҳои хурд тақсим гашт,  дар истифодабарии заминҳои президентӣ нофаҳмиҳо рӯй доданд. Сертификати ҳуқуқи истифодабарии заминҳои мо, ки дар харитаи баҳисобгирии заминҳои соли 2011 дар зери тарҳи 493 қарор дошт, «гум» шуданд, яъне аз 107 нафари соҳиби заминшуда,  замини президентии 15 нафар «ба осмон парид». Албатта, ин дар рӯи коғаз  чунин маъно гирифт. Дар асл замини Парвардигор, ки бо фармони Президент ба мо барои истифодаи бемуҳлат дода шуда буд, шукр, барқарор аст, аммо акнун аз мо нест. Замини 15 нафарро  Рустам Ниёзов ва Маҳмаднабӣ Ниёзов аз худ кардаанду се сол боз намегузоранд, ки дар қитъаҳои қонуниамон кишту кор кунем.
Аз сабаби он ки дар ноҳия касе ба шикояти мо гӯш наандохт, ба Кумитаи заминсозӣ ва прокуратураи вилояти Хатлон шикоят овардем. Онҳо ҳуҷҷатҳои моро қонунӣ дониста, мақомоти иҷроияи маҳаллии ҳокимияти давлатӣ, прокуратура ва Кумитаи заминсозии ноҳияи Бохтарро вазифадор намуданд, ки заминҳои президентиро ба соҳибонашон, яъне ба мо баргардонанд. Аммо масъала бо ин роҳ ҳал нашуд ва мо аз болои мақомоти иҷроияи маҳаллии ҳокимияти давлатӣ ва Кумитаи заминсозии ноҳия сокини деҳаи Янгитурмуши Ҷамоати деҳоти «Меҳнатобод» Р. Ниёзов ба суди ноҳияи Бохтар мактуби даъвоӣ навиштем.
Мутаассифона, судя  Анвар Қурбонов сер-тификатҳои ҳуқуқи истифодабарии бемуҳлати заминро аз 11 феврали соли 2005, ки ба мо аз ҷониби Кумитаи давлатии заминсозии Ҷумҳурии Тоҷикистон дода шуда буданд, баъди 9 сол аз эътибор соқит кард. Ҳатто судя аз Р. Ниёзов напурсид, ки чаро дар замини президентӣ хона месозад. Ҳамчунин муайян накард, ки чаро дар деҳа ба дигарон барои хонаи истиқоматӣ 0,08 га қитъа ҷудо шудаасту барои ӯ дар 0,12 гектар. Ба мо, 15 нафар, ки ҳама мардуми одием, раиси деҳоти «Меҳнатобод»  Рӯшангул  Давлатова,  раиси  хоҷагии  «Кишоварз»  Р. Маҳмадалиев, раиси Кумитаи заминсозӣ Ҳайдар Нуралиев, корманди масъули мақомоти иҷроияи маҳаллии ҳокимияти давлатии ноҳияи Бохтар Комилҷон Турғунов зид баромадаанд, онҳо ҳатто санадҳои прокуратура ва Кумитаи заминсозии вилояти Хатлонро ба эътибор нагирифтанд.
Аз ин рӯ, ба суди вилояти Хатлон аризаи кассатсионӣ навиштем ва умед дорем, ки ин мақом дар асоси қонунҳои Ҷумҳурии Тоҷикистон «Дар бораи хоҷагии ёрирасони шахсӣ», «Дар бораи ислоҳоти замин», «Дар бораи хоҷагии деҳқонӣ (фермерӣ)» ва фармонҳои Президенти Тоҷикистон дар бораи тақсими заминҳои президентӣ масъаларо қонунӣ ҳал карда, ба доди мо мерасад.


Асадулло ҶӮРАЕВ, омӯзгор,
аз номи 15 сокини деҳаи Янгитурмуши ноҳияи Бохтар 


Баёни ақида (0)    Санаи нашр: 27.02.2014    №: 41    Мутолиа карданд: 748

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед