logo

маориф

БА ФАРЗАНДОНИ ВАТАН МЕОМӮЗАД

Мегӯянд, ки рисолати асосии модар ба дунё оварданду тарбияи фарзанд аст, аммо бисёр вақт дар зиндагӣ бо шахсоне рӯ ба рӯ мешавем, ки дар баробари тарбияи фарзанд, дар пешрафти илму фарҳанги кишвар саҳми арзанда мегузоранд.

Албатта, ин барои зан-модар осон нест ва борҳо мушоҳида кардаем, ки баъзеҳо ба мушкилиҳо тоб наоварда, тарки касбу кор намудаанд. Фақат нафарони қавииродаву таҳаммулпазир ҳамаи мушкилиҳоро паси сар намуда, ҳам дар пешрафти соҳаҳои гуногун саҳм мегузоранд, ҳам дар тарбияи фарзанд. Насиба Содиқова, номзади илми фалсафа, аз зумраи чунин нафарон аст. Ӯ соли 1990, баъд аз хатми факултети шарқшиносии Донишгоҳи давлатии Тоҷикистон (ҳоло Донишгоҳи миллии Тоҷикистон) ба Иниститути фалсафа, сиёсатшиносӣ ва ҳуқуқи ба номи А. Баҳоваддинов чун лаборант ба кор омад. Ҷавон буд, аммо ба омӯхтани илм шавқи зиёд дошт. Медонист, ки роҳи илм саҳлу осон нест, аммо ба худ, ки бовар дошт, ба илм пайваст ва ба комёбиҳо ноил шуд. Аслан, ин шавқ дар дили ӯ, аз замони мактабхониаш ҷой гирифта буд. Модараш, ки дар мактаби таҳсилоти миёнаи умумӣ ба шогирдон дарс мегуфт, зани бофарҳанг ва барои фарзандон намунаи ибрат буд. Таърихро хеле хуб медонист ва ҳамеша фарзандонро ба худшиносиву худогоҳӣ, меҳнатдӯстиву меҳанпарастӣ ҳидоят менамуд. Ба фарзандон дар тайёр намудани дарсҳо ёрӣ медод. Аз фарзандон умеди зиёде дошт. Ин муҳит ба Насиба Содиқова бетаъсир намонд, пайваста ҷустуҷӯ намуд, донишашро сайқал дода пеш рафт, ба комёбӣ дастёб шуд ва айни замон муовинии директори Институти фалсафа, сиёсатшиносӣ ва ҳуқуқи Академияи илмҳои кишвар ба номи А. Баҳоваддиновро ба зимма дорад.
Сабаби ба факултети шарқшиносӣ дохил шуданашро чунин шарҳ дод: - Хати форсӣ, арабиро аз хурдӣ хуб аз худ кардам. Он замон китобҳои «Ҳафтяк», «Куръон» -ро хондам.
Азбаски ин ду ҳуруфотро хуб балад будам, ҳуҷҷатҳоямро ба факултети шарқшиносӣ супурдам. Албатта, дохил шудан ба ин факултет осон набуд, аммо ба ин муваффақ шудам.
Дар мавзӯи «Фалсафаи антропологии Мирзо Абдулқодири Бедил» рисолаи илмӣ ҳимоя намуд. Мавзӯи рисолаи докториаш идомаи рисолаи номзадиаш, - фалсафаи Абдулқодири Бедилро дар бар мегирифт. Онро соли 2007 бомуваффақият ҳимоя кард.
Соли 2002 Ҷоизаи Академияи илмҳои Ҷумҳурии Тоҷикистон барои олимони ҷавон ва соли 2003 барои монографияи «Фалсафаи антропологии Мирзо Абдулқодири Бедил» Ҷоизаи Исмоили Сомониро сазовор гардид.
Дар тарбияи шогирдон саҳми арзанда дорад. Таҳти роҳбариаш шаҳрвандони Ҷумҳурии Исломии Эрон ва Олмон низ корҳои илмӣ анҷом додаанд. Ҳамзамон дар филиали Донишгоҳи давлатии Маскав ба номи М. Ломоносов дар шаҳри Душанбе фаъолият дорад.
Мегӯянд, ки дар таълиму тарбияи фарзанд модар нақши бештар дорад ва агар модар босаводу донишманд бошад. Дар воқеъ, ҳаёт собит намуда, ки модари бомаърифат дар тарбияи фарзандон ҳамеша муваффақ аст ва фарзандонеро ба воя мерасонад, ки дар пешрафти илму фарҳанг, ободии Ватан саҳми сазовар мегузоранд. Насиба Содиқова аз зумраи чунин модарон аст. Ӯ ин ҳамаро аз модар омӯхтааст ва онро ба фарзандони худу фарзандони Ватан меомӯзад.
Фарзонаи ФАЙЗАЛӢ, «Ҷумҳурият»


Баёни ақида (0)    Санаи нашр: 8.03.2014    №: 47    Мутолиа карданд: 1010
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед