logo

энергетика

ТАҲЛИЛГАРИ МАСЪАЛАҲОИ ЭНЕРГЕТИКӢ

Пардаи шаб кайҳо рӯи заминро пӯшонда, аз рӯз осоре намонда буд. Раъд якранг наъра мекашид ва барқ ба олами зулмот нурафканӣ мекард. Аз паси шишаҳои кабуди ин бино ғайр аз утоқи хурдакаки ӯ дигар чароғи фурӯзоне ба чашм намерасид. Ҳамагӣ корро ҷамъбаст кардаанд. Аммо ӯ ҳануз ҳам сари миз ҳуҷҷатҳоро аз назар мегузаронд. Даруни утоқ сукути гароне ҳукм меронд. Гоҳ - гоҳ хиш-хиши қаламронии ӯ ин хомуширо мешикаст. Қаровули миёнасол як - як утоқҳоро аз назар мегузаронд. Утоқе, ки чароғаш фурӯзон буд, ӯро дар ҳайрат нагузошт, зеро ҳар шаб шоҳиди чунин ҳол буд.
Қаҳрамони имрӯзаи мо зан аст. Зане, ки кори мардона карда. Ин зан Назира Рустамова аст, ки 34 сол боз дар Маркази тадқиқоти стратегии назди Президенти Ҷумҳурии Тоҷикистон кору фаъолият дорад. Ӯ соли 1954 дар оилаи донишманд таваллуд шудааст. Замоне, ки дар ин даргоҳ ба фаъолият оғоз намуд, замони гурез аз мансабу курсӣ буд, яъне барои як идда афроди солҳои 90 на шуҳрат, балки зистан зарур буд. Бо вуҷуди ин ҳама Назира Рустамова чун Гурдофарид бар муқобили тиру туфанги рӯзгори он замон истодагарӣ карда тавонист. На, манзури мо танҳо он нест, ки қаҳрамонии ӯро дар ин ё он замон нишон диҳем. Кас ба ҳайрат меояд, ки чигуна як зан тавонист миёни обу оташи рӯзгори худ тарҳи сулҳ андозад.
 Падари ӯ файласуф ва модараш донишгоҳи Самарқандро хатм намуда, муаллимаи таърих кор кард. Ҳарду ба тарбияи маънавии ӯ диққати ҷиддӣ медоданд. Ин буд, ки Назира Рустамова соли 1976 Донишгоҳи политехникии Тоҷикистон (ҳоло Донишгоҳи техникӣ) - ро бо ихтисоси энергетик хатм намуд. Фаъолияти ӯ ҳамчун мутахассис аз замони ба ин марказ омаданаш оғоз гардид. Аз он замон то имрӯз ӯ худро ҳамчун мутахассис –таҳлилгари масоили энергетикӣ муаррифӣ кардааст. Ин аст, ки номбурда имрӯз дар Маркази тадқиқоти стратегӣ ҳамчун шахси меҳнатдӯст шинохта шуда, муаллифи як қатор тадқиқот оид ба масъалаҳои иқтисодист. Дар самтҳои муҳимтарини барномаҳои инкишофи комплекси сузишворӣ – энергетикӣ, барномаҳои сарфакорӣ ва баланд бардоштани самаранокии истифодаи захираҳои сӯзишворӣ – энергетикӣ маҳорати касбии худро нишон дода, дар пиёдасозии онҳо низ комёб гардидааст. Зиёда аз ин дар барномае бо номи «Тарҳи инкишоф ва ҷобаҷо кардани қувваҳои истеҳсолкунандаи Тоҷикистон» дар ҳамдастӣ бо олимони соҳа ширкат варзида, сатҳи дониши касбии худро баланд бардоштааст. Таи чанд соли охир Назира Рустамова роҳбари бахшҳои муҳими марказ, аз ҷумла шуъбаи тадқиқоти проблемаҳои рушди саноат ва тадқиқоти макроиқтисодиро ба уҳда дошт. Ин пайраҳаро бомуваффақият тай намуда, имрӯз ба ҳайси муовини сардори раёсати таҳлили масъалаҳои макроиқтисодии Маркази тадқиқоти стратегии назди Президенти Ҷумҳурии Тоҷикистонро фаъолият дорад.
Назира Рустамова тӯли ин солҳо шогирдони зиёдеро дар ин ҷода тайёр кардааст. Ӯ сарфароз аз он аст, ки имрӯз шогирдонаш дар самтҳои мухталиф кору фаъолият доранд. Дар  фаъолияти илмии ӯ масоили инкишофи саноат ва энергетика, таъмини амнияти обӣ - энергетикии Тоҷикистони соҳибистиқлол мавқеи муҳим доранд.
Имрӯз Назира Рустамова гурӯҳи муҳаққиқонеро, ки омӯзиши масоили инкишофи иқтисодиёт, саноат, комплекси сӯзишворӣ - энергетикӣ ва роҳҳои самаранок истифодабарии захираҳои табииро пайгирӣ менамояд, роҳбарӣ мекунад. Нақши ӯ дар омодасозии тақризу пешниҳодҳо, тафсирҳо ба барномаҳои ҳуҷҷатҳои ҳукуматӣ, аз ҷумла оид ба консепсияи инкишофи энергетика, захираҳои оби ҷумҳурӣ ва умуман минтақаи Осиёи Марказӣ, қонунҳои Ҷумҳурии Тоҷикистон «Дар бораи энергетика», «Дар бораи сарфаҷӯии энергия», консепсияи «Инкишофи сохтори идоракунӣ» низ ба назар мерасад.
Бузурге гуфтааст, ки модарон пайғамбар нестанд, аммо тамоми пайғамбарон аз онҳо таваллуд шудаанд. Ӯ на танҳо дар соҳаи худ муваффақ шудааст, балки дар оила зан ва модари хуби хонадон аст. Назира Рустамова занест, болотар аз мақоми як зани оддӣ, зеро ӯ дар пешрафти соҳаи иқтисодиёти кишвар саҳми арзанда дорад.

Нигинаи РАҲМОН, «Ҷумҳурият»


Баёни ақида (0)    Санаи нашр: 12.03.2014    №: 49    Мутолиа карданд: 10992

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё

Касби мақоми дувуми Разавӣ дар Чемпионати Осиё

Баргузории «Дави миллӣ»

15.05.2018


Оғози ҷаласаи дуюми Кумитаи байналмилалии роҳбарикунанда

Баргузории мизи мудаввар дар Суди Олии иқтисодӣ

«Оила ва нақши он дар рушди шахсияти инсон»

Ҷаҳон дар як сатр

Дар Остона музокироти сулҳи Сурия оғоз ёфт

Мулоқоти Путин ва Жээнбеков дар Сочи

Назарбоев байни баҳрҳои Сиёҳ ва Хазар сохтани канали киштигардро мехоҳад

Иттиҳоди иқтисодии АвруОсиё дар Остона бо Пекин созишнома ба тасвиб мерасонад

Доналд Трамп аз мушкилоти ҳамкории тиҷоратӣ бо Чин нақл кард

14.05.2018


Баргузории фестивали ҳунарҳои мардумӣ ва таомҳои миллӣ

Ҳамоиш бахшида ба Рӯзи байналмилалии оила

Мулоқот бо муовини вазири корҳои хориҷии Кувайт

Оғози Рӯзҳои фарҳанги Беларус дар Тоҷикистон


Дар сомонаҳои дигари Тоҷикистон хонед