logo

қонунҳои ҶТ

Қонуни конститутсионии Ҷумҳурии Тоҷикистон ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ КОНСТИТУТСИОНИИ ҶУМҲУРИИ ТОҶИКИСТОН «ДАР БОРАИ ИНТИХОБОТИ МАҶЛИСИ ОЛИИ ҶУМҲУРИИ ТОҶИКИСТОН»

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ КОНСТИТУТСИОНИИ ҶУМҲУРИИ ТОҶИКИСТОН  «ДАР БОРАИ ИНТИХОБОТИ МАҶЛИСИ ОЛИИ ҶУМҲУРИИ ТОҶИКИСТОН»

Моддаи 1. Ба Қонуни конститутсионии Ҷумҳурии Тоҷикистон аз 10 декабри соли 1999 «Дар бораи интихоботи Маҷлиси Олии Ҷумҳурии Тоҷикистон» (Ахбори Маҷлиси Олии Ҷумҳурии Тоҷикистон, с. 1999, №12, мод. 296; с. 2004, №7, мод. 451; с. 2007, №5, мод. 352; с. 2008, №10, мод. 797; с. 2012, №8, мод. 811) тағйиру иловаҳои зерин ворид карда шаванд:
1. Моддаи 11 бо мазмуни зайл илова карда шавад:
«Моддаи 11. Қонунгузории Ҷумҳурии Тоҷикистон дар бораи интихоботи Маҷлиси Олии Ҷумҳурии Тоҷикистон
Қонунгузории Ҷумҳурии Тоҷикистон дар бораи интихоботи Маҷлиси Олии Ҷумҳурии Тоҷикистон ба Конститутсияи (Сарқонуни) Ҷумҳурии Тоҷикистон асос ёфта, аз Қонуни конститутсионии мазкур, дигар санадҳои меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Тоҷикистон онҳоро эътироф намудааст, иборат мебошад.».
2. Дар қисми дуюми моддаи 4, бандҳои 1) ва 14) моддаи 12, қисмҳои дуюм, панҷум ва ҳаштуми моддаи 21, қисми чоруми моддаи 48, қисми сеюми моддаи 54 ва қисми дуюми моддаи 55 калимаи «ҷумҳурӣ» ба калимаҳои «Ҷумҳурии Тоҷикистон» иваз карда шавад.
3. Дар моддаи 9:
- дар сархати шашуми қисми шашум калимаи «маҳаллӣ» ба калимаҳои «шаҳрак ва деҳот» иваз карда шавад;
- ба қисми ҳафтум баъд аз калимаҳои «зиёд мебошад,» калимаҳои «бо қарори Комиссияи марказии интихобот ва раъйпурсии Ҷумҳурии Тоҷикистон» илова карда шаванд.
4. Дар моддаи 10:
- дар қисми дуюм калимаҳои «худидораи маҳаллӣ» ба калимаҳои «худидоракунии шаҳрак ва деҳот» иваз карда шаванд;
- дар қисми сеюм калимаҳои «меъёрию ҳуқуқииТоҷикистон» ба калимаҳои «меъёрии ҳуқуқии Ҷумҳурии Тоҷикистон» иваз карда шаванд.
5. Дар банди 10) моддаи 12 калимаҳои «мақомоти маҳаллии ҳокимияти иҷроия, мақомоти худидораи маҳаллӣ» ба калимаҳои «мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот» иваз карда шаванд.
6. Қисми сеюми моддаи 13 дар таҳрири зайл ифода карда шавад:
«Ташкили комиссияҳои ҳавзавии интихобот оид ба интихоботи вакилони Маҷлиси намояндагон бо пешниҳоди мақомоти иҷроияи маҳаллии ҳокимияти давлатӣ бо назардошти таклифҳои сохторҳои маҳаллии ҳизбҳои сиёсӣ дар ҳудуди ҳавзаи интихобот сурат мегирад.».
7. Дар моддаи 14:
- дар банди 3) калимаҳои «мақомоти ҳокимияти маҳаллии иҷроия» ба калимаҳои «мақомоти иҷроияи маҳаллии ҳокимияти давлатӣ» иваз карда шаванд;
- дар банди 15) калимаҳои «меъёрию ҳуқуқии» ба калимаҳои «меъёрии ҳуқуқии» иваз карда шаванд.
8. Дар моддаи 15:
- дар банди 2) калимаҳои «мақомоти ҳокимияти маҳаллии иҷроияро» ба калимаҳои «мақомоти иҷроияи маҳаллии ҳокимияти давлатиро» иваз карда шаванд;
- дар банди 10) калимаҳои «меъёрию ҳуқуқии» ба калимаҳои «меъёрии ҳуқуқии» иваз карда шаванд.
9. Қисми дуюми моддаи 16 дар таҳрири зерин ифода карда шавад:
«Дар назди сафоратхонаҳо ва консулгариҳои Ҷумҳурии Тоҷикистон дар давлатҳои хориҷӣ (минбаъд – намояндагиҳои Ҷумҳурии Тоҷикистон дар давлатҳои хориҷӣ) участкаҳои интихобот бо пешниҳоди Вазорати корҳои хориҷии Ҷумҳурии Тоҷикистон аз тарафи Комиссияи марказии интихобот ва раъйпурсии Ҷумҳурии Тоҷикистон бе назардошти талаботи қисмҳои якум, сеюм, панҷум, шашум ва ҳафтуми моддаи 22 Қонуни конститутсионии мазкур ташкил карда шуда, вазифаи раиси комиссияи участкавии интихоботро роҳбари намояндагии Ҷумҳурии Тоҷикистон дар давлати хориҷӣ иҷро менамояд.».
10. Дар банди 8) моддаи 17 калимаҳои «меъёрию ҳуқуқии» ба калимаҳои «меъёрии ҳуқуқии» иваз карда шаванд.
11. Қисми чоруми моддаи 22 хориҷ карда шавад.
12. Дар моддаи 23:
- дар қисми дуюм калимаҳои «Мақомоти ҳокимияти иҷроияи маҳаллӣ» ба калимаҳои «Мақомоти иҷроияи маҳаллии ҳокимияти давлатӣ» иваз карда шаванд;
- дар қисми панҷум калимаҳои «ному насаб» ба калимаҳои «насаб, ном ва номи падар» иваз карда шаванд.
13. Аз бандҳои 1) ва 3) қисми чоруми моддаи 24, қисми чоруми моддаи 30 ва қисми дуюми моддаи 32 калимаҳои «(ба истиснои шаҳрҳои тобеи ноҳияҳо)» хориҷ карда шаванд.
14. Дар моддаи 29:
- дар қисми сеюм калимаи «маҳаллӣ» ба калимаҳои «маҳаллии ҳокимияти давлатӣ» иваз карда шавад;
- дар қисми ҳафтум калимаҳои «маҳаллии намояндагӣ» ба калимаҳои «намояндагии маҳаллии ҳокимияти давлатӣ» иваз карда шаванд.
15. Дар моддаи 31:
- дар қисми нуҳум рақами «35» ба рақами «45» иваз карда шавад;
- дар қисми чордаҳум калимаҳои «фамилия, ном, насаби» ба калимаҳои «насаб, ном ва номи падари» иваз карда шаванд.
16. Дар моддаи 32:
- дар қисми сеюм калимаҳои «мақомоти маҳаллии дахлдори намояндагӣ» ба калимаҳои «Маҷлиси дахлдори вакилони халқ» иваз карда шаванд;
- дар қисми чорум калимаҳои «Мақомоти маҳаллии намояндагӣ», «Мақомоти маҳаллии намояндагии» ва «мақомоти маҳаллии намояндагӣ» мувофиқан ба калимаҳои «Мақомоти намояндагии маҳаллии ҳокимияти давлатӣ», «Мақомоти намояндагии ҳокимияти давлатии» ва «мақомоти намояндагии маҳаллии ҳокимияти давлатӣ» иваз карда шаванд.
17. Дар қисмҳои якум ва сеюми моддаи 321 рақам ва калимаи «200 (дусад)» ба рақам ва калимаи «100 (сад)» иваз карда шаванд.
18. Дар қисми дуюми моддаи 34 калимаҳои «дигар мақомоти намояндагӣ ва мақомоти худидораи маҳаллӣ» ба калимаҳои «мақомоти намояндагии маҳаллии ҳокимияти давлатӣ ва мақомоти худидоракунии шаҳрак ва деҳот» иваз карда шаванд.
19. Дар моддаи 35:
- дар банди 1) қисми якум калимаҳои «мақомоти маҳаллии намояндагӣ» ба калимаҳои «мақомоти намояндагии маҳаллии ҳокимияти давлатӣ» иваз карда шаванд;
- дар қисми ҳаштум калимаҳои «дар маҷмӯъ зиёда аз се фоизро ташкил намояд» ба калимаҳои «боиси аз 500 кам шудани шумораи имзоҳои ҷамъовардашуда мегардад» иваз карда шаванд;
- дар қисми чордаҳум калимаҳои «ному насаб» ба калимаҳои «насаб, ном ва номи падар» иваз карда шаванд.
20. Ҷумлаи чоруми моддаи 36 дар таҳрири зерин ифода карда шавад: «Номзад метавонад дар мӯҳлати на дертар аз 7 рӯз то рӯзи интихобот ба комиссияи дахлдори ҳавзавии интихобот ариза навишта, номзадиашро пас гирад.».
21. Дар сархати сеюми қисми панҷуми моддаи 38 калимаҳои «худидораи маҳаллӣ» ба калимаҳои «худидоракунии шаҳрак ва деҳот» иваз карда шаванд.
22. Дар моддаи 39:
- дар қисми сеюм калимаҳои «мақомоти ҳокимияти маҳаллӣ ва мақомоти худидораи маҳаллӣ» ба калимаҳои «мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳот» иваз карда шаванд»;
- қисми чорум бо мазмуни зайл илова карда шавад:
«Кормандони мақомоти маҳаллии ҳокимияти давлатӣ наметавонанд дар вохӯрии номзадҳо бо интихобкунандагон раисӣ кунанд.»;
- дар қисми дувоздаҳум рақамҳои «15» ва «30» мувофиқан ба рақамҳои «20» ва «40» иваз карда шаванд.
23. Дар моддаи 40:
- дар қисми якум калимаҳои «мақомоти иҷроияи маҳалли» ба калимаҳои «мақомоти иҷроияи маҳаллии ҳокимияти давлатӣ» иваз карда шаванд;
- дар қисми дуюм калимаҳои «дахлдори маҷлисҳои мақомоти маҳаллии намояндагӣ» ба калимаҳои «мақомоти дахлдори намояндагии маҳаллии ҳокимияти давлатӣ» иваз карда шаванд.
24. Ба моддаи 41 қисми панҷум бо мазмуни зайл илова карда шавад:
«Дар бюллетенҳои интихобот баъд аз рӯйхати номзадҳо ва рӯйхати ҳизбҳои сиёсӣ мувофиқан сатри алоҳида бо ифодаи «муқобили ҳамаи номзадҳо» ва «муқобили ҳамаи рӯйхати ҳизбҳои сиёсӣ» дарҷ карда мешавад.».
25. Дар моддаи 42:
- дар қисми шашум калимаҳои «ному насаби» ба калимаҳои «насаб, ном ва номи падари» иваз карда шаванд;
- ҷумлаи дуюми қисми ҳаштум дар таҳрири зерин ифода карда шавад: «Интихобкунанда дар бюллетени интихобот дар квадрати холӣ, дар муқобили насаб, ном ва номи падари номзад ё ҳизби сиёсие, ки ба тарафдориашон овоз медиҳад, аломати ҷамъ «+» мегузорад.»;
- қисми нуҳум дар таҳрири зайл ифода карда шавад:
«Дар мавриди зидди ҳамаи номзадҳо ва рӯйхати ҳизбҳои сиёсӣ овоз додан, интихобкунанда дар бюллетени интихобот дар квадрати холии сатрҳои «муқобили ҳамаи номзадҳо» ва «муқобили ҳамаи рӯйхати ҳизбҳои сиёсӣ» аломати ҷамъ «+» мегузорад.».
26. Дар моддаи 43:
- ба қисми якум баъд аз калимаи «намояндагии» калимаҳои «ҳокимияти давлатии» илова карда шаванд;
- дар қисмҳои сеюм ва шашум калимаҳои «мақомоти намояндагии маҳаллӣ», «мақомоти маҳаллии намояндагӣ», «мақомоти дахлдори маҳаллии намояндагӣ» ба калимаҳои «мақомоти намояндагии маҳаллии ҳокимияти давлатӣ» иваз карда шаванд.
27. Дар қисми сеюми моддаи 44, сархати дуюми қисми ёздаҳуми моддаи 48 калимаҳои «ному насаби» ба калимаҳои «насаб, ном ва номи падари» иваз карда шаванд.
28. Дар моддаи 45:
- дар зербанди д) банди 5) қисми якум калимаҳои «мақомоти маҳаллии намояндагӣ» ба калимаҳои «мақомоти намояндагии маҳаллии ҳокимияти давлатӣ» иваз карда шаванд;
- дар банди а) қисми дуюм калимаҳои «ному насаби» ба калимаҳои «насаб, ном ва номи падари» иваз карда шаванд.
Моддаи 2. Қонуни конститутсионии мазкур пас аз интишори расмӣ мавриди амал қарор дода шавад.

Президенти
Ҷумҳурии Тоҷикистон  Эмомалӣ РАҲМОН
ш. Душанбе, 14 марти соли 2014, № 1065

Қарори Маҷлиси намояндагони Маҷлиси Олии Ҷумҳурии Тоҷикистон
Дар бораи қабул намудани Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон»
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» қабул карда шавад.
  
Раиси Маҷлиси намояндагониМаҷлиси Олии Ҷумҳурии Тоҷикистон      Ш. ЗУҲУРОВ
ш. Душанбе, 25 феврали соли 2014 № 1436 

Қарори Маҷлиси миллии Маҷлиси Олии Ҷумҳурии Тоҷикистон
Дар бораи Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо
ба Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон»
Маҷлиси миллии Маҷлиси Олии Ҷумҳурии Тоҷикистон Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон»-ро баррасӣ намуда, қарор мекунад:
Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» ҷонибдорӣ карда шавад.

Раиси Маҷлиси миллии МаҷлисиОлии Ҷумҳурии Тоҷикистон    М. УБАЙДУЛЛОЕВ
ш. Душанбе, 27 феврали соли 2014, № 651


Баёни ақида (0)    Санаи нашр: 20.03.2014    №: 54    Мутолиа карданд: 1028

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед