logo

ҳуқуқ

УСТОДИ ДОНИШГОҲИ ДАВЛАТИИ ТИББӢ БОЗДОШТ ШУД

Гулчеҳра Холиқоваи 56- сола, ки дар асоси фармони ректори Донишгоҳи давлатии тиббии Тоҷикистон ба номи Абуалӣ ибни Сино дар вазифаи ассистенти кафедраи «Физиологияи нормалӣ» ифои вазифа дошт, бо ҷурми ситондани ришва боздошт шуд.

Номбурда мехост бо истифода аз мақоми хизматӣ барои ба ин муассисаи олии кишвар дохил намудани довталаб К. Исоев аз хеши наздики ӯ,  сокини ноҳияи Зафаробод С. Баротова 11 000 доллари амрикоӣ гирад. Вай бо ин мақсад бо С. Баротова  аз наздик шинос шуда, масъалаи ба донишгоҳи мазкур қабул кардани К. Исоевро дар миён гузошт.  Гуфт, ки барои ҳалли мусбати масъала  7- 8  ҳазор доллар  лозим аст.
Аз байн чанд рӯз гузашт. Гулчеҳра Холиқова, ки бо роҳи фиреб ба бовари С. Баротова даромада буд, 20 июни соли равон  бо ӯ телефонӣ дар тамос шуда, пешниҳод  кард, ки дар навбати аввал 3000 доллар, даъватнома ва варақаи бақайдгирии довталаб  К. Исоевро  ба ӯ расонад. Ин пешниҳодро С. Баротова  пазируфт ва 24-уми июн бо  3000 доллар ва ҳуҷҷатҳои зарурӣ ба Душанбе омад. Вақте онҳо бо ҳам вохӯрда, ҷузъиёти масъаларо матраҳ намуданд, Гулчеҳра  Холиқова ба ҷойи 7-8 ҳазор доллари пештар мувофиқашуда 11 000 доллар талаб кард. Дар ҳамин ҳол ӯ гуфтааст, ки аз ин маблағ 2000 долларашро ба Неъмат ном корманди Маркази миллии тестӣ ва 9000 доллари дигарашро ба ҳамон шахсе, ки корро буд мекунад, медиҳад.
Баъди шунидани ин ҳарфҳои ҳамсуҳбати худ С. Баротова  дудила шуд. Ба андеша рафт, ки оё ин зан ба ваъдааш вафо мекарда бошад? Боз пулро гирифта, ӯро фиреб надиҳад? Ҳарчанд майна об кард, ба  саволҳояш посух наёфт. Ниҳоят, 2 июл бо аризаи шикоятӣ ба Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе муроҷиат намуд.
Худи ҳамон рӯз дар робита ба ин  қазия бар асоси моддаҳои 32 қисми 3-247,  қисми 4 банди «б» Кодекси ҷиноятии Ҷумҳурии Тоҷикистон ба иттиҳоми ришваситонӣ ва қаллобӣ парвандаи ҷиноятӣ оғоз гардида, чораҳои фаврӣ-тафтишотӣ андешида шуданд.  3 июл кормандони раёсати агентӣ дар шаҳри Душанбе  ассистенти кафедраи «Физиологияи нормалӣ»-и Донишгохи давлатии тиббии Тоҷикистон Гулчеҳра  Холиқоваро дар хиёбони Рӯдакӣ, хонаи № 9, баъди аз С. Баротова гирифтани 11 000 доллар, дастгир карданд. Суди ноҳияи Исмоили Сомонии пойтахт ҳукми боздошти ӯро содир кард ва 5 июл  нисбат ба гумонбаршуда чораи пешгирӣ дар намуди ба ҳабс гирифтан татбиқ  шуд.
Дар ҷараёни тафтиши пешакии парвандаи ҷиноятӣ Г. Холиқова гуфтааст, ки бо ягон нафар дар хусуси дохил кардани К. Исоев пешакӣ маслиҳат накарда буд ва танҳо мақсад доштааст, ки минбаъд шахсони дахлдорро пайдо намуда, барои дохил кардани номбурда мусоидат намояд.
Айни ҳол тафтиши парвандаи ҷиноятӣ  идома дошта, муфаттишони Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе баҳри муайян намудани шарикони Холиқова  чораҳои дахлдор андешидаанд.  Онҳо бояд ошкор созанд, ки  ассистенти Донишгоҳи давлатии тиббии Тоҷикистон ба номи Абуалӣ ибни Сино барои дохил кардани довталаб К. Исоев аз чӣ шеваҳое кор гирифтанӣ буд ва бо Маркази миллии тестӣ  чӣ иртиботе дорад.

Дар ин бора аз маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба «Ҷумҳурият» хабар доданд.


Баёни ақида (0)    Санаи нашр: 17.07.2014    №: 136    Мутолиа карданд: 602

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед