logo

маориф

ҶИРГАТОЛ: БУНЁДИ 2 МАКТАБУ 47 СИНФХОНА ДАР ЯК СОЛ

Агар ба гузаштаи начандон дури кишвар назар андозему ба имрӯз қиёс кунем, дармеёбем, ки симои Тоҷикистон ба  куллӣ дигаргун гаштааст. Бо саъю талоши сокинони мамлакат,  аз ҷумла мардуми заҳматкаш ва бо ҳам дӯсту тифоқи ноҳияи Ҷиргатол ҷиҳати тақвият бахшидани корҳои ободонию  созандагӣ ва ба ҳамин васила боз ҳам зебову дилработар гардондани гӯшаҳои алоҳидаи диёр иқдомҳои тоза рӯи даст гирифта мешаванд.
Ин падидаи нек далели равшани ватандӯстӣ ва вусъат ёфтани корҳои созандагиву ободгароӣ дар байни мардуми тоҷик мебошад. Ба таъкиди Сарвари давлат, ки зимни вохӯрӣ бо сокинони ноҳияи  Ҷиргатол,  26 сентябри соли гузашта,  ироа дошта буданд, ин раванд моҳияти зиндагисози соҳибдавлатӣ ва ватандориро дарк намудани хурду бузурги ҷомеа ва дар айни замон омили асосии рушди муназзами соҳаҳои гуногуни иқтисодиву иҷтимоии кишвар ба ҳисоб меравад.
Бояд гуфт, ки дар ноҳияи Ҷиргатол  тайи чанд соли охир  сохтмони иншооти гуногун, аз ҷумла муассисаҳои томактабӣ, мактабу синфхонаҳои замонавӣ,  бунгоҳҳои тиббӣ аз ҳисоби маблағҳои буҷети ҷумҳуриявӣ, маҳаллӣ, дастгирии ташкилотҳои байналмилалӣ, ашхоси саховатпеша, инчунин бо роҳи ҳашар вусъати тоза пайдо кардааст. Дар ин муддат бо дастгирии бевоситаи Сарвари давлат Эмомалӣ Раҳмон дар деҳаи Сарикенҷаи Ҷамоати деҳоти Муксу бинои нави мактаб, ки бо таҷҳизоти замонавӣ ва ашёи таълимӣ пурра муҷаҳҳаз гардидааст, ба истифода дода шуд.
 Соли равон бо дастгирии молиявии мақомоти иҷроияи маҳаллии ҳокимияти давлатии ноҳия ва саҳми падару модарон дар деҳаи Шилбилии Ҷамоати деҳоти Сурхоб бинои нави мактаби таҳсилоти миёнаи умумӣ мавриди баҳрабардорӣ қарор гирифт. Айни замон сохтмони ду мактаби замонавии дуошёна дар деҳаҳои Ҷиргатол ва Чоргул босуръат идома дорад. Бинокорон тасмим гирифтаанд, ки то оғози соли таҳсили нав мактаби деҳаи навбунёди Чоргулро ба истифода диҳанд.
Зикри як нукта муҳим аст, ки ба ғайр аз маблағҳои ҷумҳуриявӣ бо иқдоми мақомоти иҷроияи маҳаллии ҳокимияти давлатии ноҳия ва омӯзгорону волидони хонандагони мактабҳои деҳоти Қаромиқ, Сарғӯй, Калдар, Қарчин, Калтабулоқ, Пилдони Чингак, Питовкӯл, ҷамъ дар даҳ деҳа, дар як соли охир толорҳои варзишӣ, ду мактаби нави ибтидоӣ ва 47 синфхона бунёд ёфтааст. Гузашта аз ин, дар  ду соли баъдӣ дар маркази ҷамоатҳои деҳоти Пилдон, Ҷиргатол, Янгишаҳр ва Қашот бо дастгирии молиявии мақомоти иҷроияи маҳаллии ҳокимияти давлатии ноҳия  4 муассисаи томактабӣ бунёд ва мавриди истифода қарор гирифт.  Маркази ноҳия - шаҳраки Ваҳдат ҳам бо қомат афрохтани даҳҳо бинову иншооти нави замонавии баландошёна   рӯз ба рӯз симояшро тағйир медиҳад. Ин раванди зиндагисоз, ин ташаббусҳои ватандӯстона, ки аз паёмҳои Сарвари давлат ба Маҷлиси Олӣ ва суханрониҳояшон зимни вохӯрӣ бо намояндагони соҳаи маориф ва илми мамлакат сарчашма мегиранд, бешак, ба рушди соҳа, баланд шудани сифати таълиму тарбия, худшиносиву худогоҳии хонандагон, ватандӯстиву меҳанпарастии онҳо мусоидат хоҳанд  кард. 
 Чанд сол аст, ки масъалаи рушди деҳот дар маркази таваҷҷуҳи Ҳукумати мамлакат қарор дорад. Дар ин самт якчанд барномаи давлатӣ қабул шудааст,  ки мақсади асосӣ таъмини зиндагии шоистаи ҳар як сокини мамлакат мебошад. Дар  ноҳияи Ҷиргатол низ ба ин масъала диққати ҷиддӣ дода мешавад. Аз оғози сол бо қарори Умедхоҷаи Зоир - раиси ноҳия ва ҳамовозии фаъолон соли 2014 -  «Соли рушди деҳот» эълон гардид. Чанде пеш дар машварати назоратии назди раиси ноҳия  ба пешвози 20 - солагии қабули Конститутсияи (Сарқонуни) Ҷумҳурии Тоҷикистон қарор дар бораи «100 рӯзи ободонӣ» ба тасвиб расид. Баҳри амалӣ гаштани ин ташаббусҳои наҷиб имрӯзҳо ҳамаи неруҳои созандаи ноҳияи Ҷиргатол ҷаҳду талош доранд.
 
Акбар РИЗВОНОВ,  ноҳияи Ҷиргатол


Баёни ақида (0)    Санаи нашр: 31.07.2014    №: 145    Мутолиа карданд: 1003
17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД

СҲШ, ИДМ ВА СААД БОРИ АВВАЛ АЛАЙҲИ ТЕРРОРИЗМ МАШҚҲОИ МУШТАРАК МЕГУЗАРОНАНД

ҶАҲОН ДАР ЯК САТР

ФУТБОЛ. ТОҶИКИСТОН БАР ТИМИ ӮЗБЕКИСТОН ҒОЛИБ ОМАД

ТОҶИКИСТОН. 7 ҲАЗОРУ 581 БЕМОРИ COVID – 19 ШИФО ЁФТ

04.09.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 7 ҲАЗОРУ 482 КАС РАСИД

ОЗМУНИ XVII БАЙНАЛМИЛАЛИИ «САНЪАТИ КИТОБ». «УФУҚҲОИ ИСТИҚЛОЛ» СОҲИБИ ШОҲҶОИЗА ГАРДИД

ПЕСКОВ БА АЙБДОРСОЗИИ МОСКВА ДАР ҲОДИСА БО НАВАЛНИЙ ҶАВОБ ГАРДОНД


Дар сомонаҳои дигари Тоҷикистон хонед