logo

паёмҳо

Паёми табрикотии Президенти Ҷумҳурии Тоҷикистон Эмомалӣ Раҳмон ба муносибати фарорасии Соли нави мелодии 2015, шаҳри Душанбе, 31 декабри соли 2014

Ҳамватанони азиз!
Дар ин лаҳзаҳо, ки хурду бузурги кишварамон бо эҳсоси фараҳу шодӣ ва бо нияту орзуҳои нек Соли нави мелодии   2015 - умро истиқбол менамоянд, ҳамаи мардуми шарифи Тоҷикистон ва кулли ҳамватанони бурунмарзиамонро ба ин муносибат сидқан табрик мегӯям ва барои ҳар як хонаводаи тоҷик тандурустиву хушбахтӣ, рӯзгори орому осуда ва барори кору дастовардҳои тоза орзумандам.
Ба шарофати пойдории сулҳу оромӣ, суботи сиёсӣ, ваҳдати миллӣ ва заҳмати софдилонаи сокинони мамлакат соли 2014 дар кишвари азизамон корҳои ободониву созандагӣ вусъати тоза касб намуданд, иқдомҳои бунёдкоронаи давлату Ҳукумат ва ташаббусҳои соҳибкорони бонангу номуси мамлакат идома пайдо карданд.
Дар натиҷа пойдевори давлати миллиамон боз ҳам қавӣ ва нуфузу эътибори он дар арсаи ҷаҳон хеле таҳким ёфт ва муҳимтар аз ҳама, иқдому ташаббусҳои зикршуда боиси беҳтар шудани сатҳи зиндагии аҳолӣ гардиданд. 
Дар соле, ки сипарӣ мешавад, бо вуҷуди таъсири манфии омилҳои буҳронӣ рушди устувори иқтисодиёти мамлакат таъмин гардида, дар бахши сармоягузорӣ, соҳаҳои саноату кишоварзӣ, илму маориф, фарҳангу тандурустӣ ва дигар соҳаҳои ҳаёти ҷомеа ислоҳоту навсозиҳо идома пайдо карданд ва ҳамкориҳои мутақобилан судманди Тоҷикистон бо кишварҳои гуногуни олам тавсеаи бештар ёфтанд.
Дар сатҳи баланд баргузор шудани ҷаласаи навбатии Созмони  ҳамкориҳои Шанхай нишондиҳандаи беҳтарини сатҳи равобити мо бо созмонҳои бонуфузи минтақа ва ҷаҳон гардид ва Тоҷикистон имкон пайдо кард, ки ҷонибдории худро ба хотири таъмини амният ва рушди ҳамаҷониба дар минтақа ва ҷаҳон, инчунин густариши ҳамкориҳои судманд миёни аъзои созмон бори дигар таъкид намояд.
Бузургдошти 600 - солагии яке аз фарзандони фарзонаи миллати куҳанбунёдамон – Мавлоно Абдураҳмони Ҷомӣ, таҷлили бошукӯҳи бистсолагии бахтномаи халқамон - Конститутсияи Тоҷикистон низ аз чорабиниҳои муҳимми сиёсиву фарҳангии кишварамон дар соли сипаришаванда маҳсуб мешаванд.
Воқеан, қабули ин санади тақдирсоз, яъне Конститутсия арзишмандтарин дастоварди мардум ва давлати тоҷикон дар интиҳои асри гузашта ба шумор рафта, натиҷаи мантиқии талошҳои ҷомеаи адолатпарвари мо дар роҳи расидан ба марҳалаи тозаи пешрафт ва муаррифии шоистаи кишварамон ба оламиён мебошад.
Ҳукумати мамлакат дар давоми соли 2014 ҳамаи саъю талоши худро ба хотири фароҳам овардани шароити мусоид барои зиндагии шоистаи сокинони кишвар равона сохта, ҷиҳати ҳалли масъалаҳои соҳаи иҷтимоӣ, аз ҷумла илму маориф, фарҳангу тандурустӣ, ҷавонону занон, дастгирии табақаҳои ниёзманду осебпазири ҷомеа, ҷалби ҳарчи бештари наврасону ҷавонон ба таҳсилоти босифат, тарбияи онҳо дар рӯҳияи ватандӯстиву ватанпарварӣ ва ҳисси баланди миллӣ, инчунин бо ҷойи кор таъмин намудани шахсони бекор як силсила тадбирҳои мушаххасро амалӣ гардонид.
Дар Соли нави мелодӣ дар ҳаёти сиёсиву иҷтимоии Тоҷикистони маҳбуби мо на танҳо татбиқи силсилаи барномаҳои муҳимми давлатие оғоз мешаванд, ки рушди устувори минбаъдаи мамлакатро таъмин мекунанд, балки якчанд чорабиниҳои пураҳамияти сиёсиву фарҳангӣ баргузор хоҳанд шуд, ки ҳар кадоми онҳо дар таърихи давлатдории халқамон саҳифаҳои навро боз хоҳанд намуд.
Чунонки мардуми кишвар огоҳанд, якуми марти соли 2015 маъракаи муҳимми сиёсӣ, яъне интихоботи вакилон ба мақоми олии қонунгузори мамлакат - Маҷлиси намояндагони Маҷлиси Олӣ ва маҷлисҳои маҳаллии вакилони халқ баргузор мешавад.
Итминон дорам, ки чорабинии мазкур дар доираи Конститутсия ва қонунҳои амалкунанда, дар сатҳи баланди сиёсиву ташкилӣ ва бо ширкати фаъолонаи интихобкунандагон баргузор мегардад ва мардуми шарифи Тоҷикистон ба хотири ояндаи неки кишварамон бо масъулияти баланд намояндагони шоиставу арзандаи худро ба парламенти мамлакат ва маҷлисҳои маҳаллӣ интихоб менамоянд.
Интихоботи навбатӣ бояд омили муҳимми боз ҳам таҳким ёфтани ваҳдати миллӣ ва сарҷамъии мардуми Тоҷикистон гардад. Фаромӯш набояд кард, ки мо ба ҷомеаи ҷаҳонӣ на як бору ду бор фарҳанги баланди сиёсӣ ва суннати таҳаммулгароӣ нишон додаем.
Соли 2015 инчунин як қатор чорабиниҳои арзишманди фарҳангӣ, аз ҷумла бузургдошти 700 - солагии Мир Сайид Алии Ҳамадонӣ ва 3000 - солагии Ҳисори Шодмон баргузор мегарданд, ки онҳо, бешубҳа, ба тавсеаву густариш пайдо кардани ҳисси ватандориву худшиносӣ, эҳтирому арҷ гузоштан ба таъриху фарҳанги миллӣ, таҳкими суботу оромӣ, ваҳдати миллӣ ва амалӣ гардидани ҳадафҳои неки ободкориву созандагии халқамон мусоидат хоҳанд намуд.
Имрӯз воқеияти зиндагӣ беш аз пеш талқин месозад, ки ҳар фарди бонангу номус, ватанхоҳу ватандӯст ва ҳимматбаланду саховатпеша бо эҳсоси баланди масъулиятшиносӣ саъю талоши созандаи хешро ба хотири рушду пешрафти Тоҷикистони соҳибистиқлоламон сарф намояд ва сарзамини биҳиштосоямонро боз ҳам маҳбубу машҳур гардонад.
Мо ҳанӯз масъалаву мушкилоти зиёди ҳалталаб дорем, ки ҳамаи онҳоро худамон, бо шукронаи сулҳу оромӣ, Ватани соҳибихтиёр ва давлати соҳибистиқлоламон ҳаллу бартараф месозем.
Мардуми фарҳангиву ободгари Тоҷикистон ҳамеша ба оянда назари нек доранд ва бовар дорам, ки ҳамаи мо дар ҳамбастагӣ минбаъд низ барои фатҳи қуллаҳои боз ҳам баландтар, таъмини зиндагии пурсаодати халқамон ва дастовардҳои нав қадамҳои устувор мегузорем.
Итминони комил дорам, ки Соли нави мелодии 2015-ум барои боз ҳам мустаҳкам гардидани пояҳои истиқлолият, таҳкими давлатдории миллӣ ва ваҳдату суботи ҷомеа силсилаи иқдому ташаббусҳои созанда амалӣ хоҳанд шуд.
Бо ибрози ҳамин орзуҳои нек бори дигар ҳамаи сокинони некбину некандеш, босабру таҳаммул ва сарбаланду қавииродаи кишвар ва ҳамватанони бурунмарзиамонро бо фарорасии Соли нави мелодии 2015 сидқан табрик гуфта, барои ҳар яки шумо хонаи обод, рӯзгори босаодат, иқболи баланд, файзу баракати зиндагӣ ва ба Тоҷикистони азизамон пешрафту ободӣ орзумандам.
Соли нави мелодӣ муборак, ҳамватанони азиз!


Баёни ақида (0)    Санаи нашр: 1.01.2015    №: 1    Мутолиа карданд: 10808

19.09.2017


Мулоқоти Сарвазир бо намояндагони ширкати «Grupo АСS»

Густариши ҳамкориҳо бо Арабистони Саудӣ

Аввалин воситаи таълимӣ оид ба сиёсати хориҷии Тоҷикистон

Баргузории Форуми байналмилалии «Помир Инвест»

Як нишасти муҳим

Кристин Лагард: «Дар дунё соле 2 триллион доллари ИМА пора мегиранд»

Пентагон ба Афғонистон боз сарбоз мефиристад

Дар Чин беш аз 5 ҳазор мансабдор мӯҷиби ҷазо гашт

Далай – Лама: «Русия бояд узви НАТО бо қароргоҳаш дар Маскав шавад»

СҲШ мубориза бо терроризм ва экстремизмро тақвият мебахшад

18.09.2017


Низомиддин Зоҳидӣ бо Ҳаҷимэ Китаока мулоқот намуд

Баррасии масъалаҳои зӯроварии хонаводагӣ

ИДМ муқовимат бо терроризмро пурзӯр менамояд

Ҳамкориҳои иқтисодӣ бо Финляндия густариш меёбанд

Бунёди мактабҳои замонавӣ дар шаҳри Роғун

Зимни озодсозии Мусул 1,2 ҳазор сокини осоишта қурбон шуд

СММ: теъдоди гурезаҳои роҳинҷа метавонад то 1 миллион расад

Дар Ҳиндустон дуюм сарбанди калонтарини ҷаҳон мавриди истифода қарор гирифт

Марин Ле Пен барои террористҳо суди вижа мехоҳад

Дубай калонтарин дар дунё неругоҳи офтобӣ месозад

15.09.2017


Бинои нави дафтари Котиботи байниидоравӣ ба истифода дода шуд

Вохӯрии Заробиддин Қосимӣ бо Солеҳ ибни Абдулазиз

Густариши ҳамкориҳои иқтисодӣ бо Туркия

Тоҷикистон дар Намоишгоҳи байналмилалии World Food Moskov

Нахустин Фестивали байналмилалии «Шашмақом» баргузор мегардад

Рейтинг: сокинони Тоҷикистон дасткушодтар шуданд

Торумори «Давлати исломӣ» фаро мерасад

Сарвазири Малайзия ҳодисоти Мянмаро геносид номид

Дар Остона шаш санад ба тасвиб мерасад

14.09.2017


Баргузории Форуми соҳибкорон ва шарикони рушд

Намоиши мусаввараҳои рассомони тоҷик дар Суғд

Сағирдашт. Захираи алафи табиӣ ба 4200 тонна расид

Зимистон. Дар Мурғоб омодагии ҷиддӣ мегиранд

«Истиқлол» ба марҳилаи финалии интерминтақавӣ Ҷоми КФО – 2017 роҳ ёфт


Дар сомонаҳои дигари Тоҷикистон хонед