logo

маориф

БАРНОМАИ ДУРӮҒИНИ «НАБЗ»

Хонандагони мактаби таҳсилоти миёнаи умумии № 51 - и ноҳияи Фирдавсии шаҳри Душанбе ба рӯзномаи «Ҷумҳурият» оид ба ғайривоқеӣ  пахш шудани  гузориш аз ҷараёни рейди Раёсати пешгирии ҷинояткорӣ  байни  ноболиғони  Вазорати корҳои  дохилӣ  дар  барномаи  «Набз» - и  Вазорати  корҳои дохилӣ  тавассути  шабакаҳои телевизиони давлатӣ муроҷиат намуда, аз он изҳори нигаронӣ мекунанд, ки акнун дар хона ба таълими дурусти онҳо шак пайдо карданд. Ин дар ҳолест, ки аксари хонандагони мактаби мазкур ғолибони олимпиадаҳои ҷумҳуриявӣ мебошанд.

Сарвиноз  Исматова, хонандаи  мактаби мазкур, ки ҳамзамон довталаби медали тилло мебошад, мегӯяд, баъди тамошои барномаи «Набз» - и ВКД  тавассути шабакаҳои телевизион волидайнам нигарон шуданд, ки магар шумо ҷинояткоред, ки дар барномаи ҷинояткорон намоишатон додаанд?
- Аз ҳамон рӯз мо назди оила ва ҳамсояҳову мактабҳои дигар хиҷолат мекашем. Ҳол он ки мактаби мо яке аз фаъолони олимпиадаҳои  пойтахт аст. Дар гузориш гуфтанд, ки гӯиё хонандагон бо сару либоси ғайри расмӣ дар дарс ширкат доштанд. Вале  мо ҳама либоси ягона дорем. Ҳамон рӯз дар синфи мо ду нафар бо сабабҳои узрнок дар дарс ширкат надоштанд, аммо дар барнома гуфтанд, ки 11 хонанда  ҳузур надошт, - гуфт Сарвиноз.
Оминаи  Рӯзибой, ки соли гузашта байни  мактабҳои 22 ноҳияи кишвар дар озмуни  «Хонандаи сол» ҷойи аввалро сазовор гардидааст, дар ҳамин синф мехонад.  Рустам Наҷмиддинов, Шарифамои Ҷумъахон, Олимҷон Ботиев, ғолибони олимпидаи ҷумҳуриявӣ аз фанҳои география, технологияи информатсионӣ ва таърих ҳамагӣ хонандагони синфи 11-и мактаби мазкур мебошанд, ки дар барномаи «Набз» мавриди интиқод  қарор гирифтанд. Дар ҳоле  ки ширкат ва ғолибии хонандагони мазкур дар олимпиадаҳо далели фаъол будан ва таълими босифат аст, пас чаро онҳо қаҳрамони барномаи криминалии «Набз» - и ВКД гардиданд?
Бо мақсади равшанӣ андохтан ба нигаронии хонандагон бо масъули рейд дар мактаби мазкур, капитани милиса  Баҳрулло Худоиев дар тамос шудем. Номбурда иброз дошт, ки рейди мазкур дар асоси дурнамои  чорабиниҳои муштарак байни Вазорати корҳои дохилӣ ва Вазорати маориф ва илм сурат гирифтааст:
- Бале, мо рафта будем, пешакӣ роҳбарияти Вазорати маориф ва илм ва мактаб хабар доштанд. Рӯзҳои рейд кадом мактабе, ки дар дурнамо мушаххас аст бояд, ки вазорат ё шуъбаи маорифи шаҳру ноҳия мактабҳоро огоҳ мекард.  Риояи  дастурҳои  вазорати  маориф ва илм оид ба либоси ягона,  мӯйи сари хонандагон ва бидуни телефони мобилӣ ба дарс ҳозир шуданро мо ҳуқуқи назорат кардан дорем.
Намояндагони Вазорати корҳои дохилӣ ба суоли он ки чаро дар рӯзи рейд  дар синфи 11 ҳамагӣ ду хонанда ҳузур надошт, аммо дар барнома 11 нафар ёдрас шудед, посух доданд, ки наворҳо ғалат пахш шуданд.
– Он ҷо дар бораи мактаби миёнаи таҳсилоти умуми № 47 маълумот буд. Вале таҳиягари барнома  иштибоҳан мактаби миёнаи таҳсилоти умумии № 51 - ро нишон дод.
Пас агар кадр хато рафта бошад, мебоист дастандаркорони ин рейд аз тамошобинон ва маъмурияти мактаб узр мепурсиданд. Аммо то ҳол ин амалро анҷом надодаанд.  
Салима Суҳробова, директори мактаби мазкур мегӯяд, ки соати вориди мактаб гардидани намояндагони ВКД машғули дарс будааст ва интизор доштааст, ки ҳоло ба суроғаш меоянд ва баъди ба охир расидани дарс қабл аз наворбардорӣ суҳбат мекунанд.
- Аз тиреза дидам, ки ҳавлии мактаб ва хонандагонеро, ки аз дарс чанд дақиқа дер омадаанд, наворбардорӣ доранд. Ба хотири парешон накардани дарс ва хонандагон аз тиреза дидаму аз синф  набаромадам. Ҳатто барномаро тамошо накардам, наворро волидайни шогирдон оварданд, ки фарзанди мо аълохон аст, на ҷинояткор ки дар барномаи криминалӣ нишон доданд.
Вазорати маориф ва илм мегӯяд,  нақшаи  дурнамои ҳамкориҳо бо ВКД-ро тасдиқ кардаанд, аммо ин ба он маъно нест, ки бо хонандагон муносибати ғайрикасбӣ сурат гирифта маълумоти нодуруст тавассути васоити ахбори омма нашр шавад.  

Ҳарамгули ҚОДИР,
«Ҷумҳурият»


Баёни ақида (0)    Санаи нашр: 9.04.2015    №: 73    Мутолиа карданд: 3396
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед