logo

мулоқотҳо

ХЕНАН ДАР РУШДИ МУНОСИБОТИ ТОҶИКИСТОН ВА ЧИН НАҚШИ МУАССИР ДОРАД

Эмомалӣ Раҳмон, Президенти Ҷумҳурии Тоҷикистон, 22 июн котиби Кумитаи ҳизбии музофоти Хенани Ҷумҳурии Мардумии Чин Го Гэнмао ва ҳайати ҳамроҳони ӯро ба ҳузур пазируфт.

Бино ба иттилои Хадамоти матбуоти Президенти Ҷумҳурии Тоҷикистон, тарафҳо дар мулоқот аз ҳамкории мустақими Тоҷикистон бо ин музофоти дар соҳаи кишоварзӣ пешрафтаи Чин, ки панҷ сол пеш оғоз ёфта буд, изҳори қаноат карданд. Манбаъ меафзояд, ки «таваҷҷуҳи зиёд ба иҷрои нишондодҳои тафоҳумнома оид ба ҳамкорӣ миёни як зумра вазорату идораҳои Тоҷикистон бо музофоти Хэнан зоҳир гардид». Зеро бар асоси ин санад ширкатҳои чинӣ уҳдадор шуданд, ки дар Тоҷикистон корхонаҳои саноатӣ, аз ҷумла барои истеҳсоли техникаи кишоварзӣ, нуриҳои минералӣ, орд, равған, хӯроки омехтаи чорво ва коркарди тухми зироатҳо бунёд созанд.
Ҷонибҳо аз иҷрои як зумра корҳои муштарак, ба монанди кишти пахта, ҷуворимакка ва дигар зироатҳо бо технологияи муосири кишоварзӣ дар Тоҷикистон изҳори хушҳолӣ намуда, зимнан, Сарвари давлат таъкид кардааст, ки бояд корхонаҳои саноатӣ ҳарчи зудтар сохта ба истифода дода шаванд.
Го Гэнмао, котиби Кумитаи ҳизбии музофоти Хенани Ҷумҳурии Мардумии Чин, баъд аз мулоқот бо Президенти мамлакат ба хабарнигорон гуфт, дар суҳбат муовофиқа шуд, ки ҷиҳати тавсеаи ҳамкориҳои гуногунҷанба ва рафъи мушкилу монеаҳое, ки ба вуҷуд меоянд, комиссияи вижае созмон дода шавад. Ӯ бо ситоиш аз муносиботи дӯстонаву анъанавии Тоҷикистону Чин, ҳамчунин изҳор дошт: «ҷониби Тоҷикистон ва музофоти Хенан барои рушди ҳамкориҳои мутақобилан судманд имкону захираҳои фаровон доранд ва умедворам, ки дар оянда мо ин ҳамкориҳоро рушд дода, ба муваффақиятҳо ноил мегардем».
Котиби Кумитаи ҳизбии музофоти Хенани Ҷумҳурии Мардумии Чин созишномаҳои ҳамкорие, ки моҳи сентябри соли 2014 зимни сафари давлатии Раиси Ҷумҳурии Мардумии Чин Си Ҷинпин ба Тоҷикистон дар сатҳи олӣ имзо шуданд, таҳкимбахши ҳамкориҳои ҳасанаи ду кишвар унвон кард.
- Мо талош мекунем, то ҳамкориҳо дар бахшҳои кишоварзӣ ва канданиҳои фоиданок боз ҳам густариш ёбанд. Айни замон, дар Тоҷикистон 11 ташкилоти фаъол дорем. Мо дар кишвари шумо корхонаи ғаллатозакунӣ бунёд кардем ва қарор аст, як неругоҳ бо иқтидори 500 – киловолт низ бисозем, - изҳор дошт Го Гэнмао.
Бино ба арзёбии ин мақоми баландпоя, то кунун ҳамкориҳои дуҷониба дар соҳаи кишоварзӣ пурмаҳсул буда, талошҳо барои расидан ба натиҷаҳои хубтар дар самти истихроҷ ва коркарди маъданҳои кӯҳӣ идома доранд. Бо таваҷҷуҳ ба мизони болотар касб кардани муносибатҳои тиҷоративу иқтисодӣ зикр шуд, ки соли гузашта гардиши молу маҳсулот миёни Тоҷикистон ва музофоти Хенани Ҷумҳурии Мардумии Чин беш аз 11 миллион долларро ташкил додааст.
Ба гуфтаи Го Гэнмао, котиби Кумитаи ҳизбии музофоти Хенани Ҷумҳурии Мардумии Чин, дар мулоқоти Сарвари давлат бо ҳайати намояндагии ин музофот, ҳамчунин оид ба ташкил ва густариши робитаҳои фарҳангӣ, таҳкими минбаъдаи дӯстию ҳамгироӣ табодули назар сурат гирифтааст.

Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 23.06.2015    №: 128    Мутолиа карданд: 632

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед