logo

энергетика

Агар барқ хомӯш шавад... ба куҷо ва ба кӣ бояд муроҷиат кард?

Бояд тазаккур дод, ки истифода аз қувваи барқ дар навбати аввал сарфакорӣ, эҳтиёткорӣ ва риояи дурусти қонуну қоидаҳоро тақозо менамояд. Мутаассифона, аҳолӣ ва кормандони баъзе идораю муассисаҳо аз рӯи маслиҳати мутахассисон амал намекунанд ва аз сабабҳои надонистан, нодуруст ва ғайриқонунӣ истифода бурдани асбобҳо, симҳо ва таҷҳизоти барқӣ ба ҳодисаҳои нохуш мувоҷеҳ мегарданд. Аз истифодаи нодурусти ноқилҳо, ки беиҷозат васл шудаанд, ҳодисаҳои нохуш, аз қабили сӯхтор сар мезанад. Мутахассисон ва коршиносон қисме аз сӯхторҳои дар бозору мағозаҳо, хонаҳои истиқоматӣ ва иншооти истеҳсолӣ ба вуқӯъ пайвастаро, ки боиси нобуд шудани амволи шаҳрвандон ва ташкилоту корхонаҳо гардидааст, дар нодуруст истифодабарии қувваи барқ муайян кардаанд. Ташхисҳо нишон доданд, ки аз амали ғайриҳирфаии шахсони алоҳида теъдоди бештари сӯхтор ва садамаҳо ба амал омадаанд.
Ин як тарафи масъала аст. Тарафи дигари он ҳолатҳое мебошанд, ки зимни хомӯш шудани барқ, аз кор баромадани асбобҳои хона ва ё садама дар трансформаторҳо шаҳрвандон ба кӣ муроҷиат намудан ва  аз куҷо мадад пурсиданашонро намедонанд?
-Дар ҳама ҳолат расонидани ёрии саривақтӣ, гузаронидани корҳои пешгирӣ аз садамаҳо вазифаи коркунони мост, -гуфт зимни сӯҳбат Саидаҳмад Додов, муовини директори Шабакаи барқии шаҳри Душанбе. -Аз моҳи апрели соли 2008 ин ҷониб бо дастгирии роҳбарияти ШСХК «Барқи тоҷик» ва раиси шаҳри Душанбе Маҳмадсаид Убайдуллоев дар  4 ноҳияи шаҳри Душанбе шабакаҳои барқии ноҳиявӣ ташкил шудаанд, ки ҳадаф аз созмон додани онҳо ҳарчи зудтар бартараф сохтани садамаҳо ва бо барқ беҳтар таъмин кардани аҳолӣ мебошад. Илова бар ин вобаста ба супориши Ҳукумати ҷумҳурӣ ва қарори мақомоти иҷроияи маҳаллии ҳокимияти давлатии шаҳри Душанбе оид ба омодагӣ ба зимистони солҳои 2009-2010 дар шабакаи барқии мо нақшаи чорабиниҳои махсуси ташкилию техникӣ тартиб дода, бо муовинони раиси шаҳр ва раисони ноҳияҳои Исмоили Сомонӣ, Фирдавсӣ, Сино ва Шоҳмансур мувофиқа карда аз тарафи раиси ШСХК «Барқи тоҷик» низ тасдиқ шудааст. Тибқи нақша бояд дар 4 зеристгоҳи баландшиддати 110/35/10 кВт трансформаторҳои пуриқтидор ва дар 50 истгоҳи иловагӣ трансформаторҳои 6/10 кВт насб шаванд. Инчунин таъмир ва ивази зиёда аз 600 симчӯби фарсуда дар назар аст.
Ба гуфти Саидаҳмад Додов ҷиҳати таъминоти таҷҳизоти барқӣ дар шабакаи шаҳрӣ ягон камбудӣ ҷой надорад. Бо дастгирии Ҳукумати ҷумҳурӣ, мақомоти иҷроияи маҳаллии ҳокимияти давлатии шаҳри Душанбе ва татбиқи лоиҳаҳои маблағгузорӣ кардаи созмонҳои бонуфузи молиявии байналмилалӣ кабел, симчӯб ва трансформаторҳо сари вақт аз таъмир бароварда, мавриди истифода қарор дода мешаванд. Чунончи, соли 2008 бо дастгирии Хазинаи Кувайт  зеристгоҳҳои «Ваҳдат», «Академикҳо» ва «Спортивная» бо таҷҳизоти ҳозиразамон таҷдид шудаанд, ки тавассути онҳо дар давраи зимистони гузашта таъминоти аҳолӣ бо барқ хеле хуб шуд.
Ба гуфтаҳои С. Додов розӣ шудан мумкин буд, агар дар рафти омода кардани мавод  доир ба хизматрасонии шабакаи барқ чанде аз шаҳрвандон шикоят намекарданд. Онҳо иброз намуданд, ки дар ҳолати хомӯш шудани барқ ё рух додани ягон ҳодисаи нохуш намедонанд ба кӣ ва ба куҷо муроҷиат намоянд. Ҳатто рақами телефонҳои Шабакаи барқи пойтахт ва ноҳияҳои он ба шаҳрвандон дуруст пешкаш нашудааст. Дар бисёр ҳолатҳо масъулон арзҳои шифоҳии аҳолиро дуруст гӯш намекунанд ва сари вақт мадад намерасонанд. Барои ҳамин ба шаҳрвандон лозим меояд, ки шахсони ғайрикасбиро ба хизмат даъват намоянд, ки аз ин хисороти ҳодисаҳои нохуш вазнинтар ва дучанд мешавад. Мусоҳибон пешниҳод доранд, ки шабакаҳои барқӣ низ ба амсоли сӯхторнишонҳо, милитсия, табибон, газ ва телефон рақами мушаххас дошта бошанд.
Ба саволи «Чаро масъулон барои даъвати таъҷилии мутахассиси барқ чунин рақами телефон ё марказе таъсис намедиҳанд?» Саидаҳмад Додов зикр кард, ки шабакаҳои шаҳрию ноҳиявӣ ба қадри кофӣ бо телефонҳо таъминанд. Дар Шабакаи барқии шаҳри Душанбе рақамҳои зерини телефонҳо 227-27-27, 227-51-51, 227-43-43 барои тамос ва хизматрасонӣ насб шудаанд. Мутахассисони навбатдор дар ҳолатҳои фаврӣ ба мардум  хизмат мерасонанд. Имсол мо дар бисёр ҳолатҳо то соати 2-и шаб ба маҳаллаи зисти шаҳрвандон рафта, трансформаторҳои аз кор баромадаро иваз намудем.
Доир ба ҷорӣ кардани рақами телефонҳои кӯтоҳу мушаххаси  аз 01 то 09 ҳаминро гуфтаниям, ки ҳамаашон банданд. Идораи мо низ дар ҳамин фикр аст. Агар имконият шавад, мо ҳатман ин гуна рақамро ба Истгоҳи телефонии худкор (АТС) дархост медиҳем.
Шикояти шаҳрвандон аз хизматрасонии таъҷилии барқчиёни шабакаи барқи ноҳияи Фирдавсӣ зиёд буд. Сабабҳои мушкилотро аз сардори шабака Саид Кишваров пурсон шудем. 
-Яке аз масъалаҳои ҳалталаби шабакаи мо нарасидани мутахассиси баландихтисос мебошад, -гуфт Саид Кишваров. - Барои бартарафсозии ин масъала роҳбарияти ШСХК «Барқи тоҷик» чораҳои зарурӣ меандешад. Гурӯҳҳои фаврие, ки таъсис додаем, фаъолияти густурда доранд. Рақамҳои телефонҳои идораи моро кормандони тамоми раёсати хонаҳо (ЖЭУ), корхонаҳои фаръӣ, раисони маҳаллаҳо медонанд ва аз садамаҳои рухдода зуд кормандони моро огоҳ месозанд. Сокинони ноҳияи Фирдавсӣ  метавонанд бо рақамҳои  телефонҳои идораи мо: 701-84-10,  701-84-11, 701-84-20 дар тамос бошанд ва аз хизмати барқчиён баҳравар гарданд.
Аз сӯҳбат бо шаҳрвандон ва масъулони шабакаҳои барқӣ бармеояд, ки андешаҳои онҳо мухолифи якдигаранд. Гарчанде масъулони соҳаи барқ доир ба беҳтару сари вақт хизматрасониашон ба аҳолӣ ҳарф зананд ҳам, шикояти мардум ҳанӯз идома дорад. Онҳо мехоҳанд, ки дар соҳаи барқ низ ба монанди телефонҳои 01, 02, 03 ва 04 рақамҳои кӯтоҳу мушаххас ҷорӣ гардад ва хизматрасонии таъҷилӣ беҳтар карда шавад.
Бояд, ки масъулон роҳи дурусти ҳалли масъаларо дарёбанд.

Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр:    №:    Мутолиа карданд: 904

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра

ДЗЮ-ДО. Натиҷаҳо аз Ҷоми Президенти Тоҷикистон

"ПАЛАНГИ ТИЛЛОӢ". Ғалабаи Ҷомӣ Ҳасанов

Сафари расмии Владимир Путин ба Ҳиндустон

Трамп ба вохӯрияш бо Путин дар Хелсинки баҳои баланд дод

Дар Туркия ҳамоиши чорҷониба оид ба Сурия баргузор мегардад

Селфи бо марг бозӣ кардан аст

Ҷаҳон дар як сатр

ЧЕМПИОНАТИ ОСИЁ. Футболбозони навраси тоҷик дар финал

04.10.2018


Анҷоми озмуни. “Маҳалла ва ташкилоти беҳтарин” дар Бохтар

КОНИБОДОМ. Деҳқонон ғолиби мусобиқа

Баргузории фестивали “Оши палов”

ТАНДУРУСТӢ. Назорат пурзӯр мешавад

Як мулоқоти муҳим

НБО - и "РОҒУН". Корҳои сохтмонӣ вусъат мегиранд

Сафари варзишгарони тоҷик ба Буэнос - Айрес

ТОҶИКОБОД. 31 медали варзишгарон дар нуҳ моҳ


Дар сомонаҳои дигари Тоҷикистон хонед