logo

иқтисод

«Мурғи ҳилол»-и Файзобод бозорҳоро тасхир кард

Аз арзи вуҷуд кардани Ҷамъияти саҳомии кушодаи «Мурғи ҳилол»-и ноҳияи Файзобод муддати тӯлоние нагузашта бошад ҳам, он бо маҳсулоти фаровони хеш ба бозорҳои кишвар роҳ ёфтааст. Ҳоло дар дӯкону марказҳои савдо муштариён қаблан гӯшту тухми истеҳсоли ҶСК «Мурғи ҳилол»-ро мепурсанд.
ҶСК «Мурғи ҳилол» дар заминаи фабрикаи парандапарварӣ, ки даҳ сол пештар аз фаъолият бозмонда буд, созмон дода шудааст.
-Корхонаи мо аз 17 ноябри соли 2006 фаъолият дорад, -гуфт Маҳмадалӣ Одинаев, директори генералии ҶСК «Мурғи ҳилол». -Дар тӯли ду сол баҳри барқарорсозӣ ва таъмиру таҷдиди он зиёда аз 13 миллион сомонӣ масраф намудем, ки беш аз 2 миллиони он қарзи бонк мебошад. Шароити кунунии корхона имкон медиҳад, ки мо қарзи бонкро ҳамин сол пардозем.
Дар марҳалаи аввал 4 мурғхона фаъол гардонда, нисбат ба ҳозира теъдоди ками паранда нигоҳубин мешуд. Ба мақсади ҷоннок гардонидани кор бо ширкатҳои машҳури Ҷумҳурии Исломии Эрон, аз ҷумла «Тӯронобзор», «Мурғак» ва «Осонкор» шартнома баста шуд. Ширкатҳои эронӣ дар таъмини чӯҷа, барқарорсозии коргоҳи истеҳсоли хӯроки омехта ба ҶСК «Мурғи ҳилол» дасти ёрӣ дароз намуданд. Мавриди зикр аст, ки алҳол коргоҳи истеҳсоли хӯроки омехта дар ҷумҳурӣ пуриқтидортарин буда, дар тӯли 10 соат то 200 тонна хӯроки хушхӯр тавлид мекунад. Ин имкон медиҳад, ки соле то 1 миллиону 200 ҳазор сар мурғ бо хӯроки фаровон таъмин бошад.
-Зимни сафари корӣ Эмомалӣ Раҳмон, Президенти Ҷумҳурии Тоҷикистон, ба ноҳияи Файзобод, ба корхонаи мо омада, бо фаъолияташ шинос шуданд, -зикр кард Маҳмадалӣ Одинаев. - Сардори давлат ба мо маслиҳат доданд, ки саршумори парандаро афзоем. Аз рӯи дастуру маслиҳатҳои Президенти кишвар амал карда, дар соли нахуст саршумори мурғро ба 182 ҳазор сар ва истеҳсоли солонаи тухмро ба 3 миллион дона расонидем. Дар давоми камтар аз ду сол дар коргоҳ пешравиҳои назаррас ба амал омадаанд. Дар зарфи 8 моҳ зиёда аз 12 миллион дона тухм истеҳсол шуд. Мекӯшем, ки то охири сол саршумори мурғро ба 350-400 ҳазор сар ва истеҳсоли солонаи тухмро ба 20-21 миллион дона расонем. Пурра аз худ кардани иқтидори истеҳсолии ҶСК «Мурғи ҳилол» имконпазир аст. Дастгирии Ҳукумати кишвар ва мақомоти иҷроияи маҳаллии ҳокимияти давлатии ноҳияро ҳис намуда, ният дорем, то соли 2010 саршумори парандаро ба 1 миллион сар расонем. Ҳоло дар ҳар шабонарӯз ба нуқтаҳои савдо 85-90 ҳазор дона тухм интиқол дода мешавад.
Маъмурияти корхона дар арафаи ҷашни Истиқлолияти давлатии Ҷумҳурии Тоҷикистон, моҳи шарифи Рамазон ва иди саиди Фитр амалҳои хайрияро анҷом дода, ба ширхоргоҳ-кӯдакистон ва мактаб-парваришгоҳҳои ноҳия ва як мактаб-парваришгоҳи пойтахт маводи хӯрокворӣ ва сару либос тақдим кард.
Дар кишвар тибқи ҳидояти Сардори давлат ва дастурҳои Ҳукумати ҷумҳурӣ 8 корхонаи парандапарварӣ ба фаъолият пардохта, садҳо ҷои нави кор муҳайё шудааст. Тибқи  иттилои масъулони бозор ва хоҳишу дархости муштариён маҳсулоти дохилӣ ҷои маҳсулоти пастсифату зиёновари хориҷиро гирифта истодааст.
Фаъолияти корхонаи «Мурғи ҳилол»-и Файзобод эътимоди соҳибкорони маҳаллиро ба соҳаи сердаромад қавӣ мегардонад.

Мирзои Фирӯз,  «Ҷумҳурият»


Баёни ақида (0)    Санаи нашр:    №:    Мутолиа карданд: 1106
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед