logo

муҳоҷират

МАҚСАД - ТАНЗИМИ МАСОИЛИ МУҲОҶИРАТ

Дар ҷаласаи навбатии Маҷлиси намояндагони Маҷлиси Олӣ Шартнома байни Ҳукумати Ҷумҳурии Тоҷикистон ва Ҳукумати Ҷумҳурии Исломии Покистон оид ба истирдод ба тасвиб расид.

Абдураҳмон Аламшозода, муовини аввали вазири корҳои дохилӣ, иброз дошт, ки санади мазкур аз тарафи Ҳукумати мамлакат мутобиқи Қонуни Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон» таҳия шудааст. Мақсади пешниҳоди  лоиҳа ба расмият даровардани шартномаи мазкур ва дар ин замина эътибори қонунӣ пайдо кардани он мебошад. Шартнома 12 ноябри соли 2015 дар шаҳри Исломобод ба имзо расида, барои ҳамкорӣ дар самти мубориза бо ҷинояткорӣ, хусусан истирдоди шахсони дар ҷустуҷӯ қарордошта, ки дар қаламрави давлатҳои тарафҳо ҷиноят содир намуда, паноҳ мебаранд, равона шудааст. Ин санад аз муқаддима ва 18 модда иборат буда, дар он асосҳо барои бастани шартнома, уҳдадориҳо барои истирдоди шахсони ҷинояткор, ҷиноятҳое, ки боиси истирдод мегарданд ва рад кардани онҳо, мувофиқат намудани тартиби супурдани шахси истирдодшаванда ва муайян кардани шаҳрвандӣ, маҳали содиршавии ҷиноят ва ба кадом давлат истирдод намудани шахс ифода ёфтааст. Ба андешаи мавсуф, ба расмият даровардани шартнома ба раванди ҳамкории мутақобила дар самти мубориза алайҳи ҷинояткорӣ дар истирдоди шахсони дар ҷустуҷӯ қарордошта мусоидат намуда, дар густариши равобити минбаъдаи мақомоти дахлдори Ҷумҳурии Тоҷикистон ва Ҷумҳурии Исломии Покистон заминаи ҳуқуқӣ мегузорад.
Дар ҷаласа, ҳамчунин Протокол оид ба ворид намудани тағйирот ба Созишнома байни Ҳукумати Ҷумҳурии Тоҷикистон ва Ҳукумати Ҷумҳурии  Қазоқистон  дар бораи фаъ-олияти меҳнатӣ ва ҳифзи ҳуқуқҳои муҳоҷирони меҳнатӣ – шаҳрвандони Ҷумҳурии Тоҷикистон, ки муваққатан дар ҳудуди Ҷумҳурии Қазоқистон кор мекунанд, дар бораи фаъолияти меҳнатӣ ва ҳифзи ҳуқуқҳои муҳоҷирони меҳнатӣ - шаҳрвандони Ҷумҳурии Қазоқистон, ки муваққатан дар ҳудуди Ҷумҳурии Тоҷикистон кор мекунанд, аз 4 майи соли 2006, тасдиқ гардид.
Маҳмадуллозода Нурулло, муовини вазири меҳнат, муҳоҷират ва шуғли аҳолӣ, зимни ба тасвиб расидани созишнома иброз дошт, ки он ба мақсади тақвияти корҳо дар танзими масоили муҳоҷирати меҳнатӣ бо Ҷумҳурии Қазоқистон таҳия шудааст.
Мувофиқи протокол бо назардошти тағйирёбии мақомоти ваколатдори тарафҳо оид ба татбиқи созишномаи зикршуда ба моддаи чоруми он тағйирот ворид гардида, аз ҷониби Тоҷикистон Вазорати меҳнат, муҳоҷират ва шуғли аҳолӣ ва аз ҷониби Қазоқистон Вазорати тандурустӣ ва рушди иҷтимоӣ ва корҳои дохилӣ муайян карда мешаванд.
Назар ба гуфтаи муовини вазир, айни замон Ҷумҳурии Қазоқистон баъд аз Федератсияи Русия дуюмин кишвари қабули муҳоҷирони меҳнатӣ аз Тоҷикистон буда, теъдоди онҳо дар солҳои 2013-2015 беш аз 20 ҳазор нафарро ташкил медиҳад. Аз ҷумла, мутобиқи маълумоти рафтуомади шаҳрвандон тавассути гузаргоҳҳои сарҳади давлатии Тоҷикистон дар соли 2015-ум 10957 нафар ба муҳоҷирати меҳнатӣ ба Қазоқистон сафар кардааст. Илова бар ин, дар ҳудуди ин давлат тоҷикони бурунмарзӣ ҳамчун сокинони муқимӣ кору зиндагӣ менамоянд.
Айни замон дар ин кишвар 8 диаспора ва ташкилоти ҷамъиятии тоҷикон расман фаъолият доранд, ки вазорат бо онҳо робитаи зич барқарор намудааст.
Шукурҷон Зуҳуров, Раиси Маҷлиси намояндагон, зикр кард, ки Қазоқистон шарики стратегии Тоҷикистон аст ва таъкид бар он дошт, ки бояд бозори кории ин кишвар омӯхта шавад ва ҳамзамон ба баланд бардоштани дараҷаи тахассуси муҳоҷирони меҳнатӣ таваҷҷуҳи бештар зоҳир гардад.

Мунаввари САФАР,
«Ҷумҳурият»


Баёни ақида (0)    Санаи нашр: 1.04.216    №: 63    Мутолиа карданд: 13133

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед