logo

номаҳо

Мо, ҷабрдидагон дар ташвиш мондаем

Дар мавсими пахтачинии соли 2006 (танҳо дар ҳамин вақт дар дасти деҳқон пул аст) собиқ раиси ноҳияи Мастчоҳ Т. Раҳматов ба кулли раисони хоҷагиҳои деҳқонии ноҳия супориш дод, ки аз аъзояшон барои пур кардани буҷети ноҳия 33 сомонӣ барои гирифтани сертификати замини наздиҳавлигӣ ҷамъ кунанд. Ва агар касе ин корро иҷро намекард, аз гирифтани мӯҳри хоҷагии деҳқонӣ ва кулли ҳуҷҷатҳои марбут ба он маҳрум мешуд. Аз мо, саҳмдорони хоҷагии деҳқонии «Ревомутк-2» низ охири ноябри соли 2006 раиси хоҷагии деҳқониамон Ҷумъа Шарифов барои сертификати заминҳои наздиҳавлигиамон 33 сомонӣ гирифт. ӯ пулҳоро ба бонк супурда ба мо квитансияҳои пардохтро дод. Раис гуфт, ки сертификатҳоямонро рафта аз заминсози ҷамоати Мастчоҳ Одина Боқиев бигирем. Мо якчанд маротиба аз О. Боқиев сертификат талаб кардем. Тамоми соли 2007 ӯ баҳона пеш овард, ки ҳуҷҷатҳо аз шаҳри Душанбе тайёр шуда меоянд ва барои ин вақт лозим аст. Баҳори соли 2008 яке аз ҷабрдидагони ин қазия оид ба кашолкории заминсоз О. Боқиев аризаи шикоятӣ навишт. Пас аз ин ба мо сертификатҳоеро пешниҳод кард, ки дар он ному насаби мо,  зикри ному насаби ҳамсояҳояамон, нақшаҳо ва мавқеи ҷойгиршавии заминҳои наздиҳавлигӣ тамоман ғалат буданд. Табиист, ки чунин ҳуҷҷатҳои ғалат тартибдодаро нагирифта ба заминсоз баргардонида додем. ӯ ҳуҷҷатҳоро бозпас гирифт ва ваъда дод, ки онҳоро аз нав тартиб дода, оварда медиҳад. Мо якчанд маротибаи дигар барои гирифтани ҳуҷҷатҳоямон муроҷиат кардем. Лек ӯ ҳар дафъа баҳонаи наве ёфта ҳуҷҷатҳоро намедод. Охири моҳи январи соли 2009 барои ҳал кардани қазияи мазкур ба раиси кумитаи замини назди мақомоти иҷроияи маҳаллии ҳокимияти давлатии ноҳия Т. Иброҳимов бо ариза муроҷиат намудем. ӯ ба мудири шӯъбаи арзу шикоятҳои шаҳрвандон О. Боқиев супориш дод, ки ба нафарони мазкур ҳуҷҷатҳояшонро барқарор карда диҳад. Бояд бигӯем, ки ин ҳамон Боқиев аст, ки ҷойи кору вазифааш иваз гардидааст. О. Боқиев яке аз ҷабрдидаи ин қазияро ба бойгонии кумитаи замин таклиф намуда садҳо сертификатҳои заминҳои наздиҳавлигии ғалат тартибдодаро нишон дода, иддао кард, ки ин кор бо айби ӯ нею бо айби кормандони «хозгруппа»-и назди кумита сар задааст. Пас аз ин мо оид ба ин масъала ба назди роҳбари шӯъбаи ба ном «хозгруппа» Ш. Солиев даромадем. ӯ иқрор шуд, ки ин кор ҳақиқатан бо айби «хозгруппа» сар задааст ва ваъда дод, ки ҳуҷҷатҳоямонро дуруст карда медиҳад. То ҳол мо соҳиби сертификат  нагаштаем. Ҳолдонҳо фаҳмониданд, ки то дубора пули сертификатҳоро бозпардохт накунем, «хозгруппа»-и вайронкор ҳуҷҷатхоро аз нав тартиб намедиҳад. Бояд бигӯем, ки ин бало натанҳо ба сари мо, балки ба сари садҳо деҳқонони хокпоши ноҳияи Мастчоҳ низ омадааст. Дар ниҳояти кор мо, ҷабрдидагон, дар ташвиш мондаем ва намедонем, ки ба доди мо кӣ мерасида бошад!

Мирзосаид, Мирзо, Қобил ШАРИФОВҲО, Малик, Ҳасан МАЛИКОВҲО,
Мираҳмад, Ёрмаҳмад, Мирмаҳмад, Мирзамон, Мирҳабиб,
Мирамон, Азиз, Мирориф НЕЪМАТОВҲО,
аъзои хоҷагии деҳқонии «Ревомутк-2»-и
ноҳияи Мастчоҳ

Сешанбе, 16 июни  соли  2009.  № 77 (21 584). Соли 85-уми нашр


Баёни ақида (0)    Санаи нашр:    №:    Мутолиа карданд: 658

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед