logo

порлумон

МУРОҶИАТ НАБОЯД БЕҶАВОБ МОНАД

Дар ҷаласаи Маҷлиси намояндагон, ки таҳти раёсати Шукурҷон Зуҳуров, Раиси Маҷлиси намояндагони Маҷлиси Олӣ, баргузор гардид, ду лоиҳаи қонун дар таҳрири нав ба тасвиб расид.

Мавлуда Қаландарзода, муовини раиси Кумитаи Маҷлиси намояндагон оид ба қонунгузорӣ ва ҳуқуқи инсон, зимни баррасии лоиҳаи Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» иброз дошт, ки он қонунгузориро дар масъалаи сиёсати идоракунии давлатӣ таҳким бахшида, барои таъмини ҳифзи ҳуқуқу озодӣ ва манфиатҳои шахсони воқеию ҳуқуқӣ мусоидат мекунад. Лоиҳаи қонуни мазкур аз муқаддима, 5 боб ва 28 модда иборат буда, ҷанбаҳои муҳими муроҷиатҳои шахсони воқеӣ ва ҳуқуқиро дар бар мегирад. Назар ба гуфтаи мавсуф, лоиҳа аз қонуни амалкунанда бо он фарқ мекунад, ки дар он доираи субъектҳои муроҷиат васеъ гардида, дар баробари шахсони воқеӣ ба шахсони ҳуқуқӣ дар сатҳи қонун имконият фароҳам оварда мешавад, ки ба мақомоту ташкилотҳои дахлдор, новобаста аз шакли ташкилию ҳуқуқиашон, муроҷиат намоянд. Мафҳумҳои асосӣ такмил ёфта, мазмуни ариза, таклиф, дархост, шикоят, муроҷиатҳои электронӣ, шифоҳӣ, тавассути ВАО, такрорӣ ва китоби арзу шикоятҳо шарҳ дода шудааст. Инчунин, дар лоиҳаи қонун нисбат ба шаклҳои муроҷиат талабот гузошта шуда, риоя нагардидани онҳо оқибатҳои ҳуқуқиро пешбинӣ менамояд.
Валӣ Ваҳобов, муовини Прокурори генералии Ҷумҳурии Тоҷикистон, зимни ташреҳи лоиҳа иброз дошт, ки дар он на танҳо муносибатҳои ҷамъиятии вобаста ба тартиб, пешниҳод ва баррасии муроҷиатҳои шаҳрвандон, балки муроҷиатҳои шахсони ҳуқуқӣ ҷиҳати ҳимояи ҳуқуқ, озодии манфиатҳои қонунии онҳо ба мақомоти ҳокимияти давлатӣ, мақомоти худидоракунии шаҳрак ва деҳот, иттиҳодияҳои ҷамъиятӣ, ташкилот, муассиса, корхонаҳо, сарфи назар аз шакли ташкилии ҳуқуқӣ, танзими худро ёфтаанд, ки ин навигарӣ ва бартарии қонуни мазкур мебошад. Таҳлилҳо нишон медиҳанд, ки шумораи муроҷиатҳои шаҳрвандон ба мақомоти болоӣ сол ба сол меафзояд, ки яке аз сабабҳои он аз тарафи баъзе роҳбарони мақомоти давлатӣ дуруст ба роҳ монда нашудани қабули шаҳрвандон ва беэътиноӣ нисбат ба арзу шикоятҳои онҳо мебошад.
Ҳангоми таҳияи лоиҳаи қонун ин нукта ба назар гирифта шуда, масъалаи қабули шахсии шаҳрвандон аз ҷониби шахсони мансабдор пурра ба танзим дароварда шудааст. Назар ба гуфтаи мавсуф, дар лоиҳаи қонун қабул, бақайдгирӣ ва баҳисобгирии муроҷиатҳои шахсони воқеӣ ва ҳуқуқӣ ба танзим дароварда шуда, масъулияти шахси мансабдор оид ба ташкили қабул, бақайдгирӣ, дар муҳлати муқарраркарда баррасӣ намудан ва ба ҳисобгирии муроҷиатҳои шахсони воқеӣ ва ҳуқуқиро муқаррар намудааст, ки ин дар қонуни амалкунанда пешбинӣ нашуда буд.
Шукурҷон Зуҳуров зимни баррасии лоиҳаи қонун иброз дошт, ки агар мо аз рӯи ҳамин лоиҳа амал намоем, боварии мардум ба давлат ва Ҳукумат бештар меафзояд. Раиси Маҷлиси намояндагон таъкид ба он дошт, ки Прокуратураи генералӣ дар масъалаи баррасии муроҷиатҳои шаҳрвандон бояд намуна бошад, ягон муроҷиат беҷавоб намонад. Мавсуф тазаккур дод, ки дар ин самт аз тарафи мақомоти корҳои динӣ, прокуратура, судҳо, раисони шаҳру ноҳияҳо, вакилони мардумӣ беэътиноӣ ба назар мерасад.
Мунаввари САФАР, «Ҷумҳурият»


Баёни ақида (0)    Санаи нашр: 10.06.2016    №: 112    Мутолиа карданд: 10701

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед