logo

ҳуқуқ

ВАҲДАТ ПАС АЗ 19 СОЛ

Имсол аз имзои Созишномаи умумии истиқрори сулҳ ва ризоияти миллӣ дар Тоҷикистон 19 сол сипарӣ мегардад ва мо ҳамасола ин рӯзро бо шукӯҳу шаҳомати хоса ва бо эҳсоси баланди ватандорӣ таҷлил менамоем. Бо имзои ин санади муҳими таърихӣ мардуми азиятдидаи мо ба муқовимати мусаллаҳона хотима бахшида, миллатро аз парокандагӣ ва ватанро аз нобудӣ наҷот бахшид.

Аммо набояд аз хотир баровард, ки то имзои Созишномаи умумии истиқрори сулҳ ва ризоияти миллӣ мардум ранҷи зиёд кашид, хонаҳо вайрону халқ дарбадар гашт. Бинобар ин, он солҳо ҳадафи аслии Сарвари хеле ҷавони давлати соҳибистиқлоламон он буд, ки шаҳрвандони  мамлакат даст ба дасти ҳам диҳанд ва на танҳо дар зоҳир, балки дар ботин чун ангуштони як мушт барои ободии Ватан талош варзанд. Он замон иддае ба доми фиреби ҳизбу ҳаракатҳои бегонаву иртиҷоӣ афтида, бародар душмани бародар, падар душмани писар, ҳамсоя душмани ҳамсоя шуда буд. Дар кӯчаҳои шаҳри Душанбе ва  баъзе нуқоти кишвар садои тир ба гӯш мерасид, гиряи кӯдакони маъюси гуруснаву ташна дилҳоро реш мекард. Қариб ҳар рӯз дар ин ё он гӯшаи ватани азизамон задухӯрди мусаллаҳона ба амал омада, одамони бегуноҳ ба ҳалокат мерасиданд. Мардум умедашро канда, ба хоки Афғонистон фирор мекард. Гузашта аз ин, гурӯҳҳои ғаддору ғуломи хоҷагони беруна ба мардум раҳм намекарданд ва амалиёти низомиро идома медоданд. Дар он рӯзҳои тақдирсози таърихи худ бо ҳидоятҳои Сарвари давлат мардуми  тоҷик дарк кард, ки идомаи ҷанги шаҳрвандӣ ва шиддат ёфтани муқовимати мусаллаҳона метавонад боиси барҳам хӯрдани давлати тоҷикон, пароканда шудани миллати тоҷик ва ҳатто марзу буми ягонаи он гардад. Эмомалӣ Раҳмон мардумро бовар кунонд, ки дода шудан ба фиреби ҳизбу ҳаракатҳои иртиҷоӣ ва гурӯҳҳои тундрав бар зарари миллат аст ва бо роҳбарони мухолифин борҳо гуфтугӯ карда, онҳоро ба ваҳдат даъват намуд ва ба мақсад расид.
Имрӯз таҷрибаи сулҳи тоҷикон, ки ташаббускораш Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад, мавриди эътирофу омӯзиши созмонҳои бонуфузи байналмилалӣ ва бисёр кишварҳо қарор гирифтааст. Дар ҳамин замина миллати тоҷик бори дигар ба ҷаҳониён собит намуд, ки дар ҳақиқат яке аз миллатҳои куҳанбунёду фарҳангии дунё, мутамаддину хирадпеша ва сулҳхоҳу ботаҳаммул мебошад. Дар марҳалаҳои ҳассоси таърихӣ метавонад, ки ба ҳам муросову мадоро кунад ва ҷангу низоъи дохилиро бартараф созад.
Аммо ҳанӯз ҳам ба ваҳдати миллии мо, ба сулҳу суботу оромии кишвар хатар вуҷуд дорад ва ягон давлат, ҳатто абарқудратҳо аз он эмин нестанд. Дар шароити кунунии ҷаҳонишавӣ, ки қудратҳои гуногун ва ҳизбу ҳаракатҳои мухталифи иртиҷоиву экстремистӣ ба шустани мағзи ҷавонон машғуланд, моро лозим аст ҳушёрии сиёсиро аз даст надиҳем. Ин хатари қудратҳои мухталифи дунёро Президенти мамлакат чанд сол пеш эҳсос карда, дар яке аз суханрониашон гуфта буданд: «Вазъи имрӯзии сайёра моро водор месозад, ки на аз зиддияти мафкураҳо, бархӯрди манфиатҳо ва ихтилофи тамаддунҳо, балки аз робитаҳои дӯстона, ҳамзистии мусолиҳатомез ва гуфтугӯи тамаддунҳо ҳарф занем.
Мо вазифадорем, ки ҳама гуна амалҳои ба зиндагии осоиштаи башарият таҳдидкунандаро маҳкум ва пешгирӣ карда, талошҳои созандаро пеша кунем».
Албатта, то имрӯз шаҳрвандони Тоҷикистон даҳшати ҷанги шаҳрвандиро фаромӯш накардаанд ва шаҳди ваҳдатро, ки пас аз азобу уқубати зиёд чашидаанд, қадр мекунанд. Мо бояд шукронаи онро кунем, ки чунин Сарвари оқилу доно ва давлати соҳибихтиёр, демократӣ, ҳуқуқбунёд, дунявӣ ва ягона дорем.

Садриддин БОБОЗОДА,
прокурори Раёсати нозироти қонунӣ будани
санадҳои судӣ оид ба парвандаҳои ҷиноятии
 Прокуратураи генералии Ҷумҳурии Тоҷикистон,
мушовири адлияи дараҷаи 1


Баёни ақида (0)    Санаи нашр: 16.06.016    №: 116    Мутолиа карданд: 589

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед