logo

ҳуқуқ

БЕМАСЪУЛИЯТИИ МАСЪУЛОН

СУХАН ДАР БОРАИ РИОЯ НАШУДАНИ ТАЛАБОТИ ҚОНУН ДАР МУАССИСАҲОИ ТАЪЛИМИИ ВИЛОЯТИ СУҒД МЕРАВАД
Прокуратураи вилояти Суғд ҳолати риоя ва иҷрои талаботи Қонуни Ҷумҳурии Тоҷикистон «Дар бораи таълиму тарбияи томактабӣ» ва дигар санадҳои меъёрии ҳуқуқиро дар фаъолияти муассисаҳои томактабии давлатӣ ва хусусии вилоят мавриди санҷиш қарор дод.

Муайян гардид, ки дар муассисаҳои томактабӣ дар баробари пешравиву дастовардҳо камбудиҳои ҷиддӣ низ ҷой доранд. Масалан, кӯдакистонҳои ғайридавлатии «Офтобаки Гулбаҳор» - и ноҳияи Ашт, рақами 2-и деҳаи Пастиғав ва Оббурдони ноҳияи Кӯҳистони Мастчоҳ бе иҷозатнома фаъолият доштаанд. Нисбат ба мудирони онҳо парвандаи ҳуқуқвайронкунии маъмурӣ оғоз карда шуд.
Дар масъалаи бо ғизои сервитамин, лазиз ва дар маҷмӯъ ба меъёр ҷавобгӯ таъмин намудани муассисаҳои томактабӣ низ ба камбудиҳои зиёд роҳ дода шудааст. Дар шаҳри Хуҷанд барои ҳар кӯдак дар як моҳ 60 сомонӣ муқаррар гардидааст, ки тибқи нархнома ба ҳар кӯдак 1.94 сомонӣ рост меояд. Ҳарчанд бо ин мақсад аз буҷети шаҳр маблағи муайян ҷудо шудааст, сифати хӯроки кӯдакон паст мебошад. Ин дар ҳолест, ки ғизои пастсифат ба камхунӣ, суст шудани иммунитет ва лоғаршавии кӯдак боис мегардад. Дар ин раванд вазъият дар кӯдакистони № 8 - и ноҳияи Спитамен, рақамҳои 7,14,13, муассисаи ғайридавлатии «Офтобаки Гулбаҳор» - и ноҳияи Ашт ташвишовар аст. Муассисаи ғайридавлатии «Баҳром Бобоев» - и шаҳри Конибодом нархномаро барои як кӯдак 190 сомонӣ дар як моҳ муайян ва тасдиқ карда бошад ҳам, онро бо Раёсати зиддиинҳисории вилоят мувофиқа накардааст.
Санҷиш нишон дод, ки ҳолати на ҳамаи муассисаҳои томактабӣ ба талаботи Қонуни Ҷумҳурии Тоҷикистон «Дар бораи таъмини амнияти санитарию эпидемиологии аҳолӣ” ҷавобгӯ мебошад. Аз ҷумла, дар муассисаҳои томактабии ноҳияи Зафаробод ҳаммом умуман вуҷуд надорад, хатҳои интиқоли об таъмирталаб буда, бо зарфҳо об мекашонанд. Мизу курсиҳо шикаставу зарфҳои хӯрокхӯрӣ куҳнаву фарсуда гаштаанд. Муассисаҳои томактабии ноҳияи Мастчоҳ бошанд, дар ҳолати садамавӣ ва ғайрисанитарӣ қарор доранд. Дар як қатор шаҳру ноҳияҳо таъмини ҳарорати номуътадили биноҳо, муайян накардани ҷойи партовгоҳҳо ва безараргардонии онҳо ошкор гардиданд.
Риояи қоидаҳои санитарию эпидемиологӣ барои кӯдакистонҳо зарур ва ҳатмӣ мебошад. Боиси нигаронист, ки аз муоинаи тиббӣ нагузаштани кормандон, бе либоси махсуси корӣ фаъолият намудани онҳо, таъмирталаб будани биноҳо дар шаҳри Панҷакент, ноҳияҳои Мастчоҳ, Бобоҷон Ғафуров, Спитамен ҷой дошта, боиси нисбат ба шахсони масъул оғоз кардани парвандаҳои ҳуқуқвайронкунии маъмурӣ гардидааст.
Дар ҷараёни санҷишҳои прокурорӣ муайян гардид, ки дар баъзе муассисаҳо маблағҳоро ғайриқонунӣ азхуд кардаанд. Масалан, ба мудири кӯдакистони № 1 - 2 - и ноҳияи Ашт ва ёрдамчии мураббия барзиёд додани музди меҳнат, дар муассисаи ғайридавлатии «Офтобаки Гулбаҳор» пардохт нагардидани андоз ба маблағи 9365 сомонӣ сабт гардид. Дар муҳосиботи Ҷамоати шаҳраки Пролетар вобаста ба истифодаи маблағҳои буҷетӣ ба қонуншиканӣ роҳ дода, ба кормандони муассисаҳои томактабии № 1, 2, 19 - и дар ҳудуди ҷамоат фаъолиятдошта музди меҳнат барзиёд пардохт шудааст. Зарари аз ин ҳисоб расида 32656 сомониро ташкил медиҳад. Ҳолатҳои нодуруст ҷамъоварии маблағҳо, пардохт накардани андозҳо дар муассисаҳои томактабии «Офтобак» - и ноҳияи Зафаробод, шаҳру ноҳияҳои Исфара, Гулистон, Истиқлол, Айнӣ, Бӯстон, Шаҳристон, Деваштич ошкор ва нисбат ба шахсони масъул чораҳои қонунӣ андешида шуданд.
Масъалаи ташвишовари дигар таъмини муассисаҳо бо кадрҳои соҳавӣ мебошад, ки боиси нигаронист. Санҷишҳои прокурорӣ собит сохтанд, ки дар ноҳияи Ашт аз 14 мудир танҳо 3 нафар соҳиби маълумоти олӣ мебошад. Вазъият дар ноҳияи Зафаробод низ чандон хуб нест. Мудири кӯдакистони № 57 ғоибхони факултаи ҳуқуқшиносӣ буда, 9 нафар маълумоти олӣ, се нафар олии нопурра, 47 нафар миёнаи махсус дошта, ноҳия ба 21 нафар мутахассиси дигар ниёз дорад. Айнан чунин вазъият дар муассисаҳои рақамҳои 3, 5, 9, 13, 14 - и шаҳри Конибодом ба қайд гирифта шуданд.
Прокуратураи вилояти Суғд баҳри бартараф намудани камбудиҳои ҷойдошта 29 амр, 6 эътироз оварда, 128 парвандаи ҳуқуқвайронкунии маъмурӣ ва 2 парвандаи ҷиноятӣ оғоз кардааст.

Зафар ҚАЮМЗОДА,
сардори шуъбаи назорати иҷрои қонунҳо оид ба ноболиғон ва ҷавонони прокуратураи
вилояти Суғд


Баёни ақида (0)    Санаи нашр: 30.06.2016    №: 129    Мутолиа карданд: 644
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед