logo

иқтисод

90 СОЛ. СУХАН ДАР БОРАИ АГЕНТИИ ОБУҲАВОШИНОСӢ МЕРАВАД

Дирӯз дар Кохи Ваҳдат бахшида ба 90 - солагии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ҷаласаи тантанавӣ баргузор гардид.
 
Дар он намояндагони кишварҳои Иттиҳоди Давлатҳои Мустақил (ИДМ) – Русия, Қазоқистон, Қирғизистон, Ӯзбекистон, Арманистон, Молдова ва Беларус,  вазорату идораҳои давлатии кишвар ва ташкилотҳои байналмилалӣ иштирок намуда, вобаста ба муҳимтарин масъалаҳои ҳалталаби соҳаи обуҳавошиносӣ андешаронӣ карданд.
Муовини раиси кумита Ойхон Шарифова ва директори агентӣ Расулзода Ҳомид ҳамоишро ҳусни оғоз бахшида, фаъолияти қариб якасраи агентиро бо назардошти дастовардҳои назаррас, ки дар тамоми ҷанбаҳои иҷтимоиву иқтисодии мамлакат нақши он пурра эҳсос мешавад, мусбат арзёбӣ намуданд. Дар ташаккули Агентии обуҳавошиносӣ татбиқи барномаҳои давлатӣ, лоиҳаҳои инвеститсионӣ бо барқарорсозии стансияҳои обуҳавосанҷӣ, дидбонгоҳҳои обченкунӣ, ҳамчунин, таъсиси экспидитсияи муҳташами илмӣ-тадқиқотӣ вобаста ба омӯзиши вазъи кунунии пиряхҳо, дастрасӣ ба техника ва таҷҳизоти муосир нақши калидӣ гузошт. Ба гуфтаи намояндаи ташкилоти ҷаҳонии обуҳавошиносӣ Ван Жан,  маҳз ҳамкории ҳамаҷонибаи агентӣ бо минтақаҳо имконият фароҳам овард, ки Шӯрои байнидавлатии ИДМ дар бартарафсозии хавфи офатҳои табиӣ саҳми бештар гирад. Александр Фралов, роҳбари Хадамоти федералии «Росгидромет», дар баробари изҳори қаноатмандӣ аз ҳамкории пурмаҳсул бо кишвари дӯсту ҳамсоя – Тоҷикистон ба рушди иқтисодиёт ва иҷтимоиёти мамлакат, махсусан соҳаи кишоварзӣ, хоҷагии об, энергетика ва нақлиёт тавассути пешрафти Агентии обуҳавошиносӣ диққати махсус дод. Ба гуфтаи ӯ, тақвияти ҳарчи зиёди мушоҳидаҳои гидрологӣ дар бахши муайян кардани сатҳ ва сарфаи об, ҳарорати об, барқарор ва зиёд гардондани шумораи дидбонгоҳҳо дар болооби кӯлу дарёҳо, баланд бардоштани сатҳи дониши аҳолӣ доир ба мутобиқшавӣ ба тағйирёбии иқлим, тайёр кардани кадрҳои баландихтисос ва ба роҳ мондани хизматрасонии босифати ҳавопаймоӣ ҷиҳати дастрасии дақиқи маълумот оид ба вазъи боду ҳаво муҳиму манфиатовар аст.
Дар охири ҷамъомад як гурӯҳ кормандони Агентии обуҳавошиносӣ бо ифтихорнома, нишони сарисинагӣ ва туҳфаҳои хотиравӣ сарфароз гардиданд. Маросим бо тамошои филми мустанади «90 соли роҳи пуршарафи агентӣ» ба анҷом расид.
Оҳистамоҳи ВАФОБЕК,
«Ҷумҳурият»


Баёни ақида (0)    Санаи нашр: 20.10.2016    №: 209    Мутолиа карданд: 2403

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед