logo

иқтисод

ЗАМИН. САМАРИ ЗИНДАГӢ АЗ ИСТИФОДАИ САМАРАНОКИ ОН АСТ

Масъалаи истифодаи оқилона ва самараноки замин дар кишвари мо, ки қисми зиёди ҳудуди онро кӯҳҳо ташкил медиҳанд, аҳамияти хоса дорад.
Дар кишвар сар аз солҳои 2000 – ум ҷиҳати рушди минтақаҳои кӯҳистон корҳои назаррас ба анҷом расонда шуданд. Аз ҷониби Ҳукумати кишвар минтақаҳои сайёҳӣ эълон гардидани мавзеъҳои Варзоб, Ромит ва ноҳияи Балҷувон аз зумраи тадбирҳои муҳим дар ин самт мебошанд.
 
Ҷиҳати таъмини рушди устувори иҷтимоию иқтисодии минтақаҳои кӯҳӣ, нигоҳ доштан, самарабахш ва оқилона истифода бурдани захираҳои табиии кишвар 22 июли соли 2013 Қонуни Ҷумҳурии Тоҷикистон “Дар бораи минтақаҳои кӯҳӣ” ба тасвиб расид. Дар доираи иҷрои қонун тайи солҳои охир дар аксари шаҳру ноҳияҳои кӯҳистон, бо назардошти рушди босуботи иқтисодиёти кишвар, барномаҳои давлатии рушди иҷтимоию иқтисодӣ қабул карда шуданд. Ҳамчунин, “Барномаи давлатии рушди боғу токпарварӣ барои солҳои 2016 – 2020” мавриди амал қарор дошта, тибқи он дар шаҳру ноҳияҳо 20 ҳазор гектар боғу токҳои нав бунёд хоҳад ёфт, ки 6,9 ҳазор гектари он дар заминҳои лалмӣ ва талу теппаҳост. Ин кор воситаи асосии пешгирӣ аз офатҳои табиӣ, хусусан ярчу сел, низ мебошад. Ба ғайр аз ин, ҷиҳати беҳтар намудани сатҳи некуаҳволии мардуми кӯҳистон татбиқи барномаҳои давлатии занбӯриасалпарварӣ, чорводорӣ ва туризм ҷараён дорад.
Дар баробари омилҳои дигар афзоиши аҳолӣ низ масъалаи рушди минтақаҳои кӯҳиро мураккаб сохтааст. Тибқи маълумоти оморӣ, то 1 январи соли 2016 аҳолии кишвар беш 8,5 миллион нафарро ташкил дода, нисбат ба 1 январи соли 2000 – ум қариб 3 миллиону 400 ҳазор нафар афзудааст. Аз он наздики 6 миллиону 300 ҳазор нафар дар деҳот зиндагӣ мекунанд. Зиёдшавии аҳолӣ дар шароити камзаминии деҳоти мамлакат зарурати истифодаи оқилонаю дурандешонаи заминро бештар месозад. Бинобар ин, самаранок ва дуруст ба кор бурдани ҳар як порчаи замин тақозои замон аст ва аз мақомоти дахлдор чораҳои таъхирнопазирро дар самти мазкур тақозо менамояд.
Ҳудуди ҷумҳурӣ дорои сохтори мураккаби геологӣ - кӯҳист. Аз ин лиҳоз, ҷиҳати рушди устувори минтақаҳои кӯҳӣ ҳангоми интихоби қитъаи замин барои бунёди иншоот ҳаматарафа омӯхтани геологияи хок ва риояи ҳатмии меъёрҳои сохтмонӣ амри зарурист.
Илова бар ин, гармшавии глобалии сайёра, хусусан обшавии аз ҳад зиёди пиряхҳо, ҳамасола барои мавзеъҳои кӯҳӣ оқибатҳои ногувор пеш меорад. Давоми шаш моҳи соли равон дар натиҷаи офатҳои фавқулодаи табиӣ ба хоҷагии халқи кишвар бештар аз 122 миллион сомонӣ хисорот ворид гардидааст.
Бо назардошти омилҳои зикргардида ҷиҳати муайян кардани геологияи хоки қитъаҳои замин, оқилонаю самаранок интихоб намудани макони сохтмони иншоот дар минтақаҳои кӯҳӣ таъсиси комиссияи доимоамалкунандаи ҳукуматӣ иборат аз мутахассисони вазорату идораҳои дахлдор ва мақомоти иҷроияи маҳаллии ҳокимияти давлатии шаҳру ноҳияҳо аҳамияти хоса дорад. Инчунин, ба мақсад мувофиқ аст, ки харитаи минтақаҳои хавфнок таҳия гардида, аз рӯйи он ҷудо намудани қитъаҳои замин дар ин мавзеъҳо қатъиян манъ карда шавад. Ҷоннок кардани корҳои соҳилмустаҳкамкунӣ ва тоза сохтани сою наҳрҳо то мавсими серобӣ низ хеле муҳим мебошад.
Сафармуҳаммад ЮСУФОВ,
узви Иттифоқи меъморони Тоҷикистон


Баёни ақида (0)    Санаи нашр: 21.10.2016    №: 210    Мутолиа карданд: 2528

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед