logo

сиёсат

ЭМОМАЛӢ РАҲМОН: «ИН КӮЗА АЗ ХОК НЕСТ, ИН ТИЛЛОСТ»

Суҳбати  мо   дар як  хаймаи  чӯпонии наздик ба  гузаргоҳи  миёнмарзии  байни  Ҷумҳурии  Тоҷикистон  ва  Ҷумҳурии  Мардумии  Чин,  дар ағбаи  Кулма  сари  як  пиёла  чой    сурат  гирифт.  Мо  дар  ҳайати  гурӯҳи кории  мақомоти  иҷроияи  ҳокимияти  давлатии   Вилояти  Мухтори  Кӯҳистони  Бадахшон дар  ин мавзеъ  меҳмонони  чиниро  истиқбол  мегирифтем. 
 
Сардори  шуъбаи  Агентии хизмати давлатии  назди Президенти Ҷумҳурии Тоҷикистон дар ВМКБ Зуҳробек Бурибеков ба мо дар бораи “Корвони  сулҳу  ваҳдат - Шоҳроҳи Ваҳдат”, ки соли  1999  бо  ибтикори  Сарвари муаззами кишвар Эмомалӣ Раҳмон  рӯи  кор  омада  буд   ва ӯ  яке  аз  иштирокдорони  ин  чорабинӣ будааст, қисса кард. Ба  гуфтаи  ӯ, бо дастури   Президенти   кишвар аввалҳои моҳи июни соли 1999 Фонди миллии «Шоҳроҳи абрешим - Шоҳроҳи Ваҳдат» бо ташаббуси наҷиб - гузарондани  Корвони Сулҳ баромад кард ва  раисони шаҳру ноҳияҳо, вилоятҳо вазифадор карда шуданд, ки барои дар сатҳи баланд доир намудани ин тадбири муҳими сиёсӣ мусоидат намоянд. 5 июли соли 1999 аз рӯйи реҷаи корӣ корвон  мебоист аз ағбаи Кулма, ки он солҳо бунёди шоҳроҳи Кӯлоб - Дарвоз - Мурғоб- Кулма бо баромад ба шоҳроҳи Қароқурум бо суръати баланд идома дошт, роҳ паймуда, беш аз 1500 километр, яъне аз тамоми ҳудуди мамлакат гузашта, ба шаҳри Исфара, ки дар наздикии пайвастшавии роҳҳои мошингарди ҷумҳуриҳои Осиёи Миёна ҷойгир аст, мерасид. Ба ҳайати корвон намояндагони тамоми минтақаҳои ҷумҳурӣ шомил буданд. Ин сафар, пеш аз ҳама, ба мустаҳкамшавии Ваҳдати миллӣ, дӯстию бародарӣ ва ягонагии Ватани азизамон – Тоҷикистон нигаронда шуда буд.
- Мо,- гуфт  Зуҳробек Бурибеков,- як мушт хокро дар кӯзаи шикастае андохта, аз ҳамин  ҷо, аз  ағбаи Кулма, ки дар баландии 4362 метр аз сатҳи баҳр ҷойгир аст, ба роҳ баромадем. Худи ҳамон рӯз ба ноҳияи Мурғоб расидем. Маркази ноҳия  намуди  идона дошт. Он бо навиштаҷоти ватандӯстона бо се забон - тоҷикӣ, қирғизӣ ва русӣ оро ёфта буд. Аз ҳама шодиовар он буд, ки мардуми қирғизу тоҷик ва марзбонони  рус ҳайати корвонро бо чеҳраҳои болида пешвоз гирифтанд. Баъди мулоқотҳои самимӣ бо сокинони ин ноҳияи баландкӯҳ ба тарафи шаҳри Хоруғ раҳсипор шудем. Дар майдони “Ваҳдат” бо сокинону меҳмонони шаҳр дидору гуфтугӯи судманд анҷом додем. Дар ноҳияҳои Рӯшону Ванҷ ва Дарвоз  ҳайатро бо  созу  суруд қабулу  гусел  карданд. Ҳайати корвон шаҳрҳои Кӯлобу Ваҳдат, Душанбе, Истаравшан, Хуҷандро паси сар намуда, ба шаҳри Исфара расид. Дар шаҳр  устоҳои гулдаст  он кӯзаи шикастаро  пайваст карданд.  Он  ба як кӯзаи зебое бо нақшу нигори  хоси  мардуми  тоҷик  табдил ёфт. Кӯза аз ҷониби  корвониён  ба таври рамзӣ «Кӯзаи Ваҳдат» ном  гирифт.
Кӯзаро дар рӯзи Анҷумани чоруми тоҷикон ва форсизабонони ҷаҳон дар ҳузури вакилон ва меҳмонон мушовири  вақти Президенти Ҷумҳурии Тоҷикистон Ваҳҳоб Набиев ва сорбони корвон Абдуғанӣ Мамадазимов ба Президенти Ҷумҳурии Тоҷикистон муҳтарам Эмомалӣ Раҳмон супурданд. Ашки  шодӣ  беихтиёр  дар  чашмони  Сарвари  давлат  ҳалқа  зад. Ин ҳолатро дида, ман  бори  дигар  дар  назди  самимияти  Пешвои  миллат, муҳаббати  беандозаи  ӯ  нисбат ба  халқи  тоҷик  ва  Ватани азизамон - Тоҷикистон  сари  таъзим  фуруд  овардам. Беихтиёр  аз  дилам  гузашт: “Шукр, ҳазорон  бор  шукр  Худоро, ки  ба  мо  чунин   Сарвари  маҳбубу  дилсӯз, ватанпарварро  ато  намудааст”. 
Суханони Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон ҳангоми ба даст гирифтани «Кӯзаи Ваҳдат» ҳеҷ аз ёдам намераванд, ки гуфта буданд: «Ин кӯза аз хок нест, ин  тиллост! Зеро ки тамоми хоки Тоҷикистон зар аст!». 
Имрӯз «Кӯзаи Ваҳдат» чун нигораи нодир дар Осорхонаи миллии Тоҷикистон нигоҳ дошта мешавад.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 15.11.2016    №: 225    Мутолиа карданд: 1204

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед