logo

порлумон

БУҶЕТИ ДАВЛАТӢ БАРОИ СОЛИ 2017 ҚАБУЛ ГАРДИД

«Имрӯз - 16 ноябр Рӯзи Президенти Ҷумҳурии Тоҷикистон бори нахуст таҷлил мегардад. Маҳз дар ҳамин рӯзи соли 1992 интихоби роҳбари нави давлати  соҳибистиқлоли Тоҷикистон, Президенти кунунии кишвар муҳтарам Эмомалӣ Раҳмон сурат гирифта буд, ки дар давоми 25 соли Истиқлолияти давлатӣ мо ба дурустии он интихоби таърихӣ борҳо итминон ҳосил кардем. Маҳз дар ҳамин рӯз Сарвари муаззами давлатамон Эмомалӣ Раҳмон ба хотири истиқрори сулҳи сартосарӣ, эҷоди Ваҳдати миллӣ ва таъмини ояндаи дурахшони Тоҷикистони азизамон масъулияти бузурги таърихиро ба дӯш  гирифт. 
 
Пайдо шудани Рӯзи Президенти Ҷумҳурии Тоҷикистон дар тақвими кишвари мо тасодуфӣ нест. Ин ҷашн зодаи дигаргуниҳои мусбати давронсоз дар таърихи давлату давлатдории тоҷик мебошад, ки бидуни шакку шубҳа ба номи Эмомалӣ Раҳмон, Асосгузори сулҳу ваҳдати миллӣ – Пешвои миллат, Президенти муҳтарами Ҷумҳурии Тоҷикистон пайвандии ногусастанӣ дорад. Ин ҷашн шаҳодати равшани сипосу эҳтироми мардум ба хидматҳои фидокоронаи Президенти худ аст, ки мутма-инем ба ӯ дар талошҳои минбаъда барои хушбахтии миллат ва шукуфоии давлат неруи тоза мебахшад». Ин суханҳои самимӣ дар ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон даъвати панҷум, аз ҷониби Шукурҷон Зуҳуров, Раиси Маҷлиси намояндагон садо дод, ки бо чапакзании пурмавҷи давомдори вакилон истиқбол гардид.
Сипас, лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2017» ва дурнамои нишондиҳандаҳои Буҷети давлатӣ барои солҳои 2018 - 2019  мавриди баррасӣ қарор гирифт. Қурбониён Абду-салом, вазири молияи кишвар, иброз дошт, ки он дар асоси муқаррароти Қонуни Ҷумҳурии Тоҷикистон «Дар бораи молияи давлатии Ҷумҳурии Тоҷикистон», ко-дексҳои андоз ва гумрук, Фармоиши Ҳукумати мамлакат, аз 19 январи соли 2016 ва Қарори Ҳукумати Ҷумҳурии Тоҷикистон «Дар бораи дурнамои нишондиҳандаҳои асосии макроиқтисодии Ҷумҳурии Тоҷикистон барои солҳои 2018 - 2019» таҳия гар-дида, пеш аз ҳам афзалиятҳое, ки дар Паёми Асосгузори сулҳу ваҳдати миллӣ – Пе-швои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, аз 20 январи соли 2016 бармеоянд, ба инобат гирифта шудааст. Назар ба гуфтаи вазири молия, дар таҳияи Буҷети давлатии Ҷумҳурии Тоҷикистон барои соли 2017 маҷмӯи маҳсулоти дохилӣ аз рӯи афзоиши воқеӣ ба андозаи 7,0 фоиз ба маблағи 58,9 миллиард сомонӣ, индекси дефлятори ММД  2,3 фоиз, меъёри тавар-рум  7,0 фоиз ва қурби миёнаи солонаи пули миллӣ нисбат ба 1 доллари амрикоӣ 9,16 сомонӣ муайян карда шудааст. Ҳаҷми умумии даромади Буҷети давлатии Ҷумҳурии Тоҷикистон дар соли 2017 ба маблағи 19568,6 миллион сомонӣ ё 33,2 фо-изи Маҷмӯи маҳсулоти дохилӣ пешбинӣ гардидааст, ки нисбат ба буҷети соли 2016 ба андозаи 9,6 фоиз ё 1712,8 миллион сомонӣ зиёд мебошад. Ҳаҷми умумии ха-роҷоти Буҷети давлатӣ барои соли 2017 аз ҳисоби ҳамаи манбаъҳои маблағгузорӣ 19863,2 миллион сомонӣ ба нақша гирифта шудааст, ки нисбат ба Маҷмӯи маҳсулоти дохилӣ 33,7 фоизро ташкил медиҳад ва нисбат ба буҷети соли 2016 - ум 1718,7 мил-лион сомонӣ зиёд мебошад. 
Мавсуф зикр кард, ки дар лоиҳаи Буҷети давлатӣ ба маблағ-гузории соҳаҳои иҷтимоӣ афзалият дода шуда, ҳаҷми умумии хароҷоти он ба 9093,3 миллион сомонӣ баробар буда, афзоиш нисбат ба буҷети соли 2016 - ум 961,7 миллион сомонӣ (11,8 фоиз), яъне 45,8 фоизи ҳаҷми умумии хароҷоти Буҷети давлатиро ташкил медиҳад. 
Дар соли 2017 касри буҷети ҷорӣ нисбат ба Маҷмӯи маҳсулоти дохилӣ ба ан-дозаи 0,5 фоиз ё 294,5 миллион сомонӣ пешбинӣ шудааст. Манбаъҳои пӯшондани он аз ҳисоби хусусигардонӣ ва истифодаи моликияти давлатӣ, даромад аз фурӯши векселҳои хазинадорӣ, иҷрои барзиёди нақшаи даромади буҷетҳои маҳаллӣ ва аз ҳисоби фоизи депозитҳои буҷети ҷумҳуриявӣ, қарзҳо (грантҳо) аз ташкилотҳои бай-налмилалии молиявӣ дар назар аст.
Мунаввари САФАР, «Ҷумҳурият»


Баёни ақида (0)    Санаи нашр: 17.11.2016    №: 227-228    Мутолиа карданд: 6825
26.07.2017


ДУШАНБЕ. Афзалият ба саноат

Буриши ғайриқонунии дарахтон кам гардид

Мақсад - боло бурдани сатҳи зиндагӣ

Маҳсули гармхонаҳо афзуд

25.07.2017


Тасдиқи нақшаи чорабиниҳои Ҷашни 26-солагии Истиқлолияти давлатӣ

Мулоқоти Низомиддин Зоҳидӣ ва Квон Ён У

Густариши ҳамкориҳои гуногунҷанба матраҳ гашт

Роҳи Кӯлоб – Қалъаи Хумб – Мурғоб – Қароқум боз шуд

ВАЗОРАТИ КОРҲОИ ДОХИЛӢ. Наздики 900 ҷиноят ошкор шуд

Қарзи истифодабарандагони об ба 95,5 миллион сомонӣ расид

ИСТАРАВШАН. Саноат рӯ ба беҳбудӣ

РОҒУН. Афзалият ба маориф

Қарзи бонкҳо 34 дарсад коҳиш ёфт

24.07.2017


Ҷоришавии низоми пардохти электронӣ

Иштироки Неъматулло Ҳикматуллозода дар чорабинии махсуси СММ

Баррасии сатҳи хизматрасонӣ

Таъсиси Шабакаи ягонаи иттилоотии ҷумҳуриявии БДА

Парвандаҳои иқтисодӣ нисбат ба соли гузашта зиёд шудаанд

Ш. Орумбекзода: "Дар соҳаи фарҳанг ҳанӯз мушкилот зиёданд"

Нақшаи андоз 102,1 дарсад таъмин гардид

ДМИТ. Теъдоди аълохонон меафзояд

ДОНИШКАДАИ ИСЛОМӢ. Бурдҳо ва бохтҳо

10 медали тиллои дастпарварони ДТҶТ

22.07.2017


Густариши ҳамкориҳо бо Олмон

Содироти маҳсулот ба маблағи беш аз 230 миллион доллар

Таҷдиди НБО Қайроққум моҳи сентябр оғоз мегардад

ЛАХШ. Беш аз 750 ҳазор сомонӣ барои зарардидагон

20.07.2017


Ширкати Неъматулло Ҳикматуллозода дар Форуми сиёсии сатҳи баланд

Мулоқоти Шерхон Салимзода ва Александр Конюк

Намоишгоҳи «Тоҷикистон – 2017» баргузор мешавад

«Лола» ва «Садо» ба Чин мераванд

Картошка арзон мешавад?

ҚАДРИ МЕҲНАТ. Маоши миёна беш аз 1200 сомонӣ

ВАҲДАТ. Саноат рӯ ба беҳбудӣ

ДДЗТ. Аз озмунҳои байналмилалӣ то ҳамкориҳои хориҷӣ


Дар сомонаҳои дигари Тоҷикистон хонед