logo

порлумон

ЗАНБӮРПАРВАРӢ. ТАВАҶҶУҲ БА ЗОТИ КАРПАТӢ БЕШТАР МЕШАВАД

Дар ҷаласаи муҳокимаи парлумонӣ, ки бо иштироки масъулони як қатор вазорату идораҳои дахлдори мамлакат баргузор гашт, рафти иҷрои Буҷети давлатии Ҷумҳурии Тоҷикистон ҷиҳати татбиқи «Барномаи рушди соҳаи занбӯрпарварӣ дар Ҷумҳурии Тоҷикистон барои солҳои 2011 - 2016» мавриди баррасӣ қарор гирифт.
Бадриддин Садриддинов, вакили Маҷлиси намояндагони Маҷлиси Олӣ, иброз дошт, ки дар натиҷаи татбиқи «Барномаи рушди соҳаи занбӯрпарварӣ барои солҳои 2011 - 2016» ва дастгирии молиявӣ аз Буҷети давлатӣ, теъдоди оилаҳои занбӯри асал дар кишвар ба 179 000 ва истеҳсоли асал ба 3 000 тонна расонда шуд.
Директори Корхонаи воҳиди давлатии занбӯрпарварии «Асали Тоҷикистон» Музаффархон Ҳалимов перомуни дастовардҳо ва мушкилоти соҳа ибрози назар намуда, зимнан тазаккур дод, ки занбӯрпарварӣ дар аксари кишварҳои ҷаҳон, аз ҷумла Тоҷикистон ба се самти асосӣ - гирифтани маҳсулот, зиёд намудани оилаҳои занбӯри асал ва гардолудсозии зироатҳои кишоварзӣ  равона шудааст. Мутаассифона, дар аксари мавридҳо роҳбарони хоҷагиҳои деҳқонӣ ва шахсони инфиродӣ, ки соҳиби сертификати ҳуқуқи истифодаи замин мебошанд, моҳияти самти сеюм - гардолудшавии зироатҳоро дуруст дарк накарда, дар ҳудуди заминҳои ба онҳо вобастабуда ҷойгиронии оилаҳои занбӯри асалро бидуни шартномаи пешакӣ иҷозат намедиҳанд. Ин дар ҳолест, ки истифодаи оилаҳои занбӯри асал дар гардолудкунии набототи энтомофилӣ на танҳо ба афзоиши ҳосилнокии онҳо, балки ба хушсифатшавии меваю тухмҳо низ мусоидат мекунад. Ҳамзамон, дар вақти гардолудшавии рустаниҳо ҳосилнокии пахта ва офтобпараст аз 30 то 50 дарсад ва зироатҳои дар гармхона парваришёбанда (помидор, бодиринг) то 100 дарсад баланд мегардад. Зикр  гардид, ки айни замон дар ҷумҳурӣ зотҳои занбӯри асали маҳаллӣ, қафқозӣ, итолиёвӣ, руси  миёнагӣ ва карпатӣ парвариш карда мешаванд. Ҳар кадоми онҳо бо хусусиятҳои хоси худ аз якдигар фарқ мекунанд, аммо занбӯри зоти карпатӣ нисбат ба дигар зотҳо бо дароз будани хартум, тобоварӣ ба касалиҳои вароатоз ва нозематоз, зиёд будани миқдори тухмгузорӣ,  инчунин сермаҳсулиаш афзалият дорад.  Аз ин рӯ, дар нақшаи амалигардонии барнома харидани ин зот пешбинӣ шудааст. 
Ба Вазорати  кишоварзӣ тавсия дода шуд, ки барномаи нави рушди соҳаро барои баррасӣ ба Ҳукумати Ҷумҳурии Тоҷикистон пешниҳод кунад.  Вазоратҳои молия, рушди иқтисод ва савдо, кишоварзӣ ва Кумитаи Маҷлиси намояндагон оид ба масъалаҳои аграрӣ, захираҳои об ва замин вазифадор шуданд, ки бо баррасии масъалаи ҷудо намудани субсидияи давлатӣ ва қарзҳои дарозмуҳлати имтиёзноки бонкӣ, бо мақсади пешбурди фаъолияти занбӯрпарварӣ, омӯзиши имкониятҳо барои озод намудан аз боҷи гумрукӣ, андоз аз арзиши иловашуда оид ба воридоти модарзанбӯри зотӣ, таҷҳизоти соҳаи занбӯрпарварӣ ва доруворӣ, ворид намудани баъзе тағйиру иловаҳо ба Қонуни Ҷумҳурии Тоҷикистон «Дар бораи занбӯриасалпарварӣ» пешниҳодҳо ироа намоянд. 
Мунаввари САФАР,«Ҷумҳурият»


Баёни ақида (0)    Санаи нашр: 23.12.2016    №: 253    Мутолиа карданд: 7219

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед