logo

иқтисод

“СОХТМОНИ САБЗ” ДАР ПЕШРАФТИ ҶОМЕА ЧӢ НАҚШ ДОРАД?

Вақтҳои охир масъалаи каммасраф будани техникаю технология мавриди таваҷҷуҳи ҷаҳониён қарор гирифтааст. Махсусан, мафҳуми “сохтмони сабз” хеле маъмул аст. Тадқиқоти бинокорони ҷаҳон нишон дод, ки ҳамаи биноҳои мавҷуда бештар аз 40 дарсад энергияи ибтидоӣ, 40 дарсад маводи ашёи хом, 67 дарсад неруи барқ ва 14 дарсад оби нӯшиданӣ истифода мекардаанд. Аз ин рӯ, бинокорон ба кор андохтани технологияи каммасрафи бунёди биноҳоро муҳим дониста, амалисозии “сохтмони сабз” – ро роҳандозӣ карданд. Мақсад аз “сохтмони сабз”, яъне бунёди “бинои сабз” самаранокии захираи энергия ва истифодаи оқилонаи масолеҳи сохтмонии гарминигоҳдорӣ, тозагии муҳити зист,  коҳиш додани таъсири манфии экология ба саломатии инсон ва таъмини сатҳи баланди зиндагӣ дар чунин биноҳо бо назардошти истифодаи технологияи пешқадам ва асбобу таҷҳизоти каммасраф мебошад. Масалан,  асбобҳои камхарҷи барқӣ, аз қабили лампаҳои каммасраф, дигар манбаъҳои алтернативӣ – батареяҳо ва панелҳои офтобӣ, шишаи фотоэлектрикӣ, ҳамчунин таҷҳизоти нигоҳдорандаи гармӣ, ба монанди дару тирезаҳои махсуси чӯбӣ, истифодаи маводи сохтмонии “пенополиэстерол”, ки аз ҷиҳати сарфаи вақт, маблағ ва нигоҳдории гармӣ мусоид аст, самаранок истифода мешаванд. “Бинои сабз”, ҳамчунин дар самти оқилона истифода бурдани захираҳои табиӣ тавассути ҷамъоварии оби борон ҳам манфиатовар мебошад. Зарур аст, ки ҳар як хона таҷҳизоти махсуси ҷамъоварии оби борон дошта бошад. Чунин система барои хонаҳои заминӣ ҳам пешбинӣ шудааст. Он аксаран дар болои боми биноҳо насб гардида, барои обёрии заминҳо, шустани автомошинаҳо ва истифода дар ҳаммом муфид аст, ки хароҷоти кам дорад. Ҳамин тавр, бунёди “бинои сабз” дар саросари ҷаҳон яке аз роҳҳои манфиатовар ба иқтисодиёт ва ҳифзкунандаи солимии ҷомеа аз таъсири манфии экология ва ба ин васила мутобиқ шудан ба тағйири иқлим маҳсуб меёбад. 
Дар марҳилаи нави рушди соҳаҳои иқтисодию иҷтимоии кишвар барои расидан ба мақсадҳо ворид намудани чунин технологияҳо нақши пешбаранда мегузорад. Ин масъала дар Паёми навбатии Сарвари давлат муҳтарам Эмомалӣ Раҳмон махсус таъкид шудааст: “Ҳангоми лоиҳакашиву сохтмони биноҳо ва бунёди корхонаҳои истеҳсолӣ, ба кор андохтани иқтидорҳои нав, воридоти технологияҳо ва асбобу таҷҳизоти маишӣ масъалаи каммасраф будани онҳо ба инобат гирифта шавад”.
Тавре аз Раёсати технологияҳои нави Вазорати саноат ва технологияҳои нави ҷумҳурӣ Парвиз Ҷабборов, иттилоъ доданд, ба кишвар воридоти технологияи ҳозиразамон бо назардошти бунёди корхонаҳои саноатӣ бомаром ҷараён дорад. Масалан, дар соҳаи саноати маъдани кӯҳӣ, сохтмони корхонаҳои металлургӣ ва сементбарорӣ дар шаҳрҳои Ваҳдат, Истиқлол ва ноҳияи Бобоҷон Ғафуров хатҳои технологӣ бо таҷҳизоти замонавие ҷиҳозонда шудаанд, ки ба стандартҳои ҷаҳонӣ аз рӯйи бехатарӣ ба муҳити зист ва экология, сарфаи неруи барқ ва хароҷоти ба иқтисодиёт зараровар мутобиқ мебошанд. Дар соли сипаришуда ба ҷумҳурӣ 85 техника ва технология ба маблағи 720,6 миллион сомонӣ ворид шудааст. Дар ин раванд саҳми соҳибкорони ватаниву хориҷӣ зиёд буда, таваҷҷуҳи онҳо барои маблағгузорӣ ба рушди истеҳсолот тавассути воридоти технологияи нав рӯз то рӯз меафзояд.
О. ВАФОБЕКЗОДА, “Ҷумҳурият”


Баёни ақида (0)    Санаи нашр: 05.01.2017    №: 3    Мутолиа карданд: 2087

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед