logo

порлумон

ҚОНУНИ МИЛЛӢ. ҲАНӮЗ ҲАМ БАЪЗЕ МУҚАРРАРОТИ ОН РИОЯ НАМЕГАРДАД

Имсол аз қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»  10 сол сипарӣ мешавад. Дар ин муддат қонуни  мазкур барои беҳтар кардани вазъи иҷтимоии мардум, паст кардани сатҳи камбизоатӣ, таъмини шароити арзандаи зиндагӣ ва раҳоӣ аз хурофоту одатҳои ба мардуми шарифи Тоҷикистон нолозим хидмати арзанда кард. Ҳоло меъёрҳои қонун ба умқи зиндагии мардум роҳ ёфта, ба урфу одат мубаддал мегарданд.
Азизулло Мирзозода, муовини раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон, зикр кард, ки Пешвои миллат муҳтарам Эмомалӣ Раҳмон  дар Паёми навбатӣ  ба Вазорати маориф ва илм супориш доданд, ки омӯзиши ҳатмии Конститутсия ва қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» - ро дар барномаҳои муассисаҳои таълимӣ ба роҳ монад. Дар ҳақиқат, ин пешниҳоди Сарвари давлат барои баланд бардоштани маърифат ва савияи дониши наврасону ҷавонон мусоидат мекунад. Дар сурати ба роҳ мондани  таълими  қонунҳои мазкур дар муассисаҳои таълимӣ, хонандагон аз муҳтавои онҳо дар хурдсолӣ шинос мешаванд ва он дар зеҳнашон маҳкам ҷой мегирад.
Дар мавриди  эроди Президенти кишвар  оид  ба  баланд будани сатҳи коррупсия дар фаъолияти мақомоти давлатӣ, аз ҷумла, Кумитаи оид ба корҳои дин, танзими анъана ва ҷашну маросимҳои миллӣ, Азизулло Мирзозода бо таассуф иброз дошт, ки чунин ҳолатҳо дар фаъолияти баъзе аз масъулони соҳа дар шаҳру навоҳии кишвар ба мушоҳида мерасад. Комиссияҳои доимии мақомоти иҷроияи маҳаллии ҳокимияти давлатӣ ва бахшҳои оид ба корҳои дин, танзими анъана ва ҷашну маросимҳои миллии вилоятҳо ва шаҳру ноҳияҳо бо мақсади таблиғу ташвиқ, фаҳмондани моҳияти қонун ва риояи талаботи он, бахусус мубориза бар зидди коррупсия дар соли гузашта беш аз 12 ҳазор  суҳбату вохӯриҳо анҷом доданд. Тавре маълум гашт, дар баъзе ҳолатҳо, масалан дар вақти гирифтани тавсиянома барои сабти маърака, ки  ройгон аст, соҳибони маърака ё бо талаби шахси мутасаддӣ ё аз пеши худ маблағи муайяне медиҳанд. Ин амал хилофи қонуни танзим аст. Мутобиқи маълумоти Раёсати омори судии Суди Олии Ҷумҳурии Тоҷикистон дар соли сипаригашта вобаста ба вайрон намудани Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» 912 парванда ба судҳои шаҳру ноҳияҳо ворид шуда, 767 парванда мавриди баррасӣ қарор гирифтааст. Маблағ аз ҳисоби ҷаримаҳои парвандаҳои баррасишуда 2 миллиону 427 ҳазору 590 сомониро ташкил медиҳад.  Кормандони кумита дар шаҳру ноҳияҳои ҷумҳурӣ 116 рейд гузаронда, 80 ҳолати қонуншиканиро ошкор ва парвандаҳои ҳуқуқвайронкунии маъмурӣ тартиб доданд. Ҳамчунин, бо роҳи фаҳмондадиҳӣ эҳтимолияти содир намудани қонуншиканӣ дар беш аз 150 ҳолат пешгирӣ карда шуд.       
Ба гуфтаи Азизулло Мирзозода, бо мақсади муташаккилона ва дар сатҳи баланд ташкил намудани маъракаи адои ҳаҷ низ аз тарафи кумита тадбирҳои муассир андешида мешаванд. Дар моддаи 12 - и қонуни танзим омадааст, ки маъракаҳои гусел ва пешвози ҳоҷиён дар доираи оила гузаронда мешавад. Ташкили маъракаҳои ҳоҷиталабон ва ҳоҷиошӣ қатиян манъ аст. Кумита ҷиҳати назорати риояи қонуни мазкур дар мавсими «Ҳаҷ - 2016» панҷ гурӯҳи корӣ таъсис дод. Аъзои ин гурӯҳҳо аз манзили зисти зиёда аз 600 ҳоҷӣ дидан намуда, 80 ҳолати қонуншиканиро пешгирӣ ва нисбат ба 43 нафар, ки талаботи қонунро риоя накардаанд, протоколҳои ҳуқуқвайронкунии маъмурӣ тартиб дода, ба судҳо барои чораандешӣ ирсол намуданд.
-  Боиси таассуф аст,  ки ба хотири эҳтироми баъзе ҳоҷиҳо, пас аз адои маносики ҳаҷ, наздикону пайвандонашон дар масофаи аз сад то дусад метр қолин партофта, пешвоз мегиранд.  Хуб мешуд, ки ба ҷойи ин худнамоӣ ва карруфари дурӯза, ҳамон кӯчаҳои назди хонаҳояшонро сангфаршу мумфарш намуда, роҳаташро ҳамарӯза ва савобашро мутадовим ба даст биёранд. Мо - масъулонро зарур аст, ки фаъолияти комиссияҳои доимӣ ва ҷамъиятии танзими анъана ва ҷашну маросимҳоро тақвият бахшида, якҷо бо аҳли ҷомеа риояи пурраи қонунро таъмин намоем,- иброз дошт Азизулло Мирзозода.
Мунаввари САФАР, «Ҷумҳурият"


Баёни ақида (0)    Санаи нашр: 23.01.2017    №: 17    Мутолиа карданд: 5146

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед